Chascun maintient, qu'entre chose mortelle,
Rien plus fascheux et grief ne faict Nature,
Ne qui peust estre aux hommes plus cruelle,
Que femmes sont. Cecy à l'adventure
Chascun soustient, mais c'est contre droicture ;
Cecy chascun maintient, et toutesfois
Il se marie assez souventesfois :
Car ayant jà enterré la sixiesme,
Se mariant encor une autre fois,
Il ne craint pas d'espouser la septiesme.
