ScriptaManent 2026-09-23T19:06:52+02:00 1 47888 Transcription https://heurist.huma-num.fr/heurist/?recID=47888&db=ScriptaManent 2024-12-08 18:09:12 2024-12-09 13:37:27 public Heureux bergers qui estes en l’umbrage Petit œuvre bucolique presenté à <persName>mondict Seigneur le Daulphin</persName> https://gallica.bnf.fr/ark:/12148/bpt6k79193p/f65 605 <div style="padding-left: 40px;">Heureux bergers qui estes en l’umbrage,</div> <div>Oyez un peu le mien pelerinage</div> <div>Où j’ay esté ceste saison passée,</div> <div>Pour donner joye à ma triste pensée.</div> <div>Doncques chascun de vous soit adonné</div> <div>D’oyr le chant du Pasteur fortuné.</div> <div style="padding-left: 40px;">Lors que l’Hyver trop froid et pluvieux</div> <div>Fut surmonté du Printemps gracieux,</div> <div>Esmeu d’un cueur tranquile, qui m’inspire</div> <div>De m’exposer au doulx vent de Zephyre :</div> <div>Je proposay, après longue souffrance,</div> <div>D’aller chercher <persName>le grand Berger de France</persName>,</div> <div>Qui dessoubz luy en Paix et sans dangers</div> <div>Des Loups cruelz, tient maintz nobles Bergers :</div> <div>Et s’il convient que la raison tu saches</div> <div>De mon depart : je n’avoys plus de Vaches,</div> <div>Beufz, ne Moutons, pour du gouvernement</div> <div>De mes troupeaux, prendre nourrissement ;</div> <div>Temps opportun plus ne m’estoit baillé</div> <div>D’avoir du Laict, ou Fourmage caillé</div> <div>Pour l’entretien du povre labourage.</div> <div>Ce qui esmeut tellement mon courage,</div> <div>Que la maison j’abandonne grand erre,</div> <div>Pour m’en aller en plus estrange terre,</div> <div>Et rencontrer Berger pour le servir,</div> <div>Et en servant quelque bien desservir.</div> <div>A ce depart mes fideles amys</div> <div>Pour la conduite en oubly ne m’ont mys :</div> <div>Car de leur bien assez m’ont departi,</div> <div>Pour aspirer au but de mon parti,</div> <div>Que j’esperoys, si la fortune adverse</div> <div>N’eust empesché la fin de mon addresse.</div> <div>En ce vouloir sans cesser je chemine,</div> <div>Et en mon cueur je propose et rumine</div> <div>Le lieu certain pour rencontrer la voye</div> <div>Du <persName>grand Berger</persName> que tant requis j’avoye.</div> <div>Pour le trouver, je m’enquiers des passages,</div> <div>Si on l’avoit rencontré aux boucages</div> <div>Chassant aux boys par naturel plaisir,</div> <div>Ou s’il estoit en chasteau de loysir.</div> <div>Pour le trouver, quand ainsi je labeure,</div> <div>Je vien au lieu où il faict sa demeure,</div> <div>Non pas tousjours : car pour le vray compter,</div> <div><persName>Ce grand Berger</persName> que vous m’oyez venter</div> <div>Ha tant de biens, Beufz, Vaches et Taureaux</div> <div>Qu’en divers lieux il conduict ses troupeaux,</div> <div>Où il luy plaist, les meine jour en jour,</div> <div>En y faisant ou bref, ou long sejour.</div> <div style="padding-left: 40px;">Doncques ce lieu où mon addresse vint,</div> <div>Me sembloit riche et illustre entre vingt.</div> <div>C’estoit Anet, un des beaux lieux où j’aille,</div> <div>Qui appartient à <persName>la grand Seneschalle,</persName></div> <div><persName>Dame d’honneur, Bergere de grand preis</persName>,</div> <div>Dans le cerveau de laquelle est compris</div> <div>Un jugement, une belle faconde,</div> <div>Qui à peine ha de valeur sa seconde.