ScriptaManent 2026-08-28T14:07:44+02:00 1 48946 Transcription https://heurist.huma-num.fr/heurist/?recID=48946&db=ScriptaManent 2024-12-16 19:45:03 2026-02-26 17:47:47 public [Janot] Je suis tout esbahi, (gentil pasteur Herbat) Eglogue pastorale sur l’union nuptialle du <persName>Roy Philippes</persName> et de <persName>madame Elisabeth</persName>, en vers alexandrins. Bergers : <persName>Janot</persName> et <persName>Herbat</persName> https://gallica.bnf.fr/ark:/12148/bpt6k70370d/f4 605 <div><u>Janot </u>: Je suis tout esbahi, (gentil pasteur Herbat)</div> <div>De te voir resjouy, et prendre ton esbat</div> <div>Dessoubs ces verds Ormeaux, ce pendant qu’en l’ombrage</div> <div>Ton troupeau et le mien cherche son pasturage,</div> <div>Et que le Rossignol plaisant et gracieux</div> <div>De son chant, resonner faict ce val spacieux,</div> <div>Je n’ay pas sans raison cest esbahissement</div> <div>De te voir en soulas, et chanter doucement</div> <div>Chansons, qui ne sont pas remplies d’amertume,</div> <div>Veu que par cy devant ce n’estoit ta coustume</div> <div>D’ainsi te resjouyr par poétiques chants,</div> <div>Quand nous estions ensemble en ces antiques champs,</div> <div>Car ta Muse plus tost se tenoit en silence,</div> <div>Ou bien elle chantoit de Mars la violence</div> <div>Par piquante invective, et fort tristes chansons,</div> <div>Dont aucun ne pouvoit ouyr que meschans sons.</div> <div><u>Herbat </u>: O cher amy Janot, ton dire est veritable,</div> <div>J’ay longuement chanté avec dueil lamentable,</div> <div>En ressemblant, pour vray, au Cicne, en tel remord,</div> <div>Qui chante (comme on dict) estant pres de sa Mort.</div> <div>Mais j’ay occasion de changer ma tristesse</div> <div>En gracieux soulas, et mon dueil en liesse,</div> <div>Car le celeste Pan, Roy et Dieu des Bergers</div> <div>A lié noz Pasteurs avec les estrangers</div> <div>D’une perpetuelle et divine concorde,</div> <div>Qui mect dessoubs les piedz l’ancienne discorde,</div> <div>Dont les plus grands Bergers estoyent envenimez,</div> <div>Et si austerement l’un vers l’autre animez,</div> <div>Qu’au lieu de cultiver les champs de labourage,</div> <div>De prendre fer en main c’estoit tout leur courage ;</div> <div>Au lieu de la houlete, aux Pasteurs usurpée,</div> <div>Pour sang humain espandre, estoit nue l’espée ;</div> <div>Et au lieu de l’Ereau où les taureaux on mect,</div> <div>Sur la teste on portoit l’espouventable Armet ;</div> <div>Au lieu de la musette, aux Bergers acceptable,</div> <div>La trompete faisoit un cry espouventable ;</div> <div>Au lieu de chalemeaux doux et melodieux,</div> <div>Resonnoyent fauconneaux, et canons odieux.</div> <div>Mais Pan, par sa bonté, d’un accord pacifique</div> <div><persName>Ce grand Berger, Henry, tant noble et magnifique</persName></div> <div>A joinct par alliance à <persName>ce hault conquereur</persName></div> <div><persName>Le Berger Hespagnol, fils d’<persName>un fort Empereur</persName></persName>.</div> <div>C’est celle paix (Janot) qui tant me reconforte,</div> <div>Et qui à tous Bergers tant de liesse apporte.</div> <div><u>Janot </u>: Je ne m’esbahis plus, Herbat, berger gentil,</div> <div>Tant à garder troupeaux qu’en science subtil,</div> <div>De te voir adonné à soulas plantureux</div> <div>Par ceste heureuse paix, qui nous rend bien heureux.</div> <div>J’estoys esmerveillé, ces jours, de la grand feste</div> <div>Qu’on faisoit à Paris en plaisir manifeste,</div> <div>Lorsque <persName>le Duc Albain</persName> tant honorablement</div> <div>Fut receu des Bergers universellement,</div> <div>Et qu’on luy feit honeur au nom de <persName>ce sublime</persName></div> <div><persName>Philippes, Roy Berger tant hault, et magnanime</persName>.