ScriptaManent 2026-09-22T14:42:42+02:00 1 54605 Transcription https://heurist.huma-num.fr/heurist/?recID=54605&db=ScriptaManent 2026-02-19 10:43:57 2026-02-23 12:39:52 public Combien d’escriptz, et de livres divers À <persName>tres illustre Dame, Madame Catherine d’Amboise dame de Lignieres, Chaulmont, et Meillant, Contesse de la Sertizanne</persName>, <persName>Michel d’Amboise seigneur de Chevillon, son humble poete, et tresobeissant serviteur</persName> donne salut, et eternelle felicité https://gallica.bnf.fr/ark:/12148/bpt6k8509167/f45 898 <div style="padding-left: 40px;">Combien d’escriptz, et de livres divers,</div> <div>Les ungs en prose, et les autres en vers,</div> <div>Ont composé plusieurs contre Avarice,</div> <div>Chascun en a cognoissance, et notice.</div> <div>Et presques tous, qui en ont faict escriptz,</div> <div>Ung si grand vice en opprobrieux critz</div> <div>Ont execray, contemné, et blasmé</div> <div>Et, devant tous, <persName>l’orateur renommé</persName></div> <div><persName>Avidius Cassius</persName>, en l’epistre</div> <div>Qu’il envoya à <persName>son gendre</persName>, le tiltre</div> <div>De son escript fut tel. S’il est ainsi,</div> <div>Que le peché d’avarice transi</div> <div>Soit à blasmer en quelque homme privé,</div> <div>Certainement en ung prince trouvé</div> <div>Est detestable, et mesmes pugnissable.</div> <div style="padding-left: 40px;">La republicque est certes miserable,</div> <div>Et malheureuse où les hommes trop riches,</div> <div>Pareillement où les autres chiches,</div> <div>Sont endurez et souffertz. O motz dignes</div> <div>De lettre d’or, et des tables Cedrines !</div> <div>Car qui vouldra souffrir en republicque</div> <div>Ce monstre infect, ce vice tant inique,</div> <div>Il fault aussi y souffrir, à vray dire,</div> <div>Ce que <persName>Salluste</persName> en a voulu escripre.</div> <div style="padding-left: 40px;">Avarice a ung soing tresdiligent,</div> <div>Pour assembler de toutes pars argent :</div> <div>Ce que jamais homme prudent et sage</div> <div>Ne desira. Elle a cœur, et courage,</div> <div>Et tous ses faictz, de mortelz venins plains :</div> <div>Dont chascun jour on oit faire grands plains.</div> <div style="padding-left: 40px;">Elle effemine, et rend tout inutile</div> <div>Les corps humains, et l’esperit virille.</div> <div style="padding-left: 40px;">Sa soif jamais par boire n’est finie,</div> <div>Insatiable elle est, et infinie.</div> <div>Tant plus a beu, tant plus elle veult boyre :</div> <div>Tant plus elle a, tant plus veult avoir - voire</div> <div>Quelque’ grands biens ou quelque grand pouvresse</div> <div>Qu’elle ait : jamais son ardeur ne s’abesse,</div> <div>Mais veult tousjours avoir. C’est une beste</div> <div>Fiere, cruelle, horrible, et deshonneste</div> <div>Que l’on ne peult aisement supporter,</div> <div>En quelque lieu que se vueille porter.</div> <div style="padding-left: 40px;">Les lieux sacrés, les maisons, et les champs,</div> <div>Elle destruict. Ses faictz sont si meschantz</div> <div>Que toute chose, et humaine, et divine</div> <div>Elle emmoncele ensemble et les termine.</div> <div style="padding-left: 40px;">Il  n’y a rien, fusse une grand armée,</div> <div>Fusse Chasteau, ou ville bien fermée,</div> <div>Qui resister puisse à l’encontre d’elle :</div> <div>Qu’elle n’y entre à force. La cruelle,</div> <div>Tous les mortelz despouille de parens,</div> <div>De chasteté, de pays, et d’enfans.</div> <div>Mesmes d’honneur, qui se doibt extimer,</div> <div>Plus que tout bien terrestre, ou de la Mer.</div> <div style="padding-left: 40px;">C’est celle là, qui ne faict cas de rien,</div> <div>S’il ne luy croyst, et augmente son bien.</div> <div>Les sainctes Loix, elle rejecte au loing :</div> <div>À rien qui soit vertueux, n’a le soing.