ScriptaManent 2026-06-09T02:05:56+02:00 1 48698 Transcription https://heurist.huma-num.fr/heurist/?recID=48698&db=ScriptaManent 2024-12-15 10:31:44 2024-12-15 14:04:20 public Par ces propos fondez en raisons telles [La Description de l’utilité des Lettres] Le II. Chapitre https://gallica.bnf.fr/ark:/12148/bpt6k726325/f34 605 <div style="padding-left: 40px;">Par ces propos fondez en raisons telles,</div> <div>Aux Lettres fault louanges immortelles</div> <div>Attribuer, et les honorer, pource</div> <div>Que tous arts sont veine et source.</div> <div>Or il convient exposer à voz yeux</div> <div>En quoy estoient d’escrire curieux</div> <div>Les Anciens, et de quel instrument</div> <div>Ils escrivoient leurs Lettres proprement ;</div> <div>Puis vous orrez comme l’Antiquité</div> <div>Du Parchemin trouva commodité</div> <div>Et du papier ; et qui l’Imprimerie</div> <div>A inventé ; et comme Librairie</div> <div>A eu son cours, et quels conservateurs</div> <div>De Librarie ont esté amateurs.</div> <div style="padding-left: 40px;">Il est certain que ceux qui escrivoyent</div> <div>Au temps passé, aucun papier n’avoyent :</div> <div>Fueilles de parme ils avoyent pour escrire,</div> <div>Dont aujourd’huy encor chascun vient dire</div> <div>"Fueillets" de livre ; après ils se servirent</div> <div>D’Escorce d’arbre, et dessus escrivirent,</div> <div>Et mesmement dessus la tendre escorce</div> <div>Qu’ils separoient des arbres sans grand force,</div> <div>Comme Bouleau, le Platan, Fresne, et l’Orme,</div> <div>Où proprement leurs Lettres prenoient forme,</div> <div>Car ils usoyent de l’Escorce plus tendre</div> <div>Qu’entre la noire escorce ils pouvoient prendre,</div> <div>Et en faisoyent livres subtilement</div> <div>Conjoincts par eux ingénieusement.</div> <div>Et pour autant que le Latin language</div> <div>L’Escorce ainsi appliquée en usage</div> <div>Nommoit <foreign>Liber</foreign>, en durable renom</div> <div>Les Livres ont de là tiré leur nom,</div> <div>Bien qu’il soit clair que les Livres perfaicts</div> <div>De telle Escorce aujourd’huy ne sont faicts.</div> <div>Puis on trouva inventions utiles</div> <div>D’escrire en plomb, sur lames fort subtiles,</div> <div>Puis sur drapeaux de lins licez aussi,</div> <div>L’on escrivoit en curieux souci ;</div> <div>Et nous convient entendre qu'en cest age</div> <div>Ils n'appliquoyent les plumes en usage,</div> <div>Mais escrivoyent de Cannes seulement,</div> <div>Comme aucuns font encor présentement ;</div> <div>Puis on tira de Carte une autre sorte,</div> <div>Des arbrisseaux que maint Marest apporte</div> <div>Auprès du Nil ; nommez "papiers" estoient</div> <div>Ces arbrisseaux qui l’Escorce apportoient,</div> <div>Dont on faisoit une Carte bien fine,</div> <div>Collée avec la colle de farine.</div> <div>Sur ceste Carte alors on escrivoit,</div> <div>Et pourautant que l’Arbrisseau avoit</div> <div>Nom de "Papier", nommé "Papier" avons</div> <div>Ce papier là, sur quoy nous escrivons,</div> <div>Combien qu’il soit faict de petis drapeaux</div> <div>De toyle usée, et non point d’arbrisseaux.</div> <div style="padding-left: 40px;">Par Marc Varron est faicte mention</div> <div>Que ceste Carte eut son invention</div> <div>Premierement du regne d’Alexandre,</div> <div>Quand il voulut de bastir entreprendre</div> <div>Alexandrie ; autres ont jugement</div> <div>Que tel papier estoit certainement</div> <div>Touvé du temps du Roy Nume et en main</div> <div>Laissé par luy de son peuple Romain.</div> <div>Or il est clair que Nume (et je le croy)</div> <div>Estoit devant Alexandre le Roy.</div> <div>D’autres plusieurs l’opinion s’escarte</div> <div>De ceste cy, disans que ceste Carte</div> <div>Premierement son origine tire</div> <div>De "Carta", ville assise pres de Tyre,</div> <div>Et que Dido print de ce nom l’usage</div> <div>Pour en nommer sa ville de Cartage.