</div> <div>Là les Bergers de noble race yssus,</div> <div>Sont bien souvent de mes yeulx apperceus.</div> <div>Au <persName>grand Berger</persName> qui domine en ce lieu,</div> <div>Obeissoyent tous Bergers après Dieu :</div> <div>Auprès de luy son conseil domestique,</div> <div>Pour conserver l’utilité publique ;</div> <div>Auprès de luy sont d’autre qualité</div> <div>Bergers, qui pour garder sa dignité</div> <div>Portent bastons, et entre le troupeau</div> <div>Sont curieux de conserver sa peau ;</div> <div>Auprès de luy Pasteurs scientifiques,</div> <div>Les uns peu plus qu’autres sont magnifiques</div> <div>Tant en sçavoir, doulceur, humanité,</div> <div>Qu’à l’entretien de vive Charité.</div> <div>Bref, il n’y ha science en ce bas Monde,</div> <div>Qui au troupeau du <persName>grand Berger</persName> n’abonde.</div> <div>Mais il sembloit que la sublimité,</div> <div>Avoit un peu trop de mondanité :</div> <div>Car argent sert pour se mettre en Campagne,</div> <div>Et resister au <persName>grand Berger d’Espagne</persName>.</div> <div>Et à l’esgard des exquises Bergeres</div> <div>Qui là estoient, je ne vous tiendray gueres :</div> <div>Advis me fut de veoir les nobles Fees</div> <div>Du temps jadis, voire bien mieulx coiffées</div> <div>Ces cy estoient. Leur nayve beaulté</div> <div>Feroit qu’un mort seroit ressuscité.</div> <div>Mais j’ay grand peur qu’en aspirant à vie,</div> <div>De les aymer il luy print grand envie.</div> <div>Je veis la <persName>grand’Bergere de Navarre</persName>,</div> <div>Qui en sçavoir, poulse plus loing la Barre</div> <div>Sur le troupeau du sexe Feminin,</div> <div>De ce bas Monde ; et à son œil bening,</div> <div>On congnoist tant de graces estre encloses,</div> <div>Qu’on ne pourroit souhaiter plus grands choses,</div> <div>Fors de la veoir, et contempler sa grace,</div> <div>Qui sans mentir toutes les autres passe.</div> <div>Mainte autre y ha qui de sa grace bonne,</div> <div>Aux regardants un contentement donne,</div> <div>Qui faict juger le cueur estre vestu</div> <div>De zele honneste et louable Vertu,</div> <div>Sans m’arrester à l’habit moins idoyne</div> <div>Ou excessif, qui ne faict pas le Moyne,</div> <div>De regarder j’estois esmerveillé,</div> <div>Voyant le tout d’un œil bien esveillé,</div> <div>Je n’attendoys que de venir à l’heure</div> <div>Pour arrester en ce lieu ma demeure</div> <div>(Comme j’ay dict) qui avois entrepris</div> <div>D’aller servir un <persName>Berger de grand pris</persName>.</div> <div>Pour impetrer cest octroy, je m’applique</div> <div>Ou à dresser un dixain Poëtique,</div> <div>Ou une Epistre en rime mesurée.</div> <div>Songeant ainsi ma demeure asseurée,</div> <div>Mon escripture en leur endroict est leue</div> <div>Comme elegante, honeste, et resolue.</div> <div>Mais si souvent Bergers vont à la chasse</div> <div>Que tout espoir hors de mon cueur je chasse.</div> <div>De vingt Moutons, je despens la valeur</div> <div>Sans imposer la fin à mon malheur.</div> <div><persName>Le grand Berger</persName> se rue en Normandie,</div> <div>Et je, povret attainct de maladie,</div> <div>Laisse la suyte, et les sens bien marris</div> <div>Revien garder les troupeaux à Paris,</div> <div>Non sans douleur, non sans adversité,</div> <div>Si <persName>un Berger haultain</persName> n’eust visité</div> <div>Mon povre Esprit : certes il fut aucteur</div> <div>De donner vie, au fortuné Pasteur.