ScriptaManent 2026-06-09T04:17:04+02:00 1 48229 Transcription https://heurist.huma-num.fr/heurist/?recID=48229&db=ScriptaManent 2024-12-12 19:17:38 2024-12-15 12:22:46 public Ce qui faict plus les grands Seigneurs florir [La Description de l’utilité des Lettres] Chapitre I https://gallica.bnf.fr/ark:/12148/bpt6k726325/f20 605 <div style="padding-left: 40px;">Ce qui faict plus les grands Seigneurs florir,</div> <div>C’est la vertu non subjecte à mourir</div> <div>Qui ses culteurs exauce, et faict que vole</div> <div>Leur clair renom de l’un à l’autre Pole.</div> <div>Or la vertu tant précieuse et rare</div> <div>Qui los sans fin à ses culteurs prépare,</div> <div>Commencement et origine a pris</div> <div>Par le moyen des Lettres de hault pris,</div> <div>Par le secours desquelles nous sçavons</div> <div>Tant de vertus qu’aprises nous avons</div> <div>Par les Escrits des hommes non menteurs</div> <div>Qui ont esté des Lettres inventeurs.</div> <div>Et sans leur cure et noble invention</div> <div>Nous n’aurions pas ceste fruition</div> <div>Que nous avons du labeur des antiques,</div> <div>Des Orateurs, des livres Poëtiques,</div> <div>De la Musique, et de Philosophie</div> <div>Qui les Espris en vertu édifie.</div> <div>Bref : de tous arts dont nostre France abonde,</div> <div>Nous avons eu la copie féconde</div> <div>Par le moyen des Lettres, qui nous servent</div> <div>De grand mémoire et les choses conservent</div> <div>Du Temps passé, tant les gestes et faicts</div> <div>Des Empereurs aux armes fort perfaicts,</div> <div>Que les vertus et sentences perfaictes</div> <div>Dont les leçons par escrit nous sont faictes</div> <div>Pour l’entretien et conservation</div> <div>De la vertu, et observation</div> <div>Des bonnes meurs, à quoy en leurs provinces</div> <div>Doibvent pourvoir les magnanimes Princes,</div> <div>Pour conserver en grand tranquillité</div> <div>Tous leurs subjects de toute qualité,</div> <div>Car le Sçavoir au commun populaire</div> <div>Ne plus ne moins qu’aux grands est nécessaire.</div> <div>Et pour monstrer en quelle auctorité</div> <div>Les Lettres sont, et quelle utilité</div> <div>D’elles provient, ardent desir m’a pris</div> <div>D’en esveiller les gracieux Espris</div> <div>Par ce petit labeur, poëtique œuvre</div> <div>Qui la louange aux successeurs descueuvre </div> <div>Et de la Lettre, et de l’Impression,</div> <div>De Librarie, et de l’invention</div> <div>De ces beaux arts à l’homme proffitables,</div> <div>Autant ou plus qu’on les voyt délectables.</div> <div>Donc pour entrer en si hault argument,</div> <div>Soit invoqué à mon commencement</div> <div>Ce hault Recteur qui Terre et Ciel tempére</div> <div>Et de tous arts le donateur et pére,</div> <div>A celle fin que le chant de mes Muses</div> <div>Mette à voz yeux les louanges diffuses</div> <div>De l’Escripture excellante, et qui faict</div> <div>L’homme en vertu accompli et perfaict.</div> <div>Or pour parler du tout distinctement,</div> <div>Aux Lettres fault venir premierement.</div> <div>Puis vous orrez de l’art d’Imprimerie,</div> <div>Finalement l’honeur de Librarie.</div> <div>Certes les fruicts des Lettres sont bien tels</div> <div>Qu’hommes en sont (peu s’en fault) immortels.</div> <div style="padding-left: 40px;">Les Lettres font que les choses passées</div> <div>Depuis mille ans, encores compassées</div> <div>Sont à noz yeux, et nous les font sçavoir</div> <div>Comme si l’age eussions eu, pour les voir ;</div> <div>Les Lettres font que maint homme s’encline</div> <div>A estre expert en toute discipline ;</div> <div>Elles nous font sçavoir en ce temps cy</div> <div>Ce que noz vieux péres en grand soucy</div> <div>Avoient apris, nous laissans l’ouverture</div> <div>De leurs secrets, par leur docte Escriture,</div> <div>Et tout cela qu’à present inventons,</div> <div>Des successeurs à l’œil nous le mettons</div> <div>Qui après nous en auront jouissance</div> <div>Et de noz faicts vertueux cognoissance.</div> <div>Ce qui fut et acompli jadis</div> <div>Comme beaux faicts, et meurs propos et dicts,</div> <div>Si vivement la Lettre réprésente</div> <div>Qu’il semble faict à ceste heure présente,</div> <div>Ce qui ne fust sans Lettres advenu.</div> <div>Platon, si grand Philosophe tenu,</div> <div>Ni Aristote, et autres personages</div> <div>(Que reputons avoir esté tant sages)</div> <div>Ores seroient hors de nostre notice</div> <div>Si n’eust esté des Lettres l’exercice.