ScriptaManent 2026-08-26T10:20:13+02:00 1 49025 Transcription https://heurist.huma-num.fr/heurist/?recID=49025&db=ScriptaManent 2024-12-17 10:46:35 2024-12-17 11:04:04 public Liesse au cueur, bien grande me survient Epistre à <persName>maistre Guillaume Chappuzet, d’Yssouldun</persName> https://books.google.fr/books?id=5zQ6AAAAcAAJ&hl=fr&pg=PP105 605 <div>Liesse au cueur bien grande me survient</div> <div>Quand de rescripre occasion me vient,</div> <div>Et mesmement quand loisir veult permettre</div> <div>Que devers vous portêe soit ma lettre</div> <div>Pour amplement vous donner congnoissance</div> <div>De mon estat et ma convalescence.</div> <div>Puis quatre moys que madame Pecune</div> <div>M’a delaissé en me portant rancune,</div> <div>Voulant du tout me mettre à desplaisance,</div> <div>Mais mon esprit a trouvé resistance</div> <div>A ce malheur : je fais chere infinie,</div> <div>Sans que d’argent ma bourse soit munie.</div> <div>Je cours, je viens et si trouve credit</div> <div>Pour mes amys, sans aucun contredit,</div> <div>Et qui plus est, je suis en liberté</div> <div>Craignant tousjours estre en captivité.</div> <div>Ce neantmoins je ne fais point d’excès</div> <div>Pour susciter vers moy guerre ou procès.</div> <div>Quand tout est dit, vray est que je plaisante,</div> <div>Mais de ce jeu il fault que je m’exempte</div> <div>Laissant mes ris, proposant de servir</div> <div>Pour quelque bien, desormais desservir</div> <div>A celle fin que ce nouveau service,</div> <div>Plus que le vieil, me puisse estre propice.</div> <div>C’est où je tends quand j’ay bien follié</div> <div>Et où je veulx estre mis et lyé,</div> <div>Et ce sera ung lyen proffitable,</div> <div>Ayant trouvé ung maistre charitable.</div> <div>Donc ce moyen que je veulx prochasser,</div> <div>Mes precedens erreurs puit effacer,</div> <div>Et mon service, exercé prudemment,</div> <div>Pourra donner aux miens contentement.</div> <div>Vous suppliant que ma lettre receue,</div> <div>De vous aussy soit response apperceue,</div> <div>Je feray fin, priant le createur</div> <div>Qu’il soit de vous tousjours conservateur.</div> Claire Sicard 13277 1