</div> <div><u>Herbat </u>: Janot, voyla le poinct, voyla le poinct, helas,</div> <div>Voyla l’occasion qui me mect en soulas,</div> <div>Et puis que tu m’as mis en souvenance telle</div> <div>Du <persName>Duc</persName> nous apportant alliance immortelle,</div> <div>Enten, je te supply, par bonne affection,</div> <div>Combien ceste alliance ha de perfection :</div> <div><persName>Ce bon Duc que tu dis</persName>, au nom du <persName>venerable</persName></div> <div><persName>Philippes</persName>, est venu en la Ville honorable</div> <div>Du <persName>grand Berger Gauloys</persName>, pour sur toutes negoces</div> <div>Commencer le lien des amoureuses nopces.</div> <div><persName>La Bergere d’honeur</persName>, qui a esté menée</div> <div>Au lien conjugal par le chaste Hymenée,</div> <div>C’est <persName>ceste Elisabeth, d’incomparable honeur</persName>,</div> <div><persName>Fille du <persName>fort Berger des Gaules gouverneur</persName></persName>,</div> <div>Vouée à l’Hespagnol, dont en soulas se bagne</div> <div>Universellement, et la France, et l’Hespagne.</div> <div>C’est pourquoy tu as veu tant de luysans harnoys,</div> <div>Tant de pennaches beaux en joustes et tournoys,</div> <div>C’est pourquoy tu as veu tant de braves Bergeres</div> <div>Baler en ce festin, fort souples et legeres.</div> <div>C’est dont tu as ouy les tabourins sonans,</div> <div>Fifres, Cornets, Hauboys et Clairons resonans,</div> <div>Qui n’est que pour monstrer la joye universelle</div> <div>Qui au cueur des humains à present ne se cele.</div> <div><u>Janot </u>: Je pren plus de plaisir à escouter ton dire,</div> <div>Que d’Apollon la Harpe, ou d’Orphée la lyre.</div> <div>Car <persName>ceste belle fleur qu’Elisabeth tu nommes</persName>,</div> <div>Est un si grand thresor et gloire entre les hommes,</div> <div>Qu’assez on ne pourroit ses graces de hault pris</div> <div>Estimer, ne les dons que nature a compris</div> <div>En sa beauté naifve, et en sa contenence,</div> <div>Qui demonstre à chacun sa perfaicte excellence.</div> <div>Mais, helas, d’un tel bien qui au peuple adviendra,</div> <div>En grand tristesse et dueil entrer il conviendra,</div> <div>Alors que <persName>ceste Nymphe excellente et royalle</persName></div> <div>Fille aisnée au <persName>Berger de source lilialle</persName>,</div> <div>Delaissera la France où elle fut nourrie,</div> <div>Et où elle a esté tant aymée et cherie.</div> <div>Les Nymphes de la Saine et autres ploreront,</div> <div>Les Dieux et Demidieux contristez en seront,</div> <div>Et les Bergers qui sont experts en Rhétorique</div> <div>Feront piteux regrets par œuvre poëtique,</div> <div>Et toy, gentil Herbat, auras telles douleurs,</div> <div>Qu’en plorant, tu feras un grand Lac de tes pleurs.</div> <div><u>Herbat </u>: Je te confesse bien, Janot, amy fidele,</div> <div>Que chacun plorera voyant partir <persName>la belle</persName>,</div> <div>Belle en perfection : mais qui en plorera,</div> <div>Pour le proffit futur il se consolera,</div> <div>Et pour le bien public de si haulte alliance,</div> <div>Qu’on ne pourra jamais effacer d’oubliance,</div> <div>Car plus tost on verra les ondes de la Mer</div> <div>Sallées n’estre point, et jamais n’escumer,</div> <div>Plus tost herbes de Mer aux montagnes croistront,</div> <div>Les vaches et les beufs, sans corne apparoistront,</div> <div>L’Hyver sera plus tost sans gelée et froidure,</div> <div>Le beau Printemps sans fleurs, et l’Esté sans verdure,</div> <div>Sans ombre les Peupliers, sans plume les oyseaux,</div> <div>Et sans aucun poysson, fleuves, lacs et ruisseaux,</div> <div>Sur les arbres plus tost le Corbeau blanchira,</div> <div>Et parmy les estangs le Cicne noircira,</div> <div>Plus tost sera la Mer Oceane tarie,</div> <div>Que le peuple Hespagnol et le François varie</div> <div>D’aymer <persName>Elisabeth du tige lilial</persName>,</div> <div>Conjoincte au <persName>grand Pasteur du sang Imperial</persName>.