</div> <div>Il convient donc confesser sur ce poinct</div> <div>Que les mortels, inventions n’ont point</div> <div>En tous leurs arts, plus exquise et plus grande,</div> <div>Ne qui plus fort son renom recommande</div> <div>Aux yeux aigus de la postérité,</div> <div>Que l’art subtil des Lettres récité -</div> <div>Et si aucun est si lourd, qu’il le nie,</div> <div>Qu’il ait esgard à la Mer infinie</div> <div>De tant d’Escrits dont le Monde est rempli</div> <div>Où l’on peut voir un Sçavoir accompli :</div> <div>Lors il verra (s’il n’abonde en malice)</div> <div>Que sans le grand et haultain bénéfice</div> <div>Que nous avons par les Lettres receu,</div> <div>Un si grand bien ne seroit apperceu</div> <div>Et qu’aujourd’huy n’aurions point de nouvelle</div> <div>De mainte Hystoire et proffitable et belle.</div> <div>Puis qu’il appert donc, à la verité,</div> <div>Que tant d’honeur Lettres ont mérité,</div> <div>Et qu’elles sont le principal effaict</div> <div>D’un si grand bien aux hommes et bienfaict,</div> <div>Afin que mieux elles soyent approuvées,</div> <div>Louer convient ceux qui les ont trouvées</div> <div>Premierement, si que chascun se range</div> <div>D’attribuer aux inventeurs louange -</div> <div>Bien toutefoys que difficile on treuve</div> <div>Pour en donner une certaine preuve,</div> <div>Veu que bien fort les autheurs apparens,</div> <div>D’opinion, sont entre eux différens,</div> <div>En disputant par argumens subtils.</div> <div style="padding-left: 40px;">Aux Chrestiens sont différens les Gentils,</div> <div>Et les Chrestiens ne sont en union</div> <div>Pour en avoir semblable opinion.</div> <div>Les uns ont dict qu’en Egypte Mercure</div> <div>De les trouver eut la premiere cure.</div> <div>Autres ont dict que les Pélagiens</div> <div>Autheurs en sont, et que Phéniciens</div> <div>Les Lettres lors transportérent en Grece</div> <div>Avec Cadmus, leur chef plein de proesse.</div> <div>Autres ont dit que les Egyptiens</div> <div>En sont autheurs, et les Ethiopiens</div> <div>Disoient que ceux d’Egypte avoient apris</div> <div>Par leur moyen, les Lettres de grand pris.</div> <div>Mais Augustin, en <bibl>la Cité de Dieu</bibl></div> <div>(Son œuvre sainct) ne donne point de lieu</div> <div>A ces autheurs, et dict tout autrement</div> <div>Qu’Adam l’autheur en fut premierement -</div> <div>Aumoins ses fils, ausquelz il en adjuge</div> <div>L’invention - et qu’avant le Deluge</div> <div>Les Lettres sont certainement trouvées,</div> <div>Et en Noë et ses hoirs conservées</div> <div>Jusques au cours d’Abraham et Moyse.</div> <div>Sainct Augustin ceste raison a mise :</div> <div>Donc il convient grandement estimer</div> <div>Ce sainct Docteur, et ses dicts confirmer,</div> <div>Et que ce grand Créateur de Nature,</div> <div>Au premier Temps qu’il feit la Créature</div> <div>Participant de raison et prudence,</div> <div>Les Lettres meit en commune évidence.</div> <div style="padding-left: 40px;">Depuis ce Temps, hommes labourieux,</div> <div>De les garder ont esté curieux,</div> <div>Et par cest art des Lettres excellantes,</div> <div>Tant ont esté leurs plumes vigilantes</div> <div>Qu’en toute langue encores on peut voir</div> <div>Livres escrits d’admirable Sçavoir,</div> <div>Bien toutefoys que ce soit chose aperte</div> <div>Qu’antiquité a faict une grand perte</div> <div>De livres maints, par faulte d’Imprimeurs</div> <div>Pour conserver livres de bonnes meurs ;</div> <div>Et toutefoys, en perdurable gloire,</div> <div>Poëtes maints ont laissé la mémoire</div> <div>De leurs Escrits, et ce par le secours</div> <div>Des Lettres, lors qui avoyent regne et cours,</div> <div>Dont il appert que sans le moyen d’elles,</div> <div>Nous n’aurions pas ne les Livres fideles</div> <div>Des saincts Escrits du Sauveur, ne maint livre</div> <div>D’humanité, qui grand plaisir nous livre.</div> <div>Si nous n’eussions eu des Lettres l’usage,</div> <div>Nous n’eussions eu la notice en nostre age</div> <div>Des Grecs autheurs, Poétes excellans</div> <div>Qui ont esté d’escrire vigilans,</div> <div>Comme Musée, Arate, et Antimache,</div> <div>Euphorion, Panyse, et Callimache,</div> <div>Pindare aussi, Stésichore, et Pisandre,</div> <div>Simonides, Hipponax, et Nicandre.