Transcription
Venus, Venus, viens de grande roydeur,
Te mettre au corps de ma maistresse et Dame :
Tu cognoistras qu'une extreme froideur
Cause son mal et me tourmente l'ame.
Besoing elle a que ta divine flamme,
Vienne son cueur en son gent corps saisir,
Non pas si fort qu'elle en ait desplaisir -
Car trop grand feu cause foiblesse grande -
Mais d'un feu doulx, pour la rendre, à loisir,
En tel estat comme elle se demande.