</div> <div>C’est <persName>le Berger Henry de hault renom</persName>,</div> <div>Qui par escript oyant au vray mon nom,</div> <div>Et que j’avoys en l’art de Poësie</div> <div>Dès si long temps mise ma fantasie,</div> <div>Soubdainement son secours me donna,</div> <div>Et la valeur d’un gras Beuf m’ordonna :</div> <div>Car il congneut que j’estoys l’inventeur</div> <div>De la <bibl>Venus nouvelle</bibl>, et vray autheur</div> <div>Qu’avoit receu <persName>son amye</persName> exaulcée,</div> <div>Un peu avant la froidure passée.</div> <div>"Ha" (dis je lors) "ô <persName>Berger honnorable</persName>,</div> <div>Tu m’as esté au besoing secourable,</div> <div>Si te prometz que ma rurale Muse,</div> <div>Dilatera ta louange diffuse :</div> <div>Car je diray par œuvre Bucolique</div> <div>Ta vertu haulte, et renom magnifique".</div> <div style="padding-left: 40px;">Sus donc ma Muse à ce commencement,</div> <div>Que diras tu pour mon soulagement ?</div> <div>Qu’escriras tu de <persName>ce noble Berger</persName>,</div> <div>A qui se vient toute vertu renger ?</div> <div>Cessez autheurs, du <persName>Dieu Pan</persName> la louange,</div> <div>Et ne jugez mon entreprise estrange,</div> <div>Si au <persName>Pasteur de Valoys tres exquis</persName>,</div> <div>Plus de louange et honneur est acquis.</div> <div><persName>Pan opulent sur le mont d’Archadie</persName>,</div> <div>Disoit chansons en grande melodie,</div> <div>De son Flajol, de Chalemeaux rustiques,</div> <div>Dont resonnoient les montaignes obliques.</div> <div><persName>Henry</persName> ayant plus de maturité,</div> <div>Tient ses troupeaux en grand tranquilité,</div> <div>Et les faict paistre en plantureux herbage,</div> <div>Les reculant du malheureux umbrage</div> <div>D’obscurité, où les Berbis repeues</div> <div>De mauvais Pain, deviennent corrompues.</div> <div>Bien haultement il chante les chansons,</div> <div>Dont ignorants n’entendent point les sons,</div> <div>Non de Flajol, ou petis Chalemeaux,</div> <div>Ainsi que <persName>Pan</persName> faisoit soubs les Ormeaux,</div> <div>Ains d’une voix qui est de doulceur telle,</div> <div>Qu’elle produict armonie immortelle,</div> <div>Voix Angelique, où de grace y ha tant,</div> <div>Que tout le Peuple en est rendu content,</div> <div>Voix mesurée, et au son de laquelle</div> <div>Viendroit <persName>Diane</persName>, et toute sa sequelle,</div> <div>Pour escouter <persName>ce Berger de grand preis</persName>,</div> <div>Devant lequel Paris seroit repris,</div> <div>Quand à Venus plus d’honneur il reserve,</div> <div>Qu’il ne faict pas à la sage Minerve.</div> <div>Venus feroit d’Adonis un eschange</div> <div>A <persName>ce Berger</persName>, et ne perdroit au change,</div> <div>S’il avoit veu Diane toute nue,</div> <div>Il ne viendroit en hystoire congneue</div> <div>Comme Acteon, Diane l’aymeroit,</div> <div>Et d’Homme en Cerf ne le convertiroit :</div> <div>C’est le Berger en batailles commis,</div> <div>Où le soulas du <persName>grand Berger</persName> est mys ;</div> <div>C’estle Berger qui tout si bien dispose,</div> <div>Que le troupeau des Muses se repose</div> <div>Sur son conseil, sur sa science haulte,</div> <div>Où l’on ne peult trouver erreur ou faulte.