</div> <div>Bacchylides, Ménandre, Anacréon,</div> <div>Aristophane, Alcée, et Philémon,</div> <div>Sapho, Cratin, Diodore, Eupolis,</div> <div>Et autres maints Poétes bien polis.</div> <div>Virgile aussi, imitateur d’Homére,</div> <div>Ovide après, des Hystoires la mére</div> <div>En l’œuvre grand des <bibl>transformations</bibl>,</div> <div>Œuvre espandu à toutes nations,</div> <div>Mesmes traduict par ma plume loyalle,</div> <div><persName>Dessoubs le nom de Majesté royalle</persName>.</div> <div>Tous ces autheurs tant doctes maintenus,</div> <div>Eussent esté à tout age incognus</div> <div>Sans le thresor des Lettres admirable,</div> <div>Dont le renom doibt estre perdurable.</div> <div style="padding-left: 40px;">Par Lettres, ont jadis flori les Muses</div> <div>Sur Hélichon, par les graces infuses</div> <div>En leur Esprit, qui fut tant noble et rare,</div> <div>Que los sans fin à leur nom il prépare,</div> <div>En l’espandant à l’œil des successeurs.</div> <div>De nombre neuf estoient ces chastes Seurs,</div> <div>En hault Sçavoir et vertus renommées,</div> <div>Aucunefoys "Pégasides" nommées,</div> <div>Aucunefoys "les Vierges Aonides",</div> <div>Semblablement "les doctes Méonides",</div> <div>Et pour leurs noms en évidence mettre,</div> <div>Je les veux bien interpréter en Metre,</div> <div>Comme les Grecs, en grand perfection,</div> <div>En ont jadis faict l’exposition.</div> <div>Premierement, Clio est appellée</div> <div>"Gloire", pourtant qu’elle est fort extollée</div> <div>De ceux qui sont du Laurier triomphans,</div> <div>Poëtes bons, de Pallas les enfans :</div> <div>C’est à sçavoir ceux de noble nature</div> <div>Qui adonnez sont à littérature.</div> <div>Euterpé est dicte "joyeuseté"</div> <div>Aux escoutans sa noble honesteté.</div> <div>La tierce Muse est nommée Thalie,</div> <div>De qui le nom par ce mot se publie</div> <div>De "reverdir" et "estre florissante"</div> <div>Par un long temps, veu que non périssante</div> <div>La gloire on voyt des Poëtes, autheurs</div> <div>D’œuvres tant beaux et doctes inventeurs.</div> <div>Melpoméné est dicte "mélodie",</div> <div>En déléctant celluy qui estudie</div> <div>A l’escouter, car l’homme studieux</div> <div>Est resjouy d’accords mélodieux.</div> <div>Terpsichoré, l’autre Seur de hault pris</div> <div>De "délecter" son propre nom a pris,</div> <div>Veu que Sçavoir et honeste doctrine</div> <div>En grand plaisir les Espris endoctrine.</div> <div>Puis il convient Erato estimer,</div> <div>Laquelle a pris son propre nom d’"aymer":</div> <div>C’est pour autant qu’hommes prudens et sages</div> <div>Bien fort aymez sont de tous personnages.</div> <div>Polymnia, ce nom a mérité</div> <div>Comme donnant los d’immortalité</div> <div>A ses culteurs, par doux chants Poëtiques.</div> <div>Urania est d’honeurs authentiques</div> <div>Fort à priser : du Ciel le nom elle ha,</div> <div>Pour demonstrer évidemment par là</div> <div>Que les sçavans, par Sçavoir précieux,</div> <div>Eleveront leur nom jusques aux Cieux.</div> <div>Calliopé fut la plus excellante</div> <div>Entre les neuf, pour sa voix accordante</div> <div>Nommée ainsi, et de ceux estimée</div> <div>Par lesquelz fort est la Musique aymée.</div> <div style="padding-left: 40px;">Voyla comment, en grand louange et gloire,</div> <div>Les propres noms des filles de mémoire</div> <div>Sont exposez ; et leur invention</div> <div>Leur donne encor plus d’approbation,</div> <div>Car les Escrits nous ont rendu notoire</div> <div>Que par Clio inventée est l’Hystoire,</div> <div>Thalie aussi trouvé l’agriculture</div> <div>Et de planter l’industrieuse cure,</div> <div>Et Euterpé l’invention antique</div> <div>Trouva, de l’art nommé Mathématique.</div> <div>Puis Erato, Muse excellente et sage,</div> <div>Premierement trouva des saults l’usage.</div> <div>Polymnia (comme chascun peut lire</div> <div>Aux Grecs Escrits) a inventé la Lyre.</div> <div>Melpomené, si bien j’en suis records,</div> <div>A inventé les chants et les accords.</div> <div>Urania trouva l’Astrologie,</div> <div>Calliopé trouva la Poësie.</div> <div>Et toutefoys, nous ne fussions certains</div> <div>De tous ces dons excellans et haultains,</div> <div>Si n’en eussions la notice receue</div> <div>Par Lettres, dont la gloire est apperceue</div> <div>Perpétuelle, et qui rend florissant</div> <div>L’homme aux vertus tousjours obeissant.</div> <trailer>Fin du I. Chapitre.</trailer> Claire Sicard 48199 1