stutzmann_horae 2026-09-11T21:33:05+02:00 1 708874 Work https://heurist.huma-num.fr/heurist/?recID=708874&db=stutzmann_horae 2020-07-09 11:12:44 2022-02-23 16:58:23 HORAE 709088 709054 4680 Glorieuse vierge pucelle, Fille de Dieu, mère et ancelle, Fontaine de miséricorde, Vierge de paix et [de] concorde, Dame de consolacion, Où Dieux prist incarnacion Pour racheter l'umain lignage ; Vierge, dame courtoise et sage, De doulceur et de grâce plaine, Dame, des vierges souverayne, De toute joye trésorière, Qui donnes clarté et lumière, A ceulx qui te veulent servir Et qui se veulent repantir De leurs péchiez parfaictement, Je te requier très humblement, A joyntes mains je te suppli, Que tu ayes de moy mercy. Par très saincte courtoisie, Si voir que le doulx fruit de vie T'a fait dame et chastellayne De paradis, et souveraine De toute la gloire éternelle. Doulce vierge plaisant et belle, Plus plaisant qu'onques ne fut femme, A toy recommans mon corps et m'âme : Plaise toy le mettre en ta grâce Et en la tienne sainte garde, Affin que le faulx Sathanas Ne me puisse mettre en son las ; Car ton Filz t'a donné puissance De donner vraye congnoissance A ceulx qui te vont requérant ; Doulce vierge resplendissant, Plaine de grâce et de pitié, Se j'ay meffait, par mon péchié Envers ton très doulx chier enfant Soit en dormant, soit en veillant, Et fait, en pensez ou en dits, Se mon cuer a esté surpris Ou péchié d'orgueil ou d'anvie, D'avarice ou de gloutonnie, De paresce qui n'est que ordure, Au péchié d'ire ou de luxure Ou de mes V cens naturelx, Se j'ay esté deshordenez De quoy mon corps en péchié touche De piez ou de mains ou de bouche, Ou de regarder follement De mes yeulx oultrageusement, Ne d'escouter parolle nysce Plus tost que le digne service De nostre mère saincte Esglise, Se j'ay pense en convoitise, En courroux ou en desplaisance, Ou vestu en oultrecuidance, En quelque manière que se soit De quoi mon corps entaché soit. Ou que mon âme soit chargie, Je te requier, Vierge honnorée, Pardon et mercy humblement, Doulceur et vray alligement, Grâce, pitié et miséricorde, Affin que sans nulle discorde, M'âme et mon corps si soit mis En la gloire de paradis Level 4 Prayer Glorieuse vierge pucelle, Fille de Dieu, mère et ancelle, Fontaine de miséricorde, Vierge de paix et | Leroquais 7 | | Prayer | h4680 00 - Imported 00 - Imported 0 1