ScriptaManent 2026-06-08T18:15:44+02:00 1 50775 Transcription https://heurist.huma-num.fr/heurist/?recID=50775&db=ScriptaManent 2025-04-03 14:52:59 2025-04-03 15:02:17 public Non pas tousjours, on s’amuse en Vergile L’argument de la Comedie, aux lecteurs https://lasirene.versailles.fr/detail-d-une-notice/visionneuse?ntc=945213751:7809&return=aHR0cHM6Ly9sYXNpcmVuZS52ZXJzYWlsbGVzLmZyL2RldGFpbC1kLXVuZS1ub3RpY2Uvbm90aWNlLzk0NTIxMzc1MS03ODA5 372 <div style="padding-left: 40px;">Non pas tousjours, on s’amuse en Vergile,</div> <div>Ou es leçons du fidele Evangile ;</div> <div>Non pas tousjours on prend plaisir aux vers,</div> <div>De gravité veritable couverts :</div> <div>Car quelque foys l’esprit bening et tendre,</div> <div>Quelque leçon nouvelle veult entendre.</div> <div style="padding-left: 40px;">Cella je dy (ò benings lecteurs) pource</div> <div>Que d’œuvres maints je veoy une grand’ source.</div> <div>Aulcune foys remplis de verité,</div> <div>Aulcunes foys de toute obscurité,</div> <div>Dont les humains, cuydants proffit attraire,</div> <div>Le plus souvent en font tout le contraire.</div> <div>L’œuvre present est si bien compassé,</div> <div>Qu’il represente Auteurs du temps passé,</div> <div>Que l’on nommoit les Poëtes Comiques.</div> <div>Terence, Plaute et aultres maints antiques</div> <div>Telz ont esté : dont la fluente Muse</div> <div>Des plus letrez, l’œil bien souvent amuse,</div> <div>Quand en latin on lit la melodie</div> <div>De plusieurs vers, compris en Comedie.</div> <div>Mais les Françoys, Auteurs de ce temps cy,</div> <div>N’ont point encor’ ce curïeux soucy,</div> <div>De mettre au vent Comedie diverse :</div> <div>Car leur esprit en aultre stille verse.</div> <div>Ce qui m’a fait prendre papyer et plume,</div> <div>Pour en trouver l’usage et la coustume,</div> <div>À celle fin que du Françoys païs</div> <div>Soyent desormais les aultres esbahis</div> <div>Et que puissions les vieulx latins ensuyvre,</div> <div>Qui par escript nous ont appris de vivre,</div> <div>Où nous voyons desja que l’on s’applique</div> <div>À enrichir le langaige Gallique,</div> <div>Dont les Auteurs en ont louange entiere.</div> <div style="padding-left: 40px;">Or, pour suyvir de pres nostre matiere,</div> <div>L’œuvre present Comedie sera,</div> <div>Qui, des amours plaisantes, traictera</div> <div>D’un escolier Erostrate nommé,</div> <div>Filz d’un marchant en thesors renommé ;</div> <div>Pareillement de dame Polymneste.</div> <div style="padding-left: 40px;">Afin que tout au vray je manifeste,</div> <div>Cest Erostrate honneste et de renom,</div> <div>Par son pere est transmis en Avignon</div> <div>Estudier : qui si tost qu’il arrive,</div> <div>Et que de l’eau il eut passé la rive,</div> <div>Apperceut lors Polymneste la belle,</div> <div>Fille à Damon, qui d’une ardeur nouvelle</div> <div>Incontinent commença de le poingdre,</div> <div>Dont il conclud à son amour atteindre.</div> <div>D’Erostrate le nom il delaissa,</div> <div>Et de son serf le tiltre il embrassa,</div> <div>Nommé Dilippe : et dessoubz ce nom là</div> <div>Bien longuement ses amours il cela</div> <div>Avecq’ la belle, en passant son service</div> <div>Avecq’ Damon, où la vieille Nourrice</div> <div>Feut le moyen que la flamme s’appaise,</div> <div>Qui les amants tenoit en grand malaise.</div> <div style="padding-left: 40px;">Finablement l’embusche est descouverte,</div> <div>Dont l’amant est mis en prison couverte.</div> <div>Son pere vient (de ce cas incertain)</div> <div>En Avignon de son païs loingtain.</div> <div>Le serviteur de son filz desguisé</div> <div>Trouble le pere, et puis mieulx advisé</div> <div>Le recongnoist : rendu joyeux d’entendre,</div> <div>Qu’il estoit filz du grand docteur Cleandre.</div> <div>Damon entend que ceste fiction</div> <div>Le rempliroit de consolation ;</div> <div>Reçoit le pere en liesse infinie</div> <div>Et Erostrate à sa fille marie.</div> <div style="padding-left: 40px;">Les actes sont bien proportionnez,</div> <div>Et proprement personnaiges donnez.</div> <div>Brief, il y a invention bien grande,</div> <div>Qui sa memoyre aux lecteurs recommande.</div> <div style="padding-left: 40px;">Oultre cella, deux Epistres verrez</div> <div>Des deux amants : ausquelles trouverez</div> <div>(Si les voulez lire d’un cœur avide)</div> <div>Qu’elles sont pres de la phrase d’Ovide.</div> <div>Bien esperant que chascun de vous die :</div> <div>« Nous te devons Françoyse Comedie ! »</div> <p style="padding-left: 80px;"><trailer>Fin de l’argument</trailer>.</p> Claire Sicard 45671 1