Si ce n'estoit ceste grande doulceur
Qui est en vous, avec bel entretien
Je vous diroys : "Vous n'estes plus ma seur !"
Car vous avez changé vostre maintien
Qui estoit beau, dire ne sçay combien,
Car il partoit d'ung vouloir cordial
Qui me sembloit estre le plus loyal
Que peut avoir ou dame ou damoyselle.
Reprenez donc ce cueur franc et royal
Et vous verrez que j'ay vers vous bon zele.
