ScriptaManent 2026-07-16T00:15:16+02:00 1 47927 Transcription https://heurist.huma-num.fr/heurist/?recID=47927&db=ScriptaManent 2024-12-10 17:20:30 2024-12-10 18:29:28 public Comme j'estois perplex en mon esprit A <persName>Madame La Duchesse d’Estampes</persName> https://gallica.bnf.fr/ark:/12148/bpt6k708687/f128 869 <div style="padding-left: 40px;">Comme j’estois perplex en mon esprit,</div> <div>Deliberant d’acquerir par escript,</div> <div>La vostre Grace, ò <persName>illustre Princesse</persName>,</div> <div>Honte a voulu divertir mon addresse,</div> <div>Et reculer la fin où je penseois,</div> <div>Aultant ou plus que je m’y advanceois.</div> <div>"Quoy cuiddes tu (disoit il) que t’advances</div> <div>Par ton escript, à la fin où tu penses ?</div> <div>Toy mesmement, qui es nouveau venu,</div> <div>Homme estranger, homme encor’ incogneu,</div> <div>Homme suivant le Sort de l’adventure,</div> <div>Homme nué de tous dons de Nature,</div> <div>Lesquels (ainsi que souvent on a veu)</div> <div>Ont fait trouver aux errants bon adveu.</div> <div>Et si tu n’as de tels dons l’abondance,</div> <div>Laquelle aux Gents te demonstre et advance,</div> <div>Ton Esprit est bien accordant au Corps,</div> <div>Car tu en as moins dedans, que dehors.</div> <div>Souvent l’Esprit par sa vertu tres haulte,</div> <div>A de son corps recompencé la faulte,</div> <div>En y faisant par honneur excuser</div> <div>Ce dont à droit on pouvoit l’accuser.</div> <div>Mais qui vouldra les dons du tien cognoistre,</div> <div>Rusticité y verra apparoistre,</div> <div>D’erudition et louable sçavoir,</div> <div>Moins qu’en son Corps de Richesse et avoir.</div> <div>Et toutefoy par ton oultrecuidance,</div> <div>Tu veulx tascher à te mettre en la dance</div> <div>De ceulx qui ont, par escrire et parler,</div> <div>Eventilé leurs doctes noms par l'air.</div> <div>Et (qui pis est) tu te veulx entremettre,</div> <div>De compauser, soit oraison ou mettre,</div> <div>Qui n’as l’esprit de bien coucher dix vers.</div> <div>Et (où je veoy tes sens estre divers)</div> <div>Tu es si bien remonsté en ta game,</div> <div>Que tu voulois escrire à <persName>une Dame</persName></div> <div><persName>Pleine d’honneur, de Vertu et tous biens</persName>,</div> <div>Pour estre un jour mis au nombre des siens.</div> <div>Mal advisé, fais tu ainsi ton compte,</div> <div>Que de ta plume elle tienne aulcun compte ?</div> <div>Ou bien, qu’elle ayt tant d’estime de toy,</div> <div>Qu’en t’estimant, desestime de soy ?</div> <div>Quasi que sois un Seigneur qui merites</div> <div>Qu’ensemblement les Muses, les Charites</div> <div>Et Apollon, te tiennent pour Seigneur,</div> <div>En te faisant hommaige et tout honneur,</div> <div>Par l’eloquent Mercure, leur messaige.</div> <div>Mais en tel cas ne seras jamais saige ?</div> <div>Escriras tu tousjours à l’estourdy ?</div> <div>Advise bien à ce que je te dy,</div> <div>Et cy apres ne penses de rien faire,</div> <div>Sinon des Gents te cacher et te taire,</div> <div>Car quand n’auras de rien faire entrepris,</div> <div>Tu ne seras de personne repris".</div> <div style="padding-left: 40px;">De ses durs mots, fut ma Muse estourdie,</div> <div>Et la chaleur où estoit, reffroidie,</div> <div>Si demeuray tout confus et honteux,</div> <div>En un propos incertain et doubteux,</div> <div>A la parfin me sembla convenable,</div> <div>(Cognoissant bien son dire veritable)</div> <div>De l’entreprise aussitost desister.