</div> <div>Berger sçavant, Berger bien entendu,</div> <div>Plus d’huylle ayant que de vin despendu</div> <div>A se munir des sublimes vertus,</div> <div>Dont ses Espritz sont ornez et vestus,</div> <div>C’est un Daulphin de vertu immortelle</div> <div>Où se reçoit Charité eternelle ;</div> <div>C’est le Pasteur en sçavoir florissant,</div> <div>Dont maint troupeau luy est obeyssant ;</div> <div>Pasteur humain, de tous en general,</div> <div>Plus gracieu, et le plus liberal,</div> <div>Qui aux Bergers de povre nation</div> <div>Donne secours de bonne affection,</div> <div>En supportant leurs grands necessitez,</div> <div>En secourant à leurs adversitez ;</div> <div>Pasteur qui sçait Berbis medeciner</div> <div>Pour les garder du Tac, ne ruyner,</div> <div>Ou du Farsin, et leur donner pasture,</div> <div>Qui les esleve en bonne nourriture ;</div> <div>Pasteur remply de sens interieur.</div> <div>Quoy prevoyant <persName>nostre superieur</persName></div> <div><persName>Berger Françoys</persName>, tant de faveur luy donne,</div> <div>Que d’un vouloir de Pere il le guerdonne.</div> <div>Mais pourquoy donc ne le guerdonneroit,</div> <div>Et dessus tous bruit ne luy donneroit,</div> <div>Veu qu’Apollo, et ses Sœurs les neuf Muses,</div> <div>Viennent chanter ses louanges diffuses ?</div> <div>Si vous diray toute l’occasion</div> <div>Qui me provient de ceste vision.</div> <div>A mon retour de ce lieu desiré</div> <div>Où je m’estoys au printemps retiré,</div> <div>Las de travail pour alléger ma peine,</div> <div>Asseoir me vien autour d’une Fontaine :</div> <div>Fontaine illustre au doulx son argentin,</div> <div>Où se rengeoient les Muses du matin,</div> <div>Pour se baigner aux extremes chaleurs,</div> <div>Or en ce lieu appaisant mes douleurs,</div> <div>Du souvenir de tant de maulx passez,</div> <div>Pour refrigere à mes membres lassez</div> <div>Sommeil me prent : le bruit de l’eau qui dure</div> <div>Me faict long temps dormir sur la verdure,</div> <div>Et en dormant mon Esprit travaillé,</div> <div>Veilloit autant que s’il fust esveillé,</div> <div>Advis me fut veoir Phebus et ses Sœurs,</div> <div>Et n’avoir onc oy plus grands doulceurs</div> <div>Que de leurs voix : et veritablement</div> <div>C’estoit Phebus, qui par esbatement</div> <div>Estoit venu se reposer en l’umbre</div> <div>Avec ses sœurs qui neuf estoient de nombre,</div> <div>Car tout soubdain (de cela suis records)</div> <div>Ils ont poulsé melodieux accords.</div> <div>Harpes et Lucs faisoient bien leur debvoir,</div> <div>Meilleur les faict oyr que de les veoir.</div> <div>Un bruit si doulx commence à m’esveiller,</div> <div>Mais je faisoys semblant de sommeiller,</div> <div>Craignant au vray que mon humanité,</div> <div>Ne fist obstacle à leur divinité,</div> <div>Entretenant faincte dormition,</div> <div>Pour des accords avoir fruition.</div> <div>Bien longuement ce doulx accord resonne,</div> <div>Dont il estoit advis à ma personne,</div> <div>Que des haultz Cieulx descendist Juppiter,</div> <div>Pour aux humains sa voix faire escouter.</div> <div>Cessé l’accord, dessoubs un buysson verd</div> <div>Se meit Phebus, pour y estre à couvert</div> <div>Avec ses sœurs les Muses, qui au près</div> <div>Se vont asseoir, soubz un flori Cyprès.