Bienheureux est, qui se paist de par luy,
Et tres heureux, qui despend droictement.
Encores plus est heureux iceluy,
Qui ne blaspheme, et jure aucunement.
Et celuy vit trop plus heureusement,
Qui se deffend et garde de tout vice.
Plus que tous ceux, est heureux vrayement
Celuy auquel Dieu faict le benefice
De bien mourir, en Chrestien office.
Mais par sus tous, celuy est tres heureux,
Qui, ayant bien vescu sans malefice,
S’en va tout droit en Paradis heureux.