</div> <div>Et là voulois fermement m’arrester,</div> <div>Lors que soubdain vers moy venir advise</div> <div>Un qui portoit hardiesse en devise,</div> <div>Lequel par tout s’advanceoit sans repos,</div> <div>Et courroucé commença ce propos.</div> <div style="padding-left: 40px;">"Esse cela qu’un hardy Cueur doibt faire,</div> <div>De reculler au millieu de l’affaire ?</div> <div>Esse la voye où il fault cheminer,</div> <div>Pour son labeur en honneur terminer,</div> <div>Et pervenir au bout de son attente ?</div> <div>Ne sçays tu point, que l’honte tousjours tente</div> <div>Celuy qui cas honnorable entreprend ?</div> <div>Honte, ton faict vertueux trop reprend,</div> <div>Car ne pourroit en ce tant entreprendre,</div> <div>Que l’on t’en peust aulcunement reprendre.</div> <div>Il est bien vray, que c’est un hardy faict,</div> <div>D’escripre ainsi à œuvre tant perfaict,</div> <div>Que <persName>la Princesse</persName> à qui tu veulx escripre,</div> <div>Mais de juger que n’en fera que rire,</div> <div>Et ne vouldra ton escript estimer,</div> <div>Celà est trop <persName>telle Dame</persName> blasmer,</div> <div>Car un tel cueur, plein de bonne science,</div> <div>Te donnera assés tost audience,</div> <div>Et qui que sois, venu nouvellement,</div> <div>Paouvre, incogneu, ignare, ou aultrement</div> <div>Destitué de tous biens de ce monde,</div> <div>Ce n’est pas là, où sa Vertu se fonde,</div> <div>Car bien en gré petit present prendra.</div> <div>De quelque lieu et costé, qu’il viendra.</div> <div>Et tant le don à priser ne s’addonne,</div> <div>Que le bon cueur de celuy qui le donne.</div> <div>Oultre, cognoist tout ce que faire fault,</div> <div>A excuser d’un servant le deffault.</div> <div>Que crains tu donc ? que pour fol on te tienne ?</div> <div>Ou quelque mal par ton escript t’advienne ?</div> <div>Saige seras (au contraire) tenu,</div> <div>Et des servants d’icelle retenu,</div> <div>Qui cognoist bien que pour trouver bon maistre,</div> <div>Par tout convient saigement hardy estre".</div> <div style="padding-left: 40px;">Ces mots ouis, tant fus reconforté,</div> <div>Comme j’avois esté desconforté,</div> <div>Et ma puissance auparavant perdue,</div> <div>Icy me fut en un moment rendue.</div> <div>Je fus aussi de ce faire contrainct,</div> <div>D’où m'avoit honte un peu davant retrainct,</div> <div>C’est, toute craincte hors de moy deboutée,</div> <div>Vous saluer, <persName>Princesse redoubtée</persName>,</div> <div>Et en seurté vers vous me retirer,</div> <div>Contre le Sort, qui me veult empirer,</div> <div>Me consumant par langoureuse vie.</div> <div style="padding-left: 40px;">Long temps y a qu’à tousjours heu envie</div> <div>De jour ou nuict me prendre à l’impourveu.</div> <div>Ce nonobstant je ne le crains, pourveu</div> <div>Qu’un coup gettez vostre œil sur mon malaise,</div> <div><persName>Princesse illustre</persName>, et aussi qu’il vous plaise</div> <div>Donner faveur à ce commencement,</div> <div>Affin qu’il prenne ainsi advancement,</div> <div>Et que celuy qui pour ce me desprise,</div> <div>Soit puis contrainct louer mon entreprise.</div> Claire Sicard 10087 1