</div> <div><u>Janot </u>: Gentil Berger, pour vray, ton dire me convie</div> <div>A croire et maintenir heureuse nostre vie,</div> <div>De voir par tel accord tant de peuple en repos.</div> <div>Les Bergers desormais en seront plus dispos,</div> <div>Qui du celeste Pan beniront la clemence.</div> <div>Ores nous cueillerons en paix nostre semence ;</div> <div>De gendarmes mauvais, plus ne serons troublez,</div> <div>Qui nous souloyent ravir et noz vins et noz blez ;</div> <div>Et en tranquillité serons sur la verdure</div> <div>En gardant noz troupeaux, au moins si la paix dure.</div> <div><u>Herbat </u>: Si la paix dure, helas ? Janot, estimes tu</div> <div>Que ce soit une paix sans force et sans vertu ?</div> <div>C’est une saincte paix que Pan a procurée :</div> <div>Parquoy elle sera d’une longue durée.</div> <div>C’est une paix qui vient du celeste sejour,</div> <div>Pour donner allegence à noz cueurs nuict et jour.</div> <div>Desja l’heureux lien los immortel merite,</div> <div>Qui sainctement conjoinct <persName>la belle Marguerite</persName></div> <div>Au <persName>Duc Savoysien</persName>, dont le renom est tel</div> <div>Qu’en despit de la Mort il doibt estre immortel.</div> <div>Et si <persName>ce noble Duc</persName> par haulte providence</div> <div>Du celeste Recteur, est rempli de prudence,</div> <div>De force et hault pouvoir, et de maturité</div> <div>(Qui un grand lustre donne à son auctorité),</div> <div><persName>Son Espouse bien née</persName> est bien de telle grace</div> <div>Que de sa grand beauté, les beautez elle efface.</div> <div><u>Janot </u>: Dès long temps j’en suis seur, c’est une perle exquise,</div> <div>Et, plus que les thresors, excellente et requise :</div> <div>Tu as assez chanté, et chantes tous les jours</div> <div>Sa grace, au livre dict : <bibl>Conjugales amours</bibl>.</div> <div>Mais retournons au poinct de <persName>la Bergere aymable</persName>,</div> <div>Que <persName>l’Hespagnol berger</persName> ha tant pour agreable,</div> <div>Et qui en brief ira en son lict conjugal</div> <div>Pour joindre deux desirs en un desir egal.</div> <div><u>Herbat </u>: O grand felicité d’alliance amoureuse</div> <div>Qui peut rendre l’Hespagne et France bien heureuse !</div> <div>Tu sçais Janot, tu sçais la grand speciauté,</div> <div>La beauté de la face, et d’esprit la beauté</div> <div>Qui <persName>ceste Elisabeth</persName> si richement decore,</div> <div>Qu’elle est de plus hault pris que la vermeille aurore.</div> <div>De Sappho ce n’est rien, ce n’est rien de Dido,</div> <div>Ce n’est rien de Cypris, mere de Cupido,</div> <div>Ce n’est rien de Procris, ce n’est rien d’Atalante,</div> <div><persName>Elisabeth</persName> les passe en beauté excellente.</div> <div>Aussi <persName>ce grand Berger</persName>, qui l’a tant desirée,</div> <div>A toute autre vivante, à droict, l’a preferée,</div> <div>Et la desire encor’, affin de recevoir</div> <div>Le fruict tant savoureux d’amour, qu’il doibt avoir.</div> <div>Doncques approchez vous, <persName>amans incomparables</persName>,</div> <div>Et qui au monde rond n’avez point voz semblables.</div> <div>Partez, <persName>Elisabeth</persName>, du regne paternel,</div> <div>Allez voir <persName>vostre espoux</persName> en soulas eternel,</div> <div>Mais (las) ne partez point jusques à ce que j’aye</div> <div>Chanté vostre grand heur, qui rend la Gaule gaye.</div> <div><u>Janot </u>: Chante donc, amy cher, je ne m’espargneray</div> <div>A ouyr tes doux sons, et t’accompagneray</div> <div>Par poëtique accord, combien que je soys moindre</div> <div>En sçavoir, pour au tien l’accomparer et joindre,</div> <div>Car, certes, c’est à toy, Herbat, que desormais</div> <div>Du laurier triomphant le chappeau je soubmets.