</div> <div style="padding-left: 40px;">Les escripvains, des Histoires honnestes,</div> <div>Les Orateurs, et cellebres Poetes -</div> <div>Qui sont des noms et des faictz enseigneurs</div> <div>Par leurs escriptz des vertueulx seigneurs -</div> <div>Elle mesprise, et d’eulx compte ne tient.</div> <div style="padding-left: 40px;">Tant seullement, la villaine entretient</div> <div>Ceulx qui luy font richesses amasser,</div> <div>Par decepvoir tromper, et broullasser !</div> <div>Rien ne luy plaist s’il n’apporte proffit,</div> <div>Et feut il bien en honneur tout confit.</div> <div style="padding-left: 40px;">Son esprit est trompeur, sa parolle</div> <div>N’a point de foy, la rendre benivolle</div> <div>Aulcun ne peult tant soit il bien parlant.</div> <div style="padding-left: 40px;">Comme ung Corbeau, ou ung voultour vollant</div> <div>Va pour se paistre à la charongne infecte</div> <div>Qu’il a du nez, par les prez descouverte,</div> <div>Ainsi vers l’or, vers l’argent, et richesse</div> <div>Ceste soif court, sans propos, et sans cesse.</div> <div style="padding-left: 40px;">Par Avarice, au temps passé, Giezi</div> <div>Fut d’une lepre en tout son corps saisi.</div> <div style="padding-left: 40px;">Par avarice aussi Pigmalion</div> <div>Tua jadis son frere Sicheon.</div> <div>Polymnestor, pour en avoir la Proye,</div> <div>Tua le filz de Priam roy de Troye.</div> <div>O grand peché, o crime Abhominable,</div> <div>Offence vile, ardeur insatiable,</div> <div>Qui se debvroit venger par grands ruisseaulx</div> <div>De rouge sang et par tresgrandz monceaulx</div> <div>D’hommes tuez ! Ung prince homme sans foy,</div> <div>Emprisonner ung jeune Enfant de Roy,</div> <div>Sans que jamais tel cas eut merité !</div> <div style="padding-left: 40px;">Par avarice, Achiles incité</div> <div>Vendit le corps d’Hector mort à son pere.</div> <div>Don il en eut, et en a vitupere.</div> <div style="padding-left: 40px;">Par avarice, aux infernaulx Pallus,</div> <div>Se meurt de fain, et de soif Tantallus,</div> <div style="padding-left: 40px;">Par avarice, aussi <persName>Demosthenes</persName></div> <div>Fut en publicq reprins par <persName>Aeschines</persName>.</div> <div>Et Acheus, qui fut Roy de Lydie,</div> <div>Mallade trop de ceste malladie :</div> <div>Fut par ses gens, en façon deshonneste,</div> <div>Pendu les pieds en hault, en bas la teste.</div> <div>Laquelle il eut en Pactolus baignante :</div> <div>Où il mourut de mort bien violante,</div> <div>Par avarice aussi le grand roy Daire,</div> <div>Fist d’une royne ung sepulchre deffaire,</div> <div>Pour ce que escript y vit : "Qui m’ouvrera,</div> <div>Ung grand tresor en moy il trouverra".</div> <div>Mais quant il eut la Tombe faict ouvrir</div> <div>Et tous les os du gisant descouvrir,</div> <div>Il y trouva escript dedans ung rolle</div> <div>Ceste fameuse, et louable parolle :</div> <div>"Si n’estois meschant de cœur, et corps,</div> <div>Tu ne ferois ainsi cercher les mors".</div> <div style="padding-left: 40px;">Eriphile, vilainement avare,</div> <div>Ne differa d’enseigner Amphiare</div> <div>Le sien mary, au roy des Argiens,</div> <div>Pour ung fer d’or avoir. Par ces moyens</div> <div>Tarpeia Romaine, avare et folle,</div> <div>Vendit jadis le romain Capitolle,</div> <div>Que fault il plus ? Avarice fist vendre</div> <div>Le Christ de Dieu : et si fist Judas pendre.</div> <div>O grand rage ! O soif (sans fin) penible,</div> <div>Fain enragée ! Fureur inextinguible !</div> <div>De tes couleurs qui paindre te vouldroit,</div> <div>Suyvre S. Paul certes il luy fauldroit,</div> <div>Qui escripvant au prebstre Timothée,</div> <div>De tous pechez la mere t’a notée.</div> <div>Ung <persName>Appelles</persName>, te paindroit mieulx à l’aise,</div> <div>Quant il paindroit une ardente Fournaise :</div> <div>Qui tant de bois engloutist, et consomme</div> <div>Qu’on luy en donne. Ainsi faict l’avare homme</div> <div>Tant plus il a, tant plus a de besoing,</div> <div>Tant plus il tient, tant plus serre le poing.