</div> <div>Encor tient on pour choses asseurées</div> <div>Qu’on escrivoit en tablettes cirées</div> <div>Au Temps passé, et que les mains subtiles</div> <div>Avec Poynsons aigus, qu’on nommoit "stiles",</div> <div>Lors escrivoient ; l’usage encor reçoit</div> <div>Ce mot de "stile", alors qu’on apperçoit</div> <div>Bon Escrivain, de luy on viendra dire :</div> <div>"Cest homme là ha bon stile d’escrire".</div> <div>Lon temps après cest age, avant qu’avoir</div> <div>Ce Papier là qu’aujourd’huy on peut voir,</div> <div>De Parchemin l’on usoit, et dict on</div> <div>Du Parchemin faict de peaux de Mouton</div> <div>Ceux de Pergame estre les inventeurs,</div> <div>Parquoy à ceux nous en sommes debteurs ;</div> <div>Et pour autant qu’en Latin il s’appelle</div> <div><foreign>Pergamenum</foreign>, par origine telle</div> <div>Nous l’appellons "Parchemin" en François.</div> <div>Le Jugement est plus seur toutesfoys</div> <div>De Josephus, disant que les Hébrieux</div> <div>Du Parchemin sont inventeurs plus vieux,</div> <div>Et que plusieurs Livres, escrits estoyent</div> <div>Dessus les peaux, que lors ils inventoyent.</div> <div>Ainsi appert que l’Escriture faicte</div> <div>En Parchemin, estoit bien plus perfaicte,</div> <div>Et plus facile, et bien plus asseurée,</div> <div>Plus excellente, et de longue durée</div> <div>Que celle là de plus petite force</div> <div>Que l’on faisoit en fueille ou en Escorce,</div> <div>Bien que plus tost elle fust par chemin</div> <div>Pour en user, que n’estoit Parchemin.</div> <div>Voyla pourquoy du Parchemin l’usage</div> <div>Ne s’est jamais perdu en aucun age,</div> <div>Et ne se peut encor perdre jamais ;</div> <div>Ne le Papier que faire desormais</div> <div>Un chascun sçait, par moyen si facile,</div> <div>Que de le perdre il est trop difficile,</div> <div>Car nous l’avons si copieusement,</div> <div>Qu’il peut mouvoir l’homme facilement</div> <div>A concevoir les Lettres et les arts</div> <div>Plus florissans que du Temps des Césars.</div> <div style="padding-left: 40px;">Mais bien que soit l’utilité fort grande</div> <div>De tout cela, bien plus se recommande</div> <div>L’art d’imprimer, comme plus délectable</div> <div>Invention, et la plus proffitable</div> <div>Que nous puissions avoir sur Terre ronde</div> <div>Que de tous arts perfaictement abonde.</div> <div>Car par cest art s’imprime promptement</div> <div>Ce qu’à escrire on fut si longuement,</div> <div>En long sejour Escritures limées,</div> <div>Sont en lumiere, et subit imprimées,</div> <div>Utilité, qui fut long temps absconse.</div> <div><persName>Un Alemant qui fut né à Magonce</persName></div> <div><persName>En a esté le premier inventeur</persName>,</div> <div>Si nous croyons à <persName>Polydore autheur</persName>.</div> <div><persName>Volateran</persName> à ce propos s’allie,</div> <div>Disant cest art porté en Italie</div> <div>Par <persName>deux Germains</persName>, qu’à Romme en premier lieu</div> <div>Fut imprimé de <bibl>la Cité de Dieu</bibl></div> <div>L’œuvre tressainct, et de Lactance l’œuvre</div> <div>Qui des Gentils l’ignorance descueuvre.</div> <div>Depuis ce Temps, maints hommes vigilans</div> <div>Ont en cest art esté fort excellans,</div> <div>Non seulement en Alemagne et France,</div> <div>Mais Italie, avec grand apparence</div> <div>De leur Sçavoir, comme <persName>le sçavant Alde</persName>,</div> <div><persName>Frobene</persName> aussi, puis <persName>Colinet</persName>, et <persName>Bade</persName>,</div> <div><persName>Griphe Alemant, docte entre un million</persName></div> <div>Exerçant l’art d’imprimer à Lion -</div> <div>Et autres maints qui dans Paris florissent</div> <div>A celle fin que Livres ne périssent</div> <div>Par tant de bons Imprimeurs, qui sont tels</div> <div>Que nous voyons leurs honneurs immortels.</div> <div>Par leur travail, tant de Livres perdus</div> <div>En leur splendeur premiere sont rendus,</div> <div>Au grand proffit et vray soulas des hommes</div> <div>Tant excellans, au Regne où nous sommes.