stutzmann_horae 2026-09-12T12:48:42+02:00 1 706337 Work https://heurist.huma-num.fr/heurist/?recID=706337&db=stutzmann_horae 2020-07-09 10:27:46 2022-02-23 16:57:59 HORAE 698605 10453 Prolatis nominibus offerentium, humiliter poscimus misericordiam tuam, omnipotens aeterne deus, ut in hoc venerabili festo Thomae apostoli tui sancti sereno vultu plebem tuam pius respicias, dextera divinitatis tuae sanctifices et benedicas nomina que offerentium in libro vitae caelestis adnotari propitius iubeas. Sint haec obsequia, quaesumus, domine, ante conspectum gloriae tuae placabilia, quae annua revolutione tibi offerimus dedicanda, ut per hoc nostrae humilitatis votum et sancti martyris tui interventum piissimum concedas singulis postulatum remedium. Adsit, precamur, domine, muneris tui dono lapsis congruus paenitentiae locus, reis indulgentiae auditus, maestis laetitiae commodum, tristibus laetitiae consolatio, oppressis erectionis solatium. Eveniat etiam a te, domine, vera humilitas superbia tumidis, largitio provida avaris, subsidium veniae desperatis, continentiae frenum luxuriosis. Benigna relaxatione absolvantur vincti, ad libertatem reducantur omnes captivi, ad sospitatem pristinam reparentur infirmi, piam susceptionem universi inveniant peregrini. Tueantur viduae a malitia perversorum, orphani et pupilli facile liberentur ab insania reproborum. Detur navigantibus portus quietis, discordantibus concordia pacis, concordibus perseverantia pacis in vinculo caritatis. Concedatur a tua clementia, domine, nobis omnibus in commune viventibus cunctorum indulgentia peccatorum et defunctis fidelibus refrigerii locus in regione viventium. Level 4 Oration Prolatis nominibus offerentium, humiliter poscimus misericordiam tuam, omnipotens aeterne deus, ut i | Corpus Orationum 4665 | | Oration | h10453 00 - Imported 00 - Imported 0 1