De vostre gré avez voulu choysir
Le moys d’Avril, vous n’eussiez sceu mieux prendre,
Car le voyant annoncer tout plaisir,
L’ay pris aussi, pour loyer en attendre.
Puis vostre choix (comme je puis entendre)
Fait sur quelqu’un son loyal fondement.
En une aussi est mon contentement :
Je ne sçay pas quelle en sera la monstre,
Mais je sçay bien que le consentement
Sera heureux si le vostre rencontre.