</div> <div style="padding-left: 40px;">Quand Apollo veit ses Sœurs en silence,</div> <div>Prestes d’oyr sa diserte eloquence,</div> <div>Il commença de harenguer ainsi :</div> <div>"Puis que le temps nous ha conduict icy,</div> <div>Mes cheres Sœurs, et que loysir avons,</div> <div>De reposer au lieu que nous trouvons,</div> <div>Je suis d’advis qu’en prenant tel repos</div> <div>Nous alleguions solacieux propos,</div> <div>Pour à l’Esprit donner allegement,</div> <div>Car vous sçavez qu’il ha autre aliment</div> <div>Que n’ha le corps : le corps tend de nature</div> <div>A ce qui sent son umbre, et pourriture ;</div> <div>Mais l’Esperit d’une autre qualité,</div> <div>Ne sent sinon que sa divinité,</div> <div>Dont je vous doy agreables tenir,</div> <div>Qui bien sçavez l’Esprit entretenir :</div> <div>Car la vertu de l’Esprit florissant,</div> <div>N’est en voz cueurs jamais deperissant.</div> <div>L’une ha le Luc divinement apris,</div> <div>L’autre le son de la Harpe compris,</div> <div>L’autre sçait tant de secretz de Musique</div> <div>Que sa voix semble une voix Angelique,</div> <div>L’une est parfaicte en l’art de Poësie,</div> <div>Es livres Sainctz l’autre ha sa fantasie.</div> <div>Bref, je ne sçay de vous mes Sœurs aucune,</div> <div>Que Dieu n’ait plus aprise, que Fortune.</div> <div>Quant est de moy, par ma dexterité</div> <div>Je sçay assez ce que j’ay merité :</div> <div>Car premier suis autheur de medecine,</div> <div>Si qu’il n’y ha Fleur, Herbe ne Racine,</div> <div>Dont je ne sache amplement la vertu.</div> <div>Puis, de sçavoir j’ay l’Esprit revestu :</div> <div>Non de sçavoir d’humaine invention,</div> <div>Qui sent son Scribe, et sa tradition,</div> <div>Comme jadis durant mon ignorance,</div> <div>Ains de sçavoir qui vient en asseurance</div> <div>D’hommes bien nez : sçavoir Evangelique,</div> <div>Prophetisé en la Loy Mosaïque.</div> <div>C’est le sçavoir (mes Sœurs) duquel munies</div> <div>Vous parviendrez aux joyes infinies ;</div> <div>C’est le sçavoir du Filz de Dieu unique,</div> <div>Vray ennemy d’un Gentil ou Ethnique ;</div> <div>Sçavoir divin qu’il vous fault embrasser,</div> <div>Et le sçavoir terrestre delaisser.</div> <div>Parquoy vous pry par amour Fraternelle</div> <div>De le louer de louange eternelle,</div> <div>Et ce pendant si sur le Luc, ou Harpe,</div> <div>Une chanson lascive vous eschappe,</div> <div>Obliez la ; puis le Luc entonnez,</div> <div>D’autre chanson, pour nous rendre estonnez :</div> <div>C’est à sçavoir de chanson plus estrange,</div> <div>Ou de Dieu soit comprise la louange,</div> <div>De ses haulz faictz vostre langue empeschée</div> <div>De sa bonté l’excellence preschée.</div> <div>Pour, s’il y ha quelque Berger terrestre,</div> <div>Que vray Pasteur vous puissiez recongnoistre,</div> <div>Comme aymant Dieu, et sa parolle Saincte,</div> <div>Dedans voz cueurs ne soit sa grace estaincte.</div> <div>En sa louange annoncez un Cantique,</div> <div>Faictes de luy une œuvre Bucolique :</div> <div>Car c’est raison (s’il ha quelque valeur)</div> <div>Qu’il soit depainct de sa vive couleur".</div> <div style="padding-left: 40px;">Ainsi disoit Phebus prudent et sage.