Ostez l’espoir que pretendez en moy
Car vostre chair mon jeune corps offusque.
Il est bien temps que soyez à recoy ,
Sans plus user de vostre corps caduque.
Perdu avez votre blonde perruque,
Qui autrefois a esté tant prisée.
Or maintenant votre teste est frisée,
Voilà pourquoy plus n’estes à ma poste,
Et qui plus est, vous estes plus brisée
Que les houseaux ou bottines d’un poste.
