ScriptaManent 2026-07-16T00:15:16+02:00 1 47926 Transcription https://heurist.huma-num.fr/heurist/?recID=47926&db=ScriptaManent 2024-12-10 17:19:29 2024-12-10 18:23:28 public Si pour avoir par trop hault entrepris A <persName>Madame Marguarite, fille unique du <persName>Roy</persName></persName> https://gallica.bnf.fr/ark:/12148/bpt6k708687/f125 869 <div style="padding-left: 40px;">Si pour avoir par trop hault entrepris</div> <div>L’entrepreneur en doibt estre repris,</div> <div>Ò <persName>tres illustre et tres noble Princesse</persName>,</div> <div>Estre celuy certes je me confesse.</div> <div>Je me confesse estre par trop haultain,</div> <div>Entreprenant un affaire incertain.</div> <div>Entreprenant ainsi à l’advanture,</div> <div>Vous saluer par ma sotte escripture,</div> <div>Mais vostre grande et rare humanité,</div> <div>Vostre doulceur, vostre benignité,</div> <div>Et vos Vertus, m’y ont donné couraige.</div> <div style="padding-left: 40px;">Si la Noblesse et le Royal lignage,</div> <div>Si vostre estat triumphant et pompeux,</div> <div>Eust vostre Cueur rendu plus orgueilleux,</div> <div>Lors à bon droict, je ne debvrois penser</div> <div>À ceste fin, où me veulx advancer.</div> <div>Mais puis que j’ay du contraire science,</div> <div>En cognoissant par bonne experience,</div> <div>Qu’il n’y a rien dans vostre noble cueur,</div> <div>Qu’humanité et toute grand doulceur :</div> <div>J’ay essayé encor’ une foys faire,</div> <div>Ce que je fis à mon premier affaire.</div> <div style="padding-left: 40px;">Il me soubvient de la compassion,</div> <div>Que vous aviez de mon affliction,</div> <div>Il me soubvient du mal que vous souffriez,</div> <div>Qu’à vostre gré lors ne me secouriez.</div> <div>Je ne sçay point <persName>Madame</persName>, si depuis</div> <div>Qu’en ceste croix (quatre ans a) tumbé suis,</div> <div>Si grand malheur m’est bien peu advenir,</div> <div>De n’estre plus en vostre soubvenir.</div> <div>Il est possible (ainsi qu’un long espace</div> <div>Communement nostre memoire efface)</div> <div>Possible est (dy je) aussi, que ne sçavez</div> <div>Le Serviteur que retenu avez,</div> <div>Le Serviteur qui de rien ne se vente,</div> <div>Sinon qu’il a affection fervente,</div> <div>Quelque matin, en saoulant son desir</div> <div>Vous envoyer chose, où prenez plaisir ;</div> <div>Vous envoyer au moins un tesmoignage,</div> <div>Qu’a de long temps de vous servir courage.</div> <div>Si ce grand heur ne m’est onq’ advenu,</div> <div>Que j’ays esté des vostres retenu,</div> <div>En attendant qu’aultre je deviendray,</div> <div>Tousjours pourtant des vostres me tiendray.</div> <div>J’estime aussi, que le temps advenir,</div> <div>Aultre pourray que ne suis, devenir,</div> <div>Ayant pouvoir et le temps plus propice,</div> <div>Que je n’ay pas, pour vous faire service.</div> <div style="padding-left: 40px;">Je vous supply, <persName>Princesse tres perfaicte</persName>,</div> <div>En regardant si justement soubhaitte,</div> <div>Que je n’ays point mon espoir abusé,</div> <div>Où mon temps s’est jusques icy usé.</div> <div>Et qu’il vous plaise aussi, pitié avoir</div> <div>De l’affligé, qui ne peut se ravoir ;</div> <div>De l’affligé, lequel soubs esperance,</div> <div>En languissant se consume en souffrance.</div> <div>Vous luy pourrez un jour, selon le cours,</div> <div>Prester la Main en faveur et secours,</div> <div>Vous le pourrez, hors de captivité,</div> <div>Restituer en pleine Liberté,</div> <div style="padding-left: 40px;">Je vous requiers, <persName>Princesse tres illustre</persName>,</div> <div>Que luy prestez l’umbre de vostre lustre.</div> Claire Sicard 10087 1