</div> <div>Gracieux fut aux Muses son langage,</div> <div>Tant pour l’amour que chascune luy porte,</div> <div>Que par la voix Saincte qui les transporte</div> <div>A obeyr. Lors, chascune s’advance</div> <div>A tous ses dictz porter obeyssance,</div> <div>Aux livres Sainctz chascune se retire,</div> <div>Voyant raison qui à cela l’inspire ;</div> <div>Puis d’instruments doulx et melodieux,</div> <div>Ont faict aller le son jusques aux Cieulx,</div> <div>Non de chanson prophane accoustumée,</div> <div>Mais de chanson divine, et exprimée</div> <div>Es livres Sainctz, où Clio d’un grand sens</div> <div>L’avoit choysie entre propos cinq cens.</div> <div>Ceste chanson agreable fut tant</div> <div>A Apollo, qu’il est rendu content.</div> <div>Lors Erato de son lieu s’esbranla,</div> <div>Et à Phebus, et Sœurs ainsi parla :</div> <div style="padding-left: 40px;">"Puis qu’en ce lieu nous sommes descendues,</div> <div>Pour en conseil toutes estre entendues,</div> <div>Par Apollo nostre frere sçavant,</div> <div>Qui en ha mys le moyen si avant,</div> <div>Il est besoing entre nous adviser,</div> <div>Celuy Pasteur digne d’auctoriser</div> <div>Sur tous Bergers, si que pour ses merites,</div> <div>Il ait honneur de toutes les Charites.</div> <div>Quant est de moy, celuy que j’auctorise</div> <div>Est digne assez que chascune le prise :</div> <div>Car de tout temps, voire dès son enfance,</div> <div>Il n’a commis vers nous faulte, ou offense,</div> <div>Ains florissant en doctrine et sçavoir,</div> <div>Sa grand bonté nous ha faict à sçavoir.</div> <div>Si vous voulez sçavoir quel est son nom,</div> <div>C’est <persName>le Berger Henry de hault renom,</persName></div> <div><persName>Le plus parfaict de la France honnorée</persName>,</div> <div>Où Pallas est à Venus preferée.</div> <div>Helas, mes Sœurs, si vostre jugement</div> <div>Prent sa louenge à son commencement,</div> <div>Vous trouverez que sa noble origine,</div> <div>Le faict florir jusques à la racine.</div> <div>Et en laissant l’evidente noblesse,</div> <div>Qui sent sa grace et haulte gentilesse,</div> <div>Depuis le temps de sa jeunesse tendre,</div> <div>Il ha voulu tant de lettres comprendre,</div> <div>Que je ne sçay qui puisse mettre obstacle,</div> <div>Que ce ne soit en ce Monde un miracle.</div> <div>En ce sçavoir qui tant le faict florir,</div> <div>Il ha troupeaux assez pour secourir</div> <div>Les indigents, qui se viennent renger</div> <div>A <persName>ce tant noble et illustre Berger</persName>.</div> <div>O quel plaisir d’avoir l’experience</div> <div>D’un tel Pasteur ! qui donne l’asseurance</div> <div>De son sçavoir ; qui scait en la saison</div> <div>Fumer les champs et donner guerison</div> <div>A ses troupeaux de galle ou tac couverts,</div> <div>Ou quand Berbis ont le col de travers,</div> <div>O quel soulas de le veoir deplanter</div> <div>Arbres pourris, et Arbrisseaux planter,</div> <div>Les arrosant non d’une eau corrompue</div> <div>Mais claire, estant de vive Foy repeue !</div> <div style="padding-left: 40px;">Depuis que j’eus de <persName>ce Berger notice</persName>,</div> <div>De son sçavoir, et de son exercice</div> <div>En Bergerie accomply, et si grand</div> <div>Qu’il est tout autre en honneur denigrant,</div> <div>Dedans mon cueur j’avoys ceste pensée,</div> <div>Que quelque jour seroit recompensée</div> <div>Sa vertu haulte, et qu’en telle bonté</div> <div>Par luy seroit <persName>l’Aigle noir</persName> surmonté.