En attendant quelque peu de secours,
Devant tes yeux je lamente et souspire ;
Tu peux bien voir ma langueur tous les jours,
Et toutefois tu ne t’en fais que rire.
S’il te plaisoit pour remede m’escrire,
Ou me mander ton plaisir et vouloir,
Je cesserois à me plaindre et douloir,
Vivant d’espoir qui vrays amans suporte.
Mais si ton cueur me met à nonchaloir,
Je m’en iray mourir devant ta porte.
