ScriptaManent 2026-09-22T14:42:44+02:00 1 54603 Transcription https://heurist.huma-num.fr/heurist/?recID=54603&db=ScriptaManent 2026-02-19 09:37:40 2026-02-23 12:39:52 public On dict noblesse estre une dignité A <persName>tresreverend prelat Messire Françoys de Sercus, Evesque du Puy, et conte de Vellay</persName>, <persName>Michel d’Amboyse escuier, seigneur de Chevillon</persName>, donne salut et felicité eternelle https://gallica.bnf.fr/ark:/12148/bpt6k8509167/f7 898 <div style="padding-left: 40px;">On dict noblesse estre une dignité</div> <div>Ou excellence en toute purité</div> <div>De progenye, ou de quelque aultre chose.</div> <div style="padding-left: 40px;">Le philosophe en qui l’honneur repose</div> <div>Des bons espritz, qu’aux corps le ciel submect,</div> <div>En ses escriptz quatre especes en mect</div> <div>C’est assavoir : noblesse de sçavoir,</div> <div>Vertu, lignée, et noblesse d’avoir.</div> <div style="padding-left: 40px;">Mais toutesfois qu’il s’ayde de ces quatre,</div> <div>J’en veulx les deux en cest endroit rabatre</div> <div>Et me servir des deux plus excellantes</div> <div>Lesquelles sont certes correspondantes</div> <div>A nostre corps et nostre ame sans cesse.</div> <div>C’est assavoir paternelle noblesse</div> <div>Et vertueuse. Une rasse de pere</div> <div>Est celle là qui vient de chair prospere</div> <div>Et excellante ; et tient de la nature</div> <div>Du mortel corps subject à pourriture.</div> <div>Mais l’autre plus que ceste cy honteuse</div> <div>Qui est nommée, et dicte vertueuse</div> <div>Est une gloire et dignité acquise</div> <div>Par probité de meurs, ou force quise</div> <div>Avecq vertu d’esprit et de courage</div> <div>Qui appartient par coustume et usage</div> <div>A l’homme preux, qui par œuvre tresbonne</div> <div>La rend commune, et propre à sa personne.</div> <div style="padding-left: 40px;">De ceste cy parlant <persName>sainct Crisostome</persName></div> <div>Dict, et maintient : que pour noble tout homme</div> <div>Se peult tenir, qui de pecher a honte</div> <div>Et qui peché seigneurie et surmonte.</div> <div style="padding-left: 40px;">Or de ces deux s’engendre une troiziesme</div> <div>Quand il advient qu’en ung seul homme mesme</div> <div>Y a de rasse, et vertu, excellance</div> <div>Et dignité ; et ceste cy je pense :</div> <div>La consommée, et parfaicte noblesse,</div> <div>Que plusieurs gens appellent gentillesse,</div> <div>Car l’excellence unicque de lignée</div> <div>Si de vertu ne va accompaignée,</div> <div>Noble ne rend l’homme parfaictement.</div> <div>Ainsi vertu née villainement</div> <div>Seulle ne peult noblesse au corps donner</div> <div>Sans que le sang la viene accompaigner.</div> <div style="padding-left: 40px;">Mais des parens le sang noble, et subtil</div> <div>Parfaictement rend ung homme gentil</div> <div>Avecq vertu. Et sans ces deux ensemble,</div> <div>Noble parfaict n’est l’homme (ce me semble).</div> <div style="padding-left: 40px;">Comme le corps ne peult homme parfaire</div> <div>Estant sans ame, à l’homme necessaire</div> <div>Et ame aussi ne rend l’homme parfait</div> <div>S’elle n’a corps. Car il fault en effect</div> <div>Pour compouser ung homme entierement</div> <div>Que l’ame et corps soient mis ensemblement.</div> <div>Ainsi ne peult parfaictement noble estre</div> <div>Homme s’il n’est de vertu noble, et destre.</div> <div style="padding-left: 40px;">Or toutesfoys la presente Satyre</div> <div>Que j’ay voullu de <persName>Juvenal</persName> traduyre</div> <div>Dict aultrement. Car elle dit en somme</div> <div>Que celluy là est ung vray gentilhomme</div> <div>Ores qu’il soit de vile rasse né</div> <div>Si de vertu il est accompaigné.</div> <div style="padding-left: 40px;"><persName>Noble prelat</persName>, la traduction d’elle</div> <div>Quant je t’en filz present : te sembla belle</div> <div>Et pour autant que tu y prins plaisir</div> <div>Et que mon cueur et unicque desir</div> <div>Est de te faire aulcunesfois present</div> <div>Qui te soit beau, gracieulx, et plaisant,</div> <div>J’en ay traduit encores trois ces jours</div> <div>Qu’il te plaira de lire en tes sejours</div> <div>Quant pour ce faire auras le temps propice</div> <div>Et de ma part je prenderay l’office</div> <div>De n’estre ingrat en ce que pourray faire</div> <div>De te servir, obeyr, et complaire</div> <div>Comme je suis tenu pour les biens faitz</div> <div>Qui, maintesfoys, par toy m’ont esté faitz</div> <div>Et mesmement au besoing on le veoit</div> <div>Le bon amy qui au besoing pourvoit.</div> <div style="padding-left: 40px;">Tu prendras doncq ceste traduction.</div> <div>Dont je te faitz entiere oblation,</div> <div>En attendant que don meilleur te fasse</div> <div>Ce que de brief feray, avecq la grace</div> <div>Du seigneur dieu, qui t’a fait noble naistre</div> <div>Et vertueux en ce monde congnoistre,</div> <div>Qui te fera noble, et vertueux vivre</div> <div>Par autant d’ans que la vertu en livre,</div> <div>Qui est en toy si copieuse et haulte</div> <div>Que de ses biens tu n’auras jamais faulte.</div> <div style="padding-left: 60px;"><signed><persName>Dieu et non plus</persName></signed>.</div> Claire Sicard 11706 1