</div> <div>Je congnoissois à sa lineature,</div> <div>Qu’il estoit plein de divine nature :</div> <div>Car le voyant des lettres amoureux,</div> <div>D’entretenir Charité curieux,</div> <div>J’appercevoys (le tout bien limité)</div> <div>Qu’il estoit plein de magnanimité,</div> <div>Dont plusieurs foys ceste grace congneue,</div> <div>A <persName>ce Berger de Valloys</persName> advenue,</div> <div>J’ay employé mon art et mes espritz</div> <div>Faire une Eglogue où il seroit compris,</div> <div>Pour le depaindre au vif de ses couleurs.</div> <div style="padding-left: 40px;">Petis Bergers qui sentez des douleurs</div> <div>Par povreté, ou qui avez souffrance</div> <div>Par vostre Esprit qui vit en ignorance,</div> <div>Cessez ce deuil, reprenez bon courage,</div> <div>A l’entretien du rural labourage :</div> <div>Car ce Berger oyant vostre malheur,</div> <div>Imposera la fin à la douleur.</div> <div>Du laict recent voz corps sustentera,</div> <div>Et voz Espritz si bien confortera</div> <div>De sa doulceur, qu’il fauldra que s’appaise</div> <div>Vostre douleur, sans plus sentir malaise.</div> <div>Arriere ceulx qui sentent leur Levain</div> <div>D’iniquité, prenant la lettre en vain !</div> <div>Car de ceux là, celluy que je vous compte</div> <div>Ne prent pitié, et jamais ne tient compte :</div> <div>Car tout ainsi qu’il ayme Verité,</div> <div>Semblablement il est d’obscurité</div> <div>Vray ennemy, et de l’Hypocrisie</div> <div>Entremeslée au scisme d’Heresie.</div> <div>Mais (au contraire) aux annonciateurs</div> <div>De verité, et de Dieu amateurs</div> <div>Il est bening, tranquile, et cordial,</div> <div>Les secourant d’un cueur noble et Royal.</div> <div style="padding-left: 40px;">O qu’il plaisoit à <persName>la chaste Pallas</persName>,</div> <div>Lors qu’en ce lieu prenant joye et soulas</div> <div>Elle apperceut ce Berger à la chasse !</div> <div>Entre plusieurs icelle le pourchasse,</div> <div>Et pour courir un peu plus dextrement</div> <div>Elle laissa ses armes promptement :</div> <div>Car elle estoit de son amour astraincte,</div> <div>Dont elle fut d’ainsi courir contraincte.</div> <div>Mais n’entendez (mes Sœurs) en cest endroict,</div> <div>Que ceste amour fust salle et contre droict :</div> <div>Ce n’estoit pas une amour de Venus,</div> <div>Dont amants sont enragez devenus ;</div> <div>Ce n’estoit pas un feu de Cupido,</div> <div>Qui feit brusler Aenas, et Dido,</div> <div>Car en nul temps <persName>la prudente Minerve</persName></div> <div>Villaine amour en son cueur ne reserve ;</div> <div>Mais ceste amour qui la contrainct poursuyvre</div> <div>Ce beau Berger, c’estoit pour tousjours vivre</div> <div>Avecques luy en doulce privaulté,</div> <div>Et de sçavoir juste communaulté,</div> <div>En luy disant qu’elle vouloit apprendre</div> <div>De luy, combien qu’on peult assez entendre,</div> <div>Que de sçavoir elle est maistresse et Dame,</div> <div>Le proposant aymer de corps, et d’Ame.</div> <div>Cela je veis estant soubz un Cyprès,</div> <div>Et que <persName>Pallas</persName> le poursuyvoit de près.</div> <div><persName>Henry</persName> adonc noble Berger s’encline,</div> <div>De saluer <persName>la Dame de doctrine</persName>.