stutzmann_horae 2026-09-11T11:14:43+02:00 1 711743 Work https://heurist.huma-num.fr/heurist/?recID=711743&db=stutzmann_horae 2020-07-16 14:17:19 2026-02-19 17:15:09 HORAE 709352 709058 709087 4651 French (FR, FRE) <p>Mère de Dieu qui fustes mise<br />Et assise <br />Là sus au throsne divin <br />En ceste présente église <br />Sans faintise <br />Suis venu à ce matin <br />Comme vostre pèlerin, <br />Chef enclin, <br />Et de bon cueur vous présente <br />Mon corps et mon âme, affin <br />Qu'à ma fin <br />Vous vueillez estre présente.</p><p>Glorieuse et débonnaire, <br />Exemplaire <br />De parfaicte charité, <br />Vers vous ie me viens retraire, <br />Car soustraire <br />Vueil mon cueur de vanité. <br />Hellas ! dame, j'ay esté <br />Maint esté <br />Et maint yver sans bien faire, <br />L'ennemy m'a enhorté <br />Et tenté <br />Pour moy en enfer attraire.</p><p>Très souveraine princesse, <br />Je confesse <br />Que depuis ma congnoissance <br />J'ay suivi folle jeunesse <br />Par simplesse, <br />Et toute vaine plaisance, <br />Bien doy en vraye espérance, <br />Sans doubtance, <br />Requérir vostre confort <br />Et que j'aye en habondance <br />Repentance <br />Devant que ie soye mort.</p><p>Ie suis des mauvais le pire, <br />A bref dire, <br />Car tout mon entendement <br />A péché et à mal tyre, <br />Et s'empire <br />De iour en iour grandement <br />Quand ie y pense femement, <br />Vrayement <br />Je ne scay plus que ie face <br />Sinon de plourer forment <br />Humblement <br />Devant vostre doulce face.</p><p>D'orgueil ne me excuse mie, <br />Ne d'envye, <br />D'avarice et de luxure <br />Non fay ie de gloutonnye, <br />Dont souillie <br />Ay mon âme oultre mesure ; <br />Par ire ay dict mainte iniure <br />Laide et dure, <br />Par paresse et négligence <br />Ay mys m'âme en aventure.<br />Vierge pure <br />Si vous n'y mectez deffence.</p><p>Raconter ie ne sauroye, <br />Ne pourroye, <br />Mes péchez dont j'ay grant faiz, <br />Et se tout dire povoye <br />Ou vouloye <br />Je n'auroye faict huy, mais <br />Certes non espoir iamais <br />Si mentais, <br />Et vous supplie, vierge et mère, <br />Que vueillez faire ma paix <br />Des meffaictz <br />Que j'ay faictz vers Dieu mon père.</p><p>Souveraine et haulte dame, <br />Sans nul blasme, <br />A vous doibt on recourir <br />Pour sauver le corps et l'âme <br />De la flame <br />Que nous devons tous cremir. <br />Chascun doit avoir désir <br />De venir <br />Vers vous gratieuse et belle, <br />Car tout bien et tout plaisir <br />Peult sentir <br />Le vray cueur qui vous appelle.</p><p>Très précieuse fontaine, <br />Chère et saine, <br />Et vraye estoille de mer, <br />Espérance très certaine <br />D'amour plaine, <br />Pour pécheurs réconforter, <br />Où me pourray je bouter <br />Moy sauver, <br />Quant Dieu iuger nous viendra ? <br />Qui me pourra conforter <br />Ne garder, <br />Vierge, quant ce jour viendra ?</p><p>Hélas ! Vierge, que feront, <br />Que diront <br />Pécheurs à celle iournée ? <br />Car les anges trembleront <br />Quand orrunt, <br />La sentence redoubtée. <br />Lors soyez, Vierge honorée, <br />Esplourée, <br />Devant Dieu à ioinctes mains <br />En disant doulce portée <br />Très aymée, <br />Ayez mercy des humains.</p><p>Lors ny vauldra lamenter <br />Ne plorer, <br />Hélas ! se sera trop tart ; <br />Là me verray accuser, <br />D'excuser <br />Il n'y aura nul regard, <br />L'ennemy querra sa part <br />Par son art <br />Et vouldra m'âme emporter <br />En enfer qui tousiours art <br />Sans départ. <br />Dieu ! quelle angoisse à porter !</p><p>Hélas donc ! et que feray ? <br />Où yray <br />A ce iour horrible et fier ? <br />A vous, dame, me rendray <br />Et diray <br />Que suis vostre prisonnier. <br />A vous me vueil ralier <br />Et fier, <br />Car vous estes si bénigne <br />Que ne pourriez omblier <br />Ne laisser <br />Celuy qui vers vous s'encline.</p><p>Pour ce, Virge au cueur piteux, <br />Moy paoureux <br />Comme tout desconforté, <br />Dolent, pensif, pou ioyeux, <br />Angoisseux, <br />A vous me suis présenté <br />Affin que me regardez <br />Et gardez <br />A ce iour espoventable ; <br />Mon âme es sainctz cieulx mectez <br />Et sauvez <br />En la gloire pardirable.</p><p>Amen</p> Level 4 Prayer Mère de Dieu qui fustes mise Et assise Là sus au throsne divin En ceste présente église Sans faintis | Leroquais 11 ; Sonet 1121 | | Prayer | h4651 0 00 - Imported 00 - Imported 714325 714325 Record relationship https://heurist.huma-num.fr/heurist/?recID=714325&db=stutzmann_horae 2020-07-21 00:45:17 2026-02-19 17:15:09 public 711743 IsRelatedTo 708841 2