D'ung seul baiser content point je ne suis,
Car en baisant mon feu point ne s'appaise,
En languissant ton amour je poursuys,
Et mon feu croist alors que tu me baise.
Ainsi que plus s'eschauffe la fornaise,
Quand plus on souffle, or doncques point ne pense
D'ung seul baiser me donner recompense :
Car si je voys que rigueur tu me face,
Au don d'aymer, je fuiray ta presence,
En eslongnant mon regard de ta face.
