Voyant mon Dieu en la croix estendu
Pour tous humains, que fault il que je face ?
Doy-je plorer pour son sang espandu
Ou m’esjouyr que sa mort me fait grace ?
Quand son tourment par devant mes yeux passe,
Je vueil plorer et plaindre amerement ;
Mais quant je sçay que nostre sauvement
Vient de sa mort, le chanter je desire.
Bref, je ne sçay que faire bonnement :
Ou sa mort plaindre ou du sauvement rire.
