Transcription
Long temps y a que mon esprit ne cesse
De travailler pour trouver argument
Digne de vous, o Royale Princesse,
Mais tant plus quiert, moins trouve fundement.
Ce non obstant, pour monstrer clerement
Sa volonté, a osé entreprendre
Par cest escript le vous donner entendre,
Comme subject treshumble et tresloyal,
Vous suppliant en gré l'eglogue prendre
Que vous envoye, avec ung chant Royal.
H. Salel.
