ScriptaManent 2026-08-27T10:16:45+02:00 1 47890 Transcription https://heurist.huma-num.fr/heurist/?recID=47890&db=ScriptaManent 2024-12-08 20:14:12 2024-12-08 20:43:24 public Muses sortez de voz forestz, et lieux Estrene pour <persName>le petit Duc de Bretaigne</persName> Filz de <persName>monseigneur le Daulphin</persName> https://gallica.bnf.fr/ark:/12148/bpt6k79192b/f59 605 <div style="padding-left: 40px;">Muses sortez de voz forestz, et lieux</div> <div>Où vous prenez esbat ou nourriture,</div> <div>Et amenez avecques vous les Dieux</div> <div>Qui de sçavoir et des lettres ont cure,</div> <div>Je vous supply que chascune procure</div> <div>Veoir à ce jour <persName>ce beau Royal Enfant</persName>.</div> <div>Celle qui mieulx l’estrenera, je jure</div> <div>Qu’elle entrera en renom triumphant.</div> <div style="padding-left: 40px;">Ce jour joyeux, tristesse vous defend :</div> <div>Chascune soit de rire auctorisee.</div> <div>Chantez, de joye un noble cueur se fend</div> <div>D’ouyr le son de voix organisee.</div> <div>Ne venez pas en turbe divisée,</div> <div>Ains soient voz cueurs unis et assemblez :</div> <div>Car la Musique est lourde et mal prisée,</div> <div>Quand on congnoist Chantres desassemblez.</div> <div style="padding-left: 40px;">N’ayez les cueurs ne dolens ne troublez,</div> <div>Faictes du <persName>Duc Françoys</persName> un beau Cantique,</div> <div>Et augmentez voz accords, et doublez</div> <div>Autour du Bers de <persName>l’Enfant</persName> la musique.</div> <div>Chantez le loz illustre et magnifique</div> <div>Du Lis Royal qui le Bers environne.</div> <div>Chantez qu’un jour <persName>cest Enfant pacifique</persName>,</div> <div>Possedera Diademe ou Couronne.</div> <div style="padding-left: 40px;">Finy l’accord de la voix qui resonne,</div> <div>Faictes Dixains, Ballades et Rondeaux.</div> <div>Accompagnez d’estrene qui soit bonne,</div> <div>Pour l’estrener d’ouvrages tous nouveaux.</div> <div>Dictes qu’il ha grand beaulté sur les beaux,</div> <div>Que <persName>son Ayeul</persName> et <persName>Pere</persName> il represente.</div> <div>Faictes sortir Naiades de leurs eaux,</div> <div>Et que leur voix à ses honneurs consente.</div> <div style="padding-left: 40px;">Donnez au <persName>Duc</persName> la Couronne recente</div> <div>De verd Laurier, Cynamome et Cyprès,</div> <div>Qu’un jour viendra où par directe sente</div> <div>On le viendra honnorer de plus près.</div> <div>Delivrez luy l’Olive tout exprès,</div> <div>De ce Rameau il est capable et digne.</div> <div>L’occasion vous en sçaurez après,</div> <div>Pource que c’est de Concorde le signe.</div> <div style="padding-left: 40px;">Muses ainsi (ô <persName>Prince tres insigne</persName>)</div> <div>T’estreneront, et mieulx que je ne dy.</div> <div>Moy ce pendant (bien que j’en soys indigne)</div> <div>De t’estrener ne seray refroidy.</div> <div>A ces honneurs point je ne contredy,</div> <div>Qu’à ce jour cy te donneront les Muses :</div> <div>Mais d’un Cerveau plus sage qu’estourdy</div> <div>Je chanteray tes louanges diffuses :</div> <div style="padding-left: 40px;">Priant à Dieu que cinquante ans tu uses</div> <div>Doublez deux foys pour gouverner la France,</div> <div>Pour la garder des finesses et ruses</div> <div>Qui la pourroient retenir en souffrance.</div> <div>Dieu te doint tant de vive temperance</div> <div>Qu’à noz souhaitz tu puisses aspirer,</div> <div>En ensuyvant la Royalle asseurance,</div> <div>Qui par tel hoir n’ha garde d’empirer.</div> <div style="padding-left: 40px;">Il ne te fault (France) plus souspirer</div> <div>Pour les assaulx qui estoient infinis,</div> <div>Car on verra ceste guerre expirer,</div> <div>Veuz <persName>les deux Roys</persName> fidelement unis.</div> <div>Toy, <persName>Duc Françoys</persName>, plus riant qu’Adonis,</div> <div>D’un ris plaisant vien estrener <persName>ta mere</persName> :</div> <div>Monstre par signe estre les maulx finis</div> <div>Qui nous faisoient sentir douleur amere.</div> <div style="padding-left: 40px;">Auprès de toy rira mainte commere</div> <div><persName>Enfant Foyal</persName> par ton accroissement :</div> <div>Car attendant ton aage qu’on espere</div> <div>Tu donneras à tous contentement.</div> <div>Ton gay maintien sera le truchement,</div> <div>Pour expliquer ce que tu ne peulx dire,</div> <div>Pour le Poëte autant d’or seulement</div> <div>Que tu feras ta gouvernante rire.