</div> <div>Car, paravant la noble Impression,</div> <div>Livres estoient pleins de corruption,</div> <div>Remplis d’erreurs, de fautes, et rature,</div> <div>Qui procédoyent d’imperfaicte Escriture,</div> <div>Et si corrects Livres estoient trouvez</div> <div>Et par l’advis d’homme docte approuvez,</div> <div>On ne pouvoit universellement</div> <div>Les recouvrer, comme facilement</div> <div>Ores on peut recouvrer corrects livres,</div> <div>Dont noz Espris d’ennuy sont à delivres.</div> <div style="padding-left: 40px;">Et toutefoys nous debvons grandement</div> <div>Les anciens louer, qui noblement</div> <div>Livres gardoyent, sans aucun bénéfice</div> <div>D’Impression, dont ils n’avoyent notice.</div> <div>Croire il convient que Livres et Escrits</div> <div>Qui ont esté premierement escrits</div> <div>Estoient en main des Hébrieux, car ainsi</div> <div>Qu’ils avoyent eu premiers la Lettre, aussi</div> <div>Un fort grand soing et désir ils avoyent</div> <div>De conserver tout ce qu’ils escrivoyent.</div> <div>Or quand Moyse eut escrit dans les tables</div> <div>Les saincts édicts de la loy proffitables,</div> <div>Croire il convient que les Hébrieux après,</div> <div>Livres avoyent, et Librarie exprès</div> <div>Pour conserver perpétuellement</div> <div>Ce qui estoit dans <bibl>le vieil Testament</bibl> :</div> <div>C’est asçavoir, les Livres des Prophetes</div> <div>Qui aujourd’huy à tous sont manifestes.</div> <div style="padding-left: 40px;">L’opinion de tous les Grecs explique</div> <div>Que cil qui feit Librarie publique</div> <div>Premierement, Phisistrate est nommé,</div> <div>Le grand Tyrant d’Athenes renommé,</div> <div>Et que depuis que celluy l’inventa,</div> <div>L’Athénien peuple fort l’augmenta.</div> <div>Mais bien plus fort a esté renommée,</div> <div>Celle qui feit le grand Roy Ptolomée :</div> <div>De si hault pris sa librarie estoit,</div> <div>Que, sur toute autre, honeur elle emportoit,</div> <div>Car en icelle estoit compris (sans doubte)</div> <div><bibl>Vieil Testament</bibl>, et l’Escriture toute</div> <div>Des saincts Edicts ; maint autre livre aussi</div> <div>L’a transporté, par curieux souci</div> <div>Des Nations de toutes pars du Monde,</div> <div>Et ceux estoyent de science profonde</div> <div>Qui en leur garde et leur gouvernement</div> <div>La Librarie avoyent totalement.</div> <div>Les uns gardoyent les livres Poëtiques,</div> <div>Autres gardoyent les œuvres hystoriques,</div> <div>Semblablement en toute autre Science</div> <div>La Garde estoit selon l’experience.</div> <div style="padding-left: 40px;">La Librarie après tomba aux mains</div> <div>(Fort noblement) des anciens Romains.</div> <div>De Cicéron l’eloquence admirable</div> <div>A obtenu un renom perdurable.</div> <div>Hortense aussi, orateur renommé,</div> <div>Par le Senat Romain tant estimé,</div> <div>A jusq’ici son renom espandu,</div> <div>Mais le fruict est de ses escrits perdu,</div> <div>Ce qui nous porte aujourd’huy grand dommage :</div> <div>C’est pour autant que n’estoit en usage</div> <div>L’art d’imprimer, art noble et fort exquis,</div> <div>Dont nous avons tant de proffit acquis.</div> <div>Jules Cesar, fort magnifiquement,</div> <div>La Librarie enrichit tellement</div> <div>Que de son los vit encor la mémoire ;</div> <div>Mais à Auguste est deue plus grand gloire,</div> <div>Qui feit chercher Livres de toutes pars</div> <div>Qui en Egypte adonc estoient espars.</div> <div>Affin qu’à Romme ils fussent transportez,</div> <div>Par luy estoyent les doctes supportez,</div> <div>En leur usant de sa magnificence.</div> <div>A Romme aussi fut de grand excellence</div> <div>Ce Mecénas, illustre personnage</div> <div>Qu’Horace dict né de royal lignage.</div> <div>En la science il trouvoit grand saveur,</div> <div>Et aux sçavans portoit telle faveur</div> <div>Qu’il les mettoit en grand tranquilité</div> <div>Usant vers eux de Libéralité,</div> <div>Dont aujourd’huy un bienfacteur on nomme</div> <div>"Un Mécenas", comme celluy de Romme.</div> <trailer>Fin du II. Chapitre</trailer> Claire Sicard 48199 1