stutzmann_horae 2026-09-12T20:22:37+02:00 1 708873 Work https://heurist.huma-num.fr/heurist/?recID=708873&db=stutzmann_horae 2020-07-09 11:12:44 2022-02-23 16:58:23 HORAE 709086 709053 4679 Glorieuse vierge Marie, A toy me rend et si te prie Que tu me vueille tousiours ayder En tout ce [que] j'auray mestier. Garde mon corps de villonnie Et tien mon âme en ta baillie ; Faiz moy tousiours vivre en paix, Et me deffens du faulx mauvais. Qui ne me face chose faire Qu'à ton chier Filz doye desplaire ; Si te supplie, Vierge honnorée, Fais moy passer ceste iournée, Sans péchier mortellement Et sans mourir soudainement. Donne moy telle repentance, Vierge, par ta grande puissance Que j'aye vraye contricion Et à la fin confession. Et quant mon derrenier iour viendra, Que l'âme de mon corps partira, Vueille la en ta garde prendre, Et de l'ennemy la deffendre, Qu'il ne lui face villonnie, Si te supplye, vierge Marie. Présente la à ton chier Filz Pour la mettre en son paradis ; Affin que de moy te remembre Le doulx [salut] ie te vueil rendre Duquel l'ange te salua En disant : Ave, Maria Level 4 Prayer Glorieuse vierge Marie, A toy me rend et si te prie Que tu me vueille tousiours ayder En tout ce [qu | Leroquais 6 | | Prayer | h4679 00 - Imported 00 - Imported 0 1