C'est grand plaisir quand le Creancier preste,
Quant est de rendre, il n'y a nul plaisir :
Car d'ung brevet on me vient faire feste,
Puis ung sergent me vient au corps saisir,
Dont, bien souvent, contraint suis de choisir
Chemin plus long pour eviter l'esmorche,
Quand il est nuict, je ne veulx point de torche.
Que mauldict soit le premier regardant !
Il m'est advis que tout vif on m'escorche
Quand on me va mes debtes demandant.
