Colet Claude, "O terre, ô ciel, ô vous touts elementz"

 Transcription: id 47590
Incipit
O terre, ô ciel, ô vous touts elementz
Titre
Pour une Damoyselle regretant un sien amy mort
Transcription
O terre, ô ciel, ô vous touts elementz,
O dure mort qui les humains dévie,
Je congnoys bien par voz faulx jugementz
Qu’avez conceu sur moy mortelle envie.
Osté m’avez un qui estoit ma vie,
Et sans lequel je ne vy qu’en mourant.
O Dieu puissant, soyez moy secourant :
Separez moy, du corps, l’ame dolente.
Ce me sera un tres doulx restaurant,
Car plus ne suis, estant de luy absente.
Copiste
Floriane Gauthier
FdT ID
1214
 
Linked from
Referenced by
 
more...