ScriptaManent 2026-06-09T22:18:11+02:00 1 49068 Transcription https://heurist.huma-num.fr/heurist/?recID=49068&db=ScriptaManent 2024-12-19 15:08:09 2025-04-17 10:07:49 public Mon Seigneur, j’ay chanté dessus les bordz de Seine https://gallica.bnf.fr/ark:/12148/bpt6k71298r/f46 914 <div style="padding-left: 40px;"><persName>Mon Seigneur</persName>, j’ay chanté dessus les bordz de Seine,</div> <div>En vostre honneur, le loz, le plaisir et la peine</div> <div>De l’amour d’Orithye et du vent Aquilon,</div> <div>Estant pour avant-jeu de plus haute chanson.</div> <div style="padding-left: 40px;">Doncques prenez ceste Hymne, ainsi comme j’estime</div> <div>Vous donner de bon cœur le sçavoir de ma rime :</div> <div>Mais (làs) l’on vous dira que trop audacieux</div> <div>J’ay esté, en offrant ces vers devant voz yeux,</div> <div>En connoissant combien vostre grande hautesse</div> <div>En grandeur, peut passer mon humble petitesse.</div> <div>Mais je vous respons bien que je ne l’ay pas fait,</div> <div>Sinon pour m’aquiter de l’honneur et bien fait</div> <div>Que certe il vous a pleu, par vostre grace, espandre,</div> <div>Sans l’avoir merité, envers ma muse tendre.</div> <div>C’est aussy qu’Eraton m’accuse de bien loing,</div> <div>Ne voulant que je prene en moy quelqu’autre soing</div> <div>Que de vous eslargir les fruitz qu’elle me donne,</div> <div>Antéz dessus ceux là qu’ell’ porte en sa couronne.</div> <div style="padding-left: 40px;">Puisque donc il luy plaist de bon cœur me prester</div> <div>Son luth, en vostre honneur, pour de l’amour chanter</div> <div>Devant vostre grandeur, il faut que je desdie</div> <div>Le fruit de mon labeur, puisqu’il ne tient sa vie</div> <div>Et gloire que de vous, si quelque gloire il ha,</div> <div>Car certes ce feut vous qui, premier, excita</div> <div>Ma barque, qu’il n’avoit encor enflé son voile,</div> <div>Pour courir et voguer, desoubz l’heureuse estoille</div> <div>Qui luit sus vostre front, qu’est l’appuy de mon fort.</div> <div>Ainsi je suis venu devers vous, comme au port</div> <div>Du Phare qu’il me guide apendant pour trophée -</div> <div>C’est Hymne d’Orithye et du froit Vent Borée.</div> <div style="padding-left: 40px;">Et c’est un vestement que j’ay cy despouillé,</div> <div>Lequel est fraischement, et batu, et mouillé</div> <div>Des cruelz flotz d’amour, pour donner tesmoignage,</div> <div>(Apres m’estre sauvé) quel a esté l’orage.</div> Claire Sicard 38088 1