</div> <div><u>Herbat </u>: Je laisse aux <persName>grands venteurs</persName> l’Apolline couronne,</div> <div>Et ne veux qu’en orgueil mon front ell’ environne,</div> <div>Il me suffist si j’ay de dire le pouvoir,</div> <div>La grand felicité que nostre œil pourra voir</div> <div>Par l’amoureux lien qui émeut et provoque</div> <div>Deux cueurs tant precieux au desir reciproque</div> <div>De l’amoureux flambeau, qui approcher fera</div> <div>Deux cueurs en une chair. Lors on triomphera</div> <div>Au regne de <persName>ce grand Philippes</persName>, debonnaire,</div> <div>Et qui use envers tous de largesse ordinaire,</div> <div>Mesmes envers les bons qui suyvent les vertus,</div> <div>Et qui d’iniquité jamais ne sont vestus.</div> <div>Je te laisse penser la grand magnificence</div> <div>Que doibt faire l’Hespagne, en voyant la presence</div> <div>De <persName>sa Dame et maistresse, et Royne catholique</persName>,</div> <div>Qui ha l’esprit divin, et la face angelique.</div> <div>Je te laisse penser l’heur, le contentement,</div> <div>La joye et le soulas, pour son advenement,</div> <div>Car, pour le tout au long racompter ou escrire,</div> <div>La voix, l’ancre et papier n’y pourroyent pas suffire.</div> <div><u>Janot </u>: Je le croy fermement, car il fault estimer</div> <div>Qu’on ne pourroit assez vivement exprimer</div> <div>L’accord, qui en soulas les hommes renouvelle,</div> <div>Ne l’honneur que feront à <persName>leur Royne nouvelle</persName></div> <div>Tous les peuples subjects à <persName>l’Hespagnol pasteur</persName>,</div> <div>Ennemi de tout vice, et vray observateur</div> <div>De droict et d’equité, dont il est la lumiere</div> <div>En haulte dignité, et majesté premiere.</div> <div><u>Herbat </u>: Donc, <persName>belle Elisabeth</persName>, hors de France sortez,</div> <div>Et au peuple Hespagnol la liesse portez</div> <div>Qu’il espere par vous, et par vostre lignée</div> <div>Quand vous enfanterez, ô <persName>Princesse bien née</persName>,</div> <div>Pour faire voz ayeux renaistre en si grand heur,</div> <div>Que l’on contemplera par tout vostre grandeur.</div> <div>Et en vostre faveur par le vueil immobile</div> <div>Du Recteur tout puissant, le dict de la Sibille</div> <div>Obtiendra son effaict, car on verra encor</div> <div>En ce monde terrien revenir l’aage d’or,</div> <div>Où chacun fruict croistra sans soing d’agriculture ;</div> <div>Et plus on ne verra crime ne forfaicture,</div> <div>Car des Cieux descendra la saincte vierge Astrée,</div> <div>Deesse de justice, et des dons penetrée</div> <div>De l’esprit supernel, du pere tout puissant</div> <div>Qui a créé le monde et ciel resplendissant ;</div> <div>Ceux qui ont trop vescu en charnelles delices</div> <div>Ores convertiront en bonté leurs malices ;</div> <div>Et pour faire la guerre ainsi comme devant,</div> <div>Aussi on ne verra plus voyle mise au vent</div> <div>Dessus l’onde sallée, ains sans aucun danger</div> <div>Alliance on prendra à tout peuple estranger -</div> <div>Non à ceux toutefoys qui seront infideles,</div> <div>Au <persName>Berger catholique</persName>, au <persName>Treschrestien</persName> rebelles.</div> <div><u>Janot </u>: Amy, par ces secrets que tu m’as revelez</div> <div>Les esprits des humains seront renouvellez</div> <div>En foy, en charité, en divine esperance,</div> <div>Pour suyvre la vertu avec temperance.</div> <div>Ores nous menerons noz vaches et noz beufs</div> <div>(Sans craindre aucun danger) parmy les champs herbeux,</div> <div>Et sans aucun danger repaistront en la plaine</div> <div>Chievres, petits chevreaux, et noz troupeaux à laine,</div> <div>Dont nous aurons par tout abondance de laict,</div> <div>Et vestirons le drap jaune, gris, violet,</div> <div>Rouge, noir et tanné, et de toute autre sorte</div> <div>Que selon son estat chacun berger le porte.