ScriptaManent 2026-08-28T11:09:21+02:00 1 54285 Transcription https://heurist.huma-num.fr/heurist/?recID=54285&db=ScriptaManent 2026-01-01 14:22:20 2026-01-01 15:27:45 public O noble vierge Astrée ayant le glaive en main Deploration en poesie Françoyse et Latine, sur le trespas de <persName>monseigneur Olivier, Chancellier de France</persName><br/> Vers Alexandrins Valognes, Médiathèque Julien de Laillier, C 6121 (1) 605 <div style="padding-left: 40px;">O noble vierge Astrée ayant le glaive en main</div> <div>Pour punir les pervers qui ont cueur inhumain,</div> <div>Que ne viens tu du Ciel en ce bas Territoire</div> <div>Pour surmonter la Mort par heureuse victoire,</div> <div>Qui sans avoir esgard au proffit singulier</div> <div>Du <persName>puissant Roy Gauloys</persName>, contre <persName>son Chancellier</persName></div> <div>A lancé le venin de ta Pique exécrable,</div> <div>Pour à toy et à nous faire playe incurable.</div> <div>Déesse de Justice, entends le grief remord</div> <div>Que le peuple François ha pour la triste Mort</div> <div>Du <persName>sçavant Olivier, plein de meure prudence</persName>,</div> <div>Et qui estoit l'honeur de la Jurisprudence,</div> <div>Faisant par le sçavoir des équitables loix</div> <div>Resplendir en tout lieu ce beau Regne Gauloys.</div> <div>Il te portoit honeur o saincte vierge Astrée,</div> <div>Et sa poictrine estoit sainctement pénétrée</div> <div>De la crainte de Dieu, il aymoit vérité,</div> <div>Ennemi d'avarice, ami de charité.</div> <div>L'impitoyable Mort qui les grands Roys renverse,</div> <div>Entra en jalousie et envie perverse</div> <div>Contre <persName>cet Olivier</persName>, le voyant exercer</div> <div>Les Droicts, suyvre vertu, le vice renverser,</div> <div>Car tousjours elle porte une maudicte envie</div> <div>À ceux qui sont de noble et vertueuse vie,</div> <div>Et laisse longuement au Monde vivre ceux</div> <div>Qu'aux vertus elle voyt trop froids et paresseux,</div> <div>Ainsi le vent trop fort faict tomber sans demeure</div> <div>La pomme, qui dessus les arbrisseaux est meure,</div> <div>Et celles n'abat point qui n'ont maturité</div> <div>Bien que de soufflemens l'arbre soit agité.</div> <div>La Mort par son envie ainsi prent les personnes</div> <div>Qui sont contre son vueil vertueuses et bonnes.</div> <div>Ce pendant qu'<persName>Olivier</persName> de santé jouissoit</div> <div>De la belle Pallas le Troupeau florissoit,</div> <div>Car pour le decorer de ses honeurs antiques,</div> <div>On exaltoit son nom par œuvres Poetiques,</div> <div>Et les doctes neuf Seurs du Pernasside mont</div> <div>En chantant ses vertus souvent incité m'ont</div> <div>À les chanter aussi, affin que de sa gloire</div> <div>Ne fust aux successeurs estaincte la memoire.</div> <div>Mais ores ces neuf Seurs ont tant les cueurs marris,</div> <div>Que leur soulas en dueil, et en larmes leur ris</div> <div>A esté converti, et est chose certaine</div> <div>Que leurs humides pleurs augmentent leur fontaine</div> <div>Helicon, où jadis les Poetes lavez,</div> <div>Du Nectar poetique ont esté abruvez.</div> <div>Toutefoys en plorant, ces Pégasides Muses</div> <div>Gravent en marbre fin les louanges diffuses</div> <div>De <persName>ce bon Olivier, des legistes l'honeur</persName></div> <div>Et à qui Dieu de tant de graces fut donneur.</div> <div>Donc en despit de Mort furieuse et cruelle</div> <div>De ses vertus sera la louange eternelle.</div> <div>Et l'Olivier heureux sa racine estendra</div> <div>Qui l'odeur de son fruict immortelle rendra,</div> <div>Car desja de cet arbre on voyt rameaux espars</div> <div>Qui une douce odeur rendent de toutes pars,</div> <div>Et les fruicts en viendront à la posterité</div> <div>Qui les verra ornez de grand auctorité</div> <div>À l'aureille des Roys, où l'heureuse racine</div> <div>Des futurs oliviers point ne se desracine,</div> <div>Parquoy, cruelle Mort, combien qu'à ton effort</div> <div>Ne puisse résister le plus puissant et fort,</div> <div>Si n'as tu d'<persName>Olivier</persName> la louange abatue,</div> <div>Le Seigneur tout puissant au Ciel luy restitue</div> <div>Une vie sans fin, promise aux bien heureux</div> <div>Qui de vraye équité ont esté amoureux,</div> <div>Comme <persName>cet Olivier de racine non morte</persName>.</div> <div style="padding-left: 40px;">Parquoy, peuple Françoys, que douleur desconforte</div> <div>Pour du <persName>bon Chancelier</persName> entendre le trespas,</div> <div>Appaise un peu ton dueil, certes, mort il n'est pas.</div> <div>Au Ciel son ame vit, et sur la Terre ronde</div> <div>La mémoire de luy de grand honeur abonde</div> <div>Qui sans fin laissera à l'œil des successeurs</div> <div>De ses haultes vertus tesmoignages bien seurs.</div> <div>Et vous, <persName>dame d'honeur, tant rassise et posée</persName></div> <div><persName>Du fertile Olivier la louable Espousée</persName>,</div> <div>Beaucoup avez perdu, mais le regret qui mord,</div> <div>Les larmes, les souspirs, ne donnent vie au mort.</div> <div>De tous hommes mortels la vie est terminée,</div> <div>Et l'homme ne pourroit vaincre sa Destinée.</div> <div>Celluy qui tout créa, qui tout peut, tout prévoit,</div> <div><persName>Vostre defunct Espoux</persName> tant agréable avoit,</div> <div>Qu'il l'a voulu pourvoir en son Regne celeste,</div> <div>Où il reçoit soulas, loing de tout dueil moleste,</div> <div>Jusq'à ce que sa chair inhumée au Tombeau</div> <div>Sera resuscitée en un corps pur et beau.</div> <div style="padding-left: 40px;">Ce pendant, o lecteurs, considerez la perte</div> <div>Que la Gaule reçoit par la ruine aperte</div> <div>De <persName>ce bon Chancelier</persName>, qui par grace féconde</div> <div>Fut l'ornement des Loix, et latine faconde.</div> <div>Tout ce qui est sur Terre, à la fin pourrira,</div> <div>Mais la noble vertu jamais ne perira.</div> <div>Les braves bastimens seront reduicts en pouldre,</div> <div>Et tous les Elemens viendront à se dissouldre,</div> <div>Mais des bons la vertu au Ciel se poulsera,</div> <div>Et à Dieu, de leurs faicts tesmoignage sera.</div> <div style="padding-left: 80px;"><trailer>Fin</trailer>.</div> Claire Sicard 54265 1