Quelqu’un promit à une Damoyselle,
Qu’il luy feroit dix fois pour une nuict.
Elle le creut et luy, la voyant belle,
Presumoit bien d’achever le deduict.
Mais quand il vit son tenebreux conduyt,
Il ne luy fit que trois fois seulement.
Elle luy dist peu après, franchement :
"Honneur, monsieur, deux et as vous sont dignes."
"Si le tablier eust esté autrement,
Par le vray Dieu", dist il, "j’eusse faict quines."
