Puys que mon mal de jour en jour augmente,
Et que le bien qui me peult secourir
Se resjouyst de ce qui me tourmente,
De quoy me sert si je plaings et lamente ?
Vault il pas mieulx que m'en aille mourir ?
Si à tout mal que l'on peut encourir
En ces bas lieux, la seulle mort fin donne,
Prendre la veulx, mais je crains que la flame
Qui mon cueur ard pour l'amour d'une dame,
Apres la mort brusle encor ma personne.