</div> <div style="padding-left: 40px;">Le temps escheu que l’on orra ton dire,</div> <div>Tu sçauras mieulx combien vault ton honneur.</div> <div>Il n’y aura sur toy rien à redire,</div> <div>Tu le tiendras du celeste Donneur.</div> <div>Certes c’est luy qui aux hommes donne heur,</div> <div>C’est luy qui t’ha aymé d’amour loyalle,</div> <div>C’est luy qui est des bienfaictz guerdonneur,</div> <div>Et protecteur de ta race Royalle.</div> <div style="padding-left: 40px;">Il tient soubz luy puissance Imperialle,</div> <div>Et si est plein de toute humilité.</div> <div>Nous sommes tous sa race filialle,</div> <div>Si nous avons pure tranquilité.</div> <div>C’est luy d’où vient toute fertilité,</div> <div>Qui pour nourrir l’homme croist sur les champs ;</div> <div>C’est luy qui donne aussi sterilité,</div> <div>Quand il congnoist noz vouloirs trebuschans.</div> <div style="padding-left: 40px;">Ma Muse donc, esleve icy tes chans,</div> <div>Ce premier jour de la presente année,</div> <div>En priant Dieu que des hommes meschans</div> <div>Il lave en Foy l’Ame contaminée.</div> <div>Soit, <persName>Royal Duc</persName>, ta personne estrenée</div> <div>D’un doulx sommeil pour ton cry appaiser,</div> <div>Où ta Nourrice heureuse d’estre née</div> <div>Sinon en temps ne te vienne baiser.</div> <div style="padding-left: 40px;">En ta faveur Dieu vueille nous aiser,</div> <div>Chassant de nous indigence et famine ;</div> <div>Tranquile Paix daigne en noz cueurs causer</div> <div>Dilection comme CHRIST le termine.</div> <div>Charnalité ses appetis domine,</div> <div>Dedans noz cueurs se perde ambition.</div> <div>Bref, un chascun propose et determine</div> <div>L’un avec l’autre avoir dilection.</div> <div style="padding-left: 40px;">En ta faveur loing de detraction</div> <div>Dieu nous appelle à sa Saincte escripture :</div> <div>Nous recongnoisse en nostre affliction,</div> <div>Comme sa povre et humble creature,</div> <div>Que nous puissions reparer la jacture</div> <div>Dont nous avons quasi les cueurs faillis,</div> <div>Avoir enfin des haults Cieulx l’ouverture,</div> <div>Malgré Satan qui nous ha assaillis.</div> <div style="padding-left: 40px;">C’est le brigand qui est dans le taillis,</div> <div>Qui jour et nuict à passer nous espie.</div> <div>Mais si les dons de Dieu sont recueillis,</div> <div>Nous ne craindrons si dangereuse espie.</div> <div>Ne perdons pas du livre la copie,</div> <div>Qui le livre est de vie et de salut,</div> <div>Dont je criray aussi hault qu’une Pie</div> <div>Qu’il est meilleur qu’un Ducat ou Salut.</div> <div style="padding-left: 40px;">Dieu Eternel qui t’envoyer voulut,</div> <div><persName>Enfant Royal</persName>, en la basse contrée,</div> <div>Garde <persName>ta Mere</persName> ores qui tant valut</div> <div>Qu’au <persName>Lis Royal</persName> elle s’est rencontrée.</div> <div>Tresheureuse est en France son entrée,</div> <div>Tresheureux est <persName>le fruict qui d’elle vient</persName>.</div> <div>De son odeur la France est penetrée,</div> <div>Je dy odeur que priser il convient.</div> <div style="padding-left: 40px;">Tout c’est heur là de ta faveur provient,</div> <div><persName>Duc des Bretons</persName>, ta Royalle naissance</div> <div>Faict que de dueil plus il ne nous souvient.</div> <div>Et tant nous plaist de toy la congnoissance,</div> <div>Que desormais croistra nostre puissance</div> <div>Par ton regard, courtoys et gracieux,</div> <div>Dont nous croyons que la divine essence,</div> <div>Nous ha transmis un tel thresor des Cieulx.</div> <div style="padding-left: 40px;">Advancez vous, les ans delicieux</div> <div>Du <persName>jeune Enfant</persName>, pour l’advancer au monde ;</div> <div>Advancez vous, car il espere mieulx</div> <div>Pour l’entretien de la machine ronde.</div> <div>Cheveulx, couvrez par tout sa teste blonde,</div> <div>Dents de cristal, abondamment sortez,</div> <div>Piedz delicatz ayans chair pure et munde,</div> <div>Puis ça puis là, <persName>le petit Duc</persName> portez.</div> <div style="padding-left: 40px;">Croissez les yeulx, qui l’Esprit confortez,</div> <div>Croissez les bras, langue aprens à parler,</div> <div>Et vous aussi, aureilles, rapportez</div> <div>Ce que sa langue aura peu reveler.</div> <div>Bref, tout le corps nous face esmerveiller,</div> <div>De croistre en bref par raison et mesure.</div> <div>Voilà <persName>Habert</persName> qui ne se peult celer,</div> <div>Qui ton Estrene au gré de Dieu mesure.</div> Claire Sicard 13490 1