Transcription
Ces jours ainsi que ta face advisoye,
Et que tenoys en ta main une Rose,
Ung mien amy survint à qui disoye :
"Or devinez la principale chose
Qui a faict tant de rogeur estre enclose
En ceste Rose ?" "Il faut (dict il) sans faincte
Que de rechef Venus l'ait ainsi taincte".
"Non (dis je lors) ta raison n'a valeur :
C'est que madame à sa lebvre l'a joincte,
Dont elle en a la vermeille couleur".
