ScriptaManent 2026-06-08T21:08:58+02:00 1 48062 Transcription https://heurist.huma-num.fr/heurist/?recID=48062&db=ScriptaManent 2024-12-11 11:18:23 2024-12-11 11:47:52 public L’Honnesteté qui doibt estre en la bouche Contre les blasonneurs des membres https://gallica.bnf.fr/ark:/12148/btv1b8609510f/f81 302 <div>L’Honnesteté qui doibt estre en la bouche,</div> <div>Les motz dorez que par escript on couche,</div> <div>Donnent louenge et honneur, non en vain,</div> <div>Au bon diseur et au juste escripvain.</div> <div>Tout au contraire une parolle dicte</div> <div>Laide et vilaine, ou en papier escripte,</div> <div>Rend son autheur de macule taché.</div> <div>Parquoy aulcuns ont ilz doncques tasché,</div> <div>Se rendre obscurs, perdans leur renommée,</div> <div>Tant qu’en tous lieux leur personne est blasmée ?</div> <div>La volupté et sensualité</div> <div>Leur ont ainsi leurs cueurs debilité,</div> <div>Tant et si fort que le mal par dehors,</div> <div>Monstre l’effect de ce qu’est dans le corps,</div> <div>Selon la chose en quoy le cueur habonde,</div> <div>La bouche parle, ou soit necte ou immunde.</div> <div>O qu’on dict bien, proverbes evidentz !</div> <div>"Du sac ne sort que ce qui est dedans".</div> <div>On le congnoist je ne sçay quelz Rithmeurs,</div> <div>Tous corrumpuz de parolle et de meurs,</div> <div>Ne font escriptz que de choses trop vaines,</div> <div>En corrumpant toutes vertus humaines :</div> <div><persName>L’ung</persName> s’entremect de descripre ung Tetin,</div> <div>Et <persName>l’aultre</persName> ung ventre aussi blanc que satin</div> <div><persName>L’ung</persName> painct les yeulx, <persName>l’aultre</persName> les cheveulx blondz,</div> <div><persName>L’aultre</persName> le nez, <persName>l’aultre</persName> les genoulx rondz,</div> <div>Mais plus cela tend à concupiscence</div> <div>Qu’à demonstrer de beaulté l’excellence.</div> <div>Las ! n’y a il que ceulx là que j’ay dict ?</div> <div>Certes si a, et si aulcun mesdict</div> <div>De leurs escriptz, c’est sans faire nuysance</div> <div>A leur parler et parfaicte elegance,</div> <div>Mais du subject c’est le plus ord et salle</div> <div>Dont fut parlé jamais en chambre ou Salle.</div> <div>Les noms sont beaulx qu’appropria Nature,</div> <div>Aux membres bas de toute creature,</div> <div>Mais blasonner ces membres veneriques,</div> <div>Les exaltant ainsi que deiffiques,</div> <div>C’est une erreur et une ydolatrie,</div> <div>De quoy la terre à dieu vengeance crie.</div> <div>O quelz menteurs ! O quels beaulx blasonneurs,</div> <div>Qui font marché si grand de leurs honneurs !</div> <div>Ma plume auroit grande honte d’escripre,</div> <div>Telz vilains mots, et ma bouche à le dire,</div> <div>D’eulx mesmes sont en faictz et dictz honteux,</div> <div>Et Cicero dict, sans estre doubteux,</div> <div>Que tout ainsi que Nature les cache,</div> <div>De les nommer aussi elle se fache.</div> <div>Pensez vous poinct, qui faictes ces Blasons,</div> <div>Combien de gentz par voz sotes raisons</div> <div>Vous abusez ? Certes la chose est seure,</div> <div>Que ces sotz motz leur engendre luxure ;</div> <div>Les gens de bien en sont scandalisez ;</div> <div>Et vous, Seigneurs qui ces Blasons lisez,</div> <div>Prenez la lettre et en laissez l’esprit,</div> <div>Et plus ne soit tel cas mis par escript,</div> <div>Car c’est l’esprit Cupido et Venus.</div> <div>Et vous aussy, qui pour sçavantz tenuz</div> <div>Estes des sotz : estes vous dictz Poetes ?</div> <div>Certes nenny, mais vous estes chouetes</div> <div>Non ressemblans aux tresbeaulx et blancz Cignes,</div> <div>Vous n’en avez les marques ne les signes :</div> <div>Les Cignes blancz sont les oiseaulx sans vice,</div> <div>Qu’au dieu Phœbus on donne en sacrifice,</div> <div>Et qui sont mis pour armes pardurables</div> <div>Aux escussons des poetes affables</div> <div>Pour denoter que chasteté bien franche</div> <div>Saincte vertu paincte de couleur blanche</div> <div>Se doibt loger en cueur et en pensée,</div> <div>Des escripvains, et non estre offensée.</div> <div>Ceulx là ne sont Cignes, mais noirs Corbeaulx</div> <div>Qui font escriptz indignes d’estre beaulx,</div> <div>De telz oyseaulx la plume trop s’abaisse</div> <div>Et au voller les haultes choses laisse,</div> <div>En s’amusant aux basses corruptibles.</div> <div>Delaissez donc telz escriptz trop horribles,</div> <div>Et ensuyvez icelluy qui blasonne,</div> <div>L’effect de mort qui repos à tous donne,</div> <div>Car qui de mort la souvenance aura,</div> <div>Aultres blasons jamais il ne fera.</div> Claire Sicard 40304 1