</div> <div>Bref, des bergers seront les esbats infinis,</div> <div>Nous irons desnicher des Rossignols les nids,</div> <div>L’aloüete sera par nous mise en la cage,</div> <div>Le Pinson, le Linot, pour chanter leur ramage,</div> <div>Et tandis qu’à noz yeux noz Chievres brousteront,</div> <div>Bergers moindres que toy, tes chants escousteront,</div> <div>Mesmes quand tu voudras par ta muse loyalle</div> <div>Chanter du <persName>grand Berger de source lilialle</persName>,</div> <div>Dont la force et grandeur, la clemence et les faicts</div> <div>Sont au gré d’un chacun accomplis et perfaicts.</div> <div><u>Herbat </u>: Janot, je ne pourroys avoir plus de matiere,</div> <div>Ne meilleur argument, que la louange entiere</div> <div>Reciter des vertus du <persName>lilial Berger</persName>,</div> <div>Qui en ce monde est né pour les siens alleger,</div> <div>Pour élever les bons, punir les detestables,</div> <div>Pour conserver les droicts, et les loix equitables,</div> <div>Et qui en liberté tient les pauvres Pasteurs</div> <div>Qui luy portent honeur, et sont observateurs</div> <div>De ses royaux edicts, qui certes, sont plus justes</div> <div>Que les loix de Nerons, et des Cesars Augustes.</div> <div>C’est <persName>ce Berger Henry</persName>, duquel <persName>l’espouse</persName> a pris</div> <div>Un renom immortel sur femenins esprits,</div> <div>C’est <persName>ceste grand’ Bergere, excellente, accomplie</persName></div> <div><persName>De mille et mille dons, et de graces remplie,</persName></div> <div><persName>La Royne des Gauloys</persName>, <persName>Cathérine</persName> est son nom,</div> <div>De qui sans fin sera honoré le renom,</div> <div><persName>Mere d’<persName>Elisabeth</persName></persName>, ô heureuse portée,</div> <div>Par laquelle des Cieux la paix est apportée,</div> <div>Perpetuelle paix, qui joinct si belle fleur</div> <div>A <persName>Philippes, berger d’indicible valeur</persName>.</div> <div><u>Janot </u>: Herbat, ton dire est vray, la grand beneficence</div> <div>De <persName>ce berger Henry</persName> plein de magnificence,</div> <div>Immortelle sera. <persName>Son Espouse</persName> est le choix</div> <div>Des Dames qui par tout sont conjoinctes aux Roys.</div> <div>Hautaine est sa vertu, haulte son origine,</div> <div>Et de louables meurs son cueur se morigine.</div> <div>Herbat, il me souvient, quand jeune tu estoys,</div> <div>Qu’en beaux vers mesurez ses honeurs tu chantoys,</div> <div>Sa beauté, sa bonté, sa douceur, sa sagesse,</div> <div>Et que tu te sentoys de sa saincte largesse</div> <div>Pour nourrir ton troupeau, pour tes champs cultiver,</div> <div>Et pour supporter mieux la rigueur de l’Hyver,</div> <div>Parquoy dire je puis que c’est une Minerve,</div> <div>A qui los immortel posterité reserve.</div> <div><u>Herbat </u>: Je n’ay pas tant escript de ses haultes valeurs</div> <div>Qu’il en reste, pour bien paindre de ses couleurs,</div> <div>Sa grand perfection et grace incomparable</div> <div>Qui rend en chacun lieu sa grandeur admirable.</div> <div>Doncques, peuple Hespagnol, qui <persName>ta maistresse</persName> attends,</div> <div>Pour luy porter honeur, je te supply, entends</div> <div>Le lieu d’où elle sort : n’est ce la source antique</div> <div>Du noble Roy Clovis tant sainct et Heroique ?</div> <div>Certainement ouy, dont certain je me tien</div> <div>Que Clovis a esté le premier Roy Chrestien</div> <div>Des puissans Roys Gauloys, quand par destin celeste</div> <div>(Ainsi que la Cronique assez le manifeste)</div> <div>On vid troys fleurs de lys descendre des haults Cieux,</div> <div>Qui depuis ont esté (en thresor precieux)</div> <div>Les armes de noz Roys exempts de vitupere</div> <div>Ausquelz de pere en fils la grand Gaule obtempere.