ScriptaManent 2026-06-09T02:39:24+02:00 1 47897 Transcription https://heurist.huma-num.fr/heurist/?recID=47897&db=ScriptaManent 2024-12-09 11:02:19 2024-12-09 13:26:49 public Si je pensois (seigneur prudent et sage) Epistre XIII à <persName>Monsieur de Saint Jan</persName>, son maistre https://gallica.bnf.fr/ark:/12148/bpt6k1521222h/f120 996 <div style="padding-left: 40px;">Si je pensois (<persName>seigneur prudent et sage,</persName></div> <div><persName>Seigneur où gist vertu, grace et courage</persName>)</div> <div>Si je pensois que mes pauvres escritz,</div> <div>Et doulx labeurs et plaisir avez pris,</div> <div>Fussent de vous autant favorisez,</div> <div>Comme autresfois les avez prisez,</div> <div>Je metrois peine à vous en presenter</div> <div>Plus que jamais, je m’en puis bien vanter.</div> <div>Et si n’estoit que crainte me repoulse,</div> <div>Je chercherois une veine si doulce,</div> <div>Que vous prendriez tout autant de plaisir,</div> <div>Comme avez faict, m’en donnant le loysir.</div> <div style="padding-left: 40px;">Mais quand je pense à ceste mienne audace,</div> <div>Qui delaissa vostre faveur et grace ;</div> <div>Quand je me plains de mon departement,</div> <div>Plus soudain fait qu’inventé seulement,</div> <div>Je me tay coy, les armes j’abandonne,</div> <div>Je ne dy mot, je ne chante et ne sonne :</div> <div>Brief je me rens si caché et reclus,</div> <div>Qu’en y pensant <persName>d’Aurigny</persName> ne suis plus.</div> <div>Plus je ne suis, si vostre humanité</div> <div>Ne me me refait ainsi que j’ay esté.</div> <div>Et sçavez vous, <persName>seigneur tresdebonnaire</persName>,</div> <div>Comment pourrez tout entier me refaire ?</div> <div>Commandez moy que j’escrive et compose</div> <div>A mon esprit qui par trop se repose,</div> <div>Je vous supply, commandez aigrement.</div> <div>En ce faisant vostre commandement</div> <div>(Qui envers moy ne peult trouver reffus)</div> <div>Me fera mieulx que jamais je ne fus.</div> <div>Las, vueillez donc exaucer ma priere,</div> <div><persName>Noble seigneur</persName>, ne retirez arrière</div> <div>Mon pauvre esprit, qui de vray est tant vostre,</div> <div>Qu’il n’est plus mien, encore moins à autre.</div> <div>Faictes qu’il soit par vous entretenu,</div> <div>Pour estre à vous obligé et tenu.</div> <div>Puis je diray qu’ayant de bout en bout</div> <div>Long temps cherché, j’ay trouvé <persName>Un pour tout</persName> :</div> <div>Car "un" c’est vous ; et ce "tout" se refere</div> <div>A mon esprit : je ne puis donc rien faire</div> <div>Sans vous et luy. Helas, donc recevez le,</div> <div>Car le royal Psalmiste le revele :</div> <div>Qui congnoissant entierement sa faulte,</div> <div>Mesle les pleurs avecques la voix haute,</div> <div>Et crie ainsi : "Seigneur helas ! Seigneur,</div> <div>Ayme sans plus ton humble serviteur ;</div> <div>Fais que son ame en toy se vivifie,</div> <div>Puis qu’en toy seul entierement se fie".</div> <div>Vous povez bien cognoistre par ce poinct</div> <div>Que je vous prens pour seineur tout à poinct ;</div> <div>Seigneur sans plus, quant à l’humanité,</div> <div>Qui se rend serve à vostre dignité :</div> <div>Car autrement l’ame seroit meurdrie</div> <div>Par ce vil corps taché d’idolatrie.</div> <div>Ha ! je ne vueil pour richesse ou avoir</div> <div>Devant mes yeulx encore un Dieu avoir ;</div> <div>Il n’est pas dict que vivant en ce monde,</div> <div>Servant à Dieu (duquel tout bien redonde),</div> <div>Ne soit requis quelque sage homme elire,</div> <div>Pour parvenir où nostre esprit aspire ;</div> <div>Ce que je fais : car à vous je m’attens,</div> <div>Ayant regret de perdre ainsi mon temps.</div> <div>Parquoy (<persName>seigneur où gist tout mon support</persName>)</div> <div>Ottroyez moy qu’avant ma triste mort</div> <div>Ceste devise, <persName>Un pour tout</persName>, soit trouvée,</div> <div>Pour vous sans plus, et par vous approuvée.</div> Claire Sicard 18954 1