Quelqu’un songeoit en dormant voir un diable
Qui un thresor en terre luy monstroit.
Comme joyeux de ce cas admirable,
Luy demanda où c’est qu’il le mettroit.
Le diable dist : "Pour le mettre en destroit
Et le cacher, il fault chier dessus."
Le compaignon n’en fit point de reffus,
Car en son lit un gros estron couva,
Mais au resveil se trouva bien confuz,
Car pour thresor un tres ord il trouva.