</div> <div>De ce tige ancien <persName>François</persName> est descendu,</div> <div><persName>Roy premier de ce nom, en tous arts entendu</persName>,</div> <div>Qui, comme il fut l’honeur de bellique armature,</div> <div>Estoit le Mecenas de la litterature,</div> <div>Dont <persName>ceste Elisabeth</persName> avec ses tiltres vieux,</div> <div>Par luy gloire reçoit dessus tous ses ayeux.</div> <div>Et <persName>Henry grand pasteur, fils du <persName>Berger François</persName></persName>,</div> <div>Fut né divinement pour regir les François.</div> <div style="padding-left: 40px;">Voyla, peuple Hespagnol, la source plantureuse</div> <div>Qui peut rendre l’Hespagne, et France bien heureuse,</div> <div>Voyla le Tige heureux d’<persName>Elisabeth</persName>, bien née,</div> <div>Qui sera en brief temps ta Royne couronnée</div> <div>Après qu’elle aura veu celluy qu’elle ayme mieux</div> <div>Que chose, qui offrir se pourroit à ses yeux.</div> <div>C’est <persName>ce noble Berger</persName> qu’on extolle et qu’on prise,</div> <div>Au cueur duquel sagesse immortelle est comprise,</div> <div><persName>L’heritier de <persName>ce grand Charles</persName></persName>, qui par la mort</div> <div>(Tant il fut vertueux) jamais ne sera mort,</div> <div>Et comme ses vertus, pleines d’honeur et gloire,</div> <div>Laissent aux successeurs de son nom la memoire.</div> <div><persName>Philippes</persName> est bien tel, qu’en honeur éternel</div> <div>Il represente au vif le hault cueur paternel,</div> <div>Il ayme les Bergers qui par noble exercice</div> <div>De la docte Pallas ont louable notice,</div> <div>Ausquelz il est humain, affable, liberal,</div> <div>Comme les bons Bergers l’ont dict en general.</div> <div>Pourtant, amy Janot, mes poëtiques Muses</div> <div>Par tout annonceront les louanges diffuses</div> <div>Du <persName>berger Hespagnol, des Flamans le Seigneur</persName>,</div> <div>D’<persName>Elisabeth</persName> aussi, sa compagne d’honeur,</div> <div>Bergere de hault pris, d’origine ancienne,</div> <div>Et qui aux jeunes ans passe l’Athenienne.</div> <div><u>Janot </u>: Combien qu’égal à toy je ne soys en sçavoir</div> <div>(O bien aymé Pasteur) si feray je devoir</div> <div>De porter, comme toy, honeur et reverence</div> <div>Au <persName>berger Hespagnol de sublime apparence</persName>,</div> <div>Et à <persName>sa bien aymée, Espouse de hault pris</persName>,</div> <div>Qui du tige Royal heureusement a pris</div> <div>Noble nativité, et qui va voir les villes</div> <div>D’Hespagne, qui sont tant plaisantes et civiles.</div> <div><u>Herbat </u>: Allez donc, <persName>belle</persName>, allez voir la Terre estendue,</div> <div>Où par <persName>ce riche Espoux</persName> vous estes attendue,</div> <div>Et par tous ses subjects qui se resjouyront,</div> <div>Quand de vostre presence (ô <persName>belle</persName>) ilz jouyront.</div> <div>Allez, <persName>Elisabeth</persName>, n’ayez douleur amere</div> <div>S’il vous fault pour un temps abandonner <persName>la mere</persName>,</div> <div>Vous la verrez souvent, si au souverain Dieu</div> <div>Il plaist de delaisser à noz prieres lieu.</div> <div><u>Janot </u>: Je ne me puis lasser d’ouyr la melodie</div> <div>De tes chants mesurez, et fault que je te die</div> <div>(O éloquent Berger) qu’un singulier plaisir</div> <div>J’ay receu, de t’ouyr prononcer à loysir</div> <div>L’honeur des deux Bergers, qui n’ont pareils au monde,</div> <div>Aussi d’<persName>Elisabeth</persName> la beauté pure et munde,</div> <div>De qui les yeux rians tant gracieux et beaux</div> <div>Semblent parmy le Ciel deux reluisans flambeaux,</div> <div>Mais, Herbat, amy cher, voyci la nuict obscure,</div> <div>Qui aux Bergers des champs le doux sommeil procure,</div> <div>Retirons nous soudain, il est heure et saison</div> <div>De nous en retourner chacun en sa maison.</div> <trailer>Fin.</trailer> Claire Sicard 38744 1