</div> <div>Il n’a jamais suffisance. Il tracasse</div> <div>De tous coustez, comme veneur, qui chasse</div> <div>Pour prendre proye. Et l’amour diligent</div> <div>D’avoir argent croist autant que l’argent</div> <div>Se multiplie à son Coffre serré,</div> <div>Dont il doibt estre au vray accomparé</div> <div>À ung Yvrongne. Il desire le Vin</div> <div>Tant plus il boit, qui luy est ung venin.</div> <div>O homme avare ! Homme en tous maulx confit,</div> <div>Viens ça ! dy moy : mais quel gaing, quel proffit,</div> <div>Peulx tu avoir, en gaignant tout le monde,</div> <div>Pour perdre l’ame en la peine profonde,</div> <div>Du puys d’enfer ? Mieulx vauldroit n’avoir rien,</div> <div>Que perdre ainsi, pour jamais, ung tel bien.</div> <div style="padding-left: 40px;">Or je te laisse, Avarice, et les tiens.</div> <div>Et devers toy (<persName>madame</persName>) je m’en viens,</div> <div>Qui de tout temps, mesmes de ton jeune age,</div> <div>As destesté ce vice comme sage.</div> <div style="padding-left: 40px;">Je suis certain, par vray experiment,</div> <div>Que tu ne l’as hay tant seullement,</div> <div>Mais ceulx aussi, qui ont suivy la trasse</div> <div>De ce peché, qui toute grace efface.</div> <div>Et si tu as mal voulu au peché,</div> <div>Certes ton cœur au rebours a taché</div> <div>De bien vouloir à liberalité,</div> <div>Avecques qui tu as affinité,</div> <div>Affinité autant grande qu’eut onques</div> <div>Illustre dame et princesse quelzconques.</div> <div style="padding-left: 40px;">Marc empereur, tresliberal et riche,</div> <div>Hait sur tout, d’avoir le nom de chiche,</div> <div>Et toy (<persName>madame</persName>) as craincte merveilleuse,</div> <div>D’avoir le bruit d’estre avaricieuse.</div> <div>Si que jamais ne part de toy personne</div> <div>Mal contenté, et que tu ne luy donne</div> <div>Chevaulx, argent, robes, chaisnes, dorures</div> <div>Offices, biens, lieux de judicatures</div> <div>En tes Chasteaulx - scelon le tien povoir -</div> <div>Et le merite, où tu sces bien pourveoir.</div> <div>O grand largesse ! O liberalité,</div> <div>Digne d’ung Roy, ou bien en verité</div> <div>De l’Empereur Tite Vaspasien,</div> <div>Lequel disoit, s’il n’avoit eu moyen</div> <div>De rien donner en ce jour, jour mal né :</div> <div>"O jour perdu où je n’ay or donné !"</div> <div style="padding-left: 40px;">Tu diz ainsi, <persName>liberalle Contesse</persName>,</div> <div>Quand à donner, ta large main prend cesse.</div> <div>Tu diz ainsi, si tu passes ung jour</div> <div>Sans rien donner, en faisant ton sejour.</div> <div style="padding-left: 40px;">Voilà pourquoy, <persName>ma Dame reverée</persName>,</div> <div>Icy devant ma pleume, peu heurée,</div> <div>T’a voulu paindre, et monstrer par beaux vers</div> <div>L’effect villain, l’effect ord et pervers</div> <div>De l’avarice, affin que tu revoye</div> <div>Le lait Trophée, eslevé en la voye ;</div> <div>Et la despouille en ce trophée mise</div> <div>De celle là que du tout as soubmise</div> <div>Et surmontée, affin que ta vieillesse</div> <div>Se resjouisse en son bien de jeunesse,</div> <div>Et que jeunesse en ton corps par memoire</div> <div>Estant, s’egaye en si riche victoire.</div> <div style="padding-left: 40px;">Qui est l’endroict, où fineray ma lettre ;</div> <div>Mais toutesfoys, avant que ply y mettre,</div> <div>Je te feray present d’une Satyre</div> <div>De <persName>Juvenal</persName>, que j’ay voulu traduire</div> <div>À ce propos, ainsi que pourras veoir,</div> <div>Comme j’ay eu le sens, et le povoir.</div> <div style="padding-left: 40px;">Si d’adventure il y a à reprendre,</div> <div>Je te supply vueille la peine prendre</div> <div>De m’excuser, et deffendre envers ceulx</div> <div>Qui tout le bien retiennent devers eulx</div> <div>Et tout le mal remettent sur le proche.</div> <div>Pour leur donner infamie, et reproche.</div> <div style="padding-left: 60px;"><signed><persName>Dieu, et non plus<persName>.</signed></div> Claire Sicard 11689 1