Je ne croy pas que douleur corporelle
Qui vient d’aymer puisse bruller un corps :
Ce n’est pas feu, c’est chaleur naturelle,
Qu’on peult jetter facilement dehors.
Cent fois le jour, vous dites estre mors,
(O vous, amans bruslans en grand martire)
Ce mourir là, c’est seulement un rire,
Qui trop vous fait en esperant attendre.
Mais si mouriez, comme sçavez bien dire,
Long temps y a que vous fussiez en cendre.
