Transcription
Le souvenir que j’ay d’estre absentée
De celuy seul qui est de moy vaincqueur
Trouble si fort mon ame et ma pensée
Qu’il rend mon corps sans force ne vigoeur.
O souvenir ! trop me tiens de rigoeur,
Car tu me faiz croistre l’affection
Dont mon coeur a tant plus d’affliction
Qui ne sera que par mort assouvie.
Las ! je puis bien dire sans fiction
Que la memoire est ma seule ennemye.