</div> <div>Et de ce temps il ha tousjours aymée</div> <div><persName>Dame Pallas</persName>, et au cueur imprimée,</div> <div>Mesmes tous ceulx qui par loyal office,</div> <div>Sont de <persName>Pallas</persName> bataillans soubs la lice.</div> <div>Jugez par là si aucune est ma faulte</div> <div>De le louer de louange si haulte.</div> <div>Jugez par là si sa sublimité,</div> <div>Sur tous Pasteurs le bruit n’a merité.</div> <div>Et si je suis digne d’estre reprise,</div> <div>Blasmez adonc toute mon entreprise".</div> <div style="padding-left: 40px;">Quand Erato eut la fin imposée</div> <div>A sa harangue en raison disposée,</div> <div>Ainsi respond des Muses le surplus,</div> <div>"Vous dictes vray ma sœur, n’en parlez plus".</div> <div>Et à ce mot Clio, sœur de ce nombre,</div> <div>S’en va cueillir un chappelet en l’umbre.</div> <div>De mille fleurs ha faict ce chappelet,</div> <div>Pris et cueilly en un lieu verdelet.</div> <div>"Voicy" (dist elle) "un chappeau d’excellence,</div> <div>Pour <persName>ce Berger plein de haulte science</persName> :</div> <div>C’est le Chappeau à jamais florissant,</div> <div>Pour couronner son chef resplendissant :</div> <div>Chappeau de fleurs qui ont ceste vigueur,</div> <div>Que de l’hyver ne craignent la rigueur.</div> <div>De ce chappeau couronné il sera,</div> <div>Quand mort commune à tous le rengera</div> <div>Aux champs heureux Elysiens, qu’on dict,</div> <div>Où il aura un immortel credit</div> <div>De Juppiter qui mesure ses faictz,</div> <div>Qui sont en tout accomplis et parfaicts".</div> <div>Oyant Clio, la sage Melpomene</div> <div>Un bruit serain dessus son doulx Luc mene,</div> <div>D’une chanson nouvellement apprise,</div> <div>Où de <persName>Henry</persName> la grace estoit comprise.</div> <div>Terpsichoré voyant telle faveur</div> <div>Vers ce Berger, y trouva grand saveur,</div> <div>Dont elle prent sa Fluste sonoreuse</div> <div>Et accorda chanson si amoureuse,</div> <div>Que Phebus mesme oyant un si doulx son,</div> <div>Estoit contraint danser à sa chanson.</div> <div>Lors Thalia d’un instrument à corde,</div> <div>Avec Phebus une chanson accorde,</div> <div>Où du <persName>Berger, que tant digne je tien</persName>,</div> <div>Estoyt compris plus que royal maintien.</div> <div>Pas moins n’en fit la belle Urania</div> <div>Qui, appellant sa sœur Polymnia,</div> <div>Donna envie à la sage Euterpé</div> <div>D’y appeler aussi Calliopé.</div> <div>Ces quatre là chantoient toutes ensemble</div> <div>Divinement, dont advis il me semble,</div> <div>Depuis que Pan regnoit en Archadie,</div> <div>Qu’il ne fust onc si grande melodie.</div> <div>En ces accords grands et melodieux</div> <div>Je pris long temps plaisir soulacieux,</div> <div>Jusques à tant que Phebus s’esbranla,</div> <div>Et après luy la bende s’en alla.</div> <div style="padding-left: 40px;">Petis Pasteurs qui avez eu souffrance,</div> <div>Suyvans le train du <persName>grand Berger de France</persName>,</div> <div>Retirez vous au <persName>Berger de Valoys</persName>,</div> <div>Qui est moyen que j’extolle ma voix.</div> <div>Et ce pendant ne trouvez point estrange</div> <div>Si ma plume ha mys icy sa louange.</div> <div><trailer>Fin de l’œuvre bucolique.</trailer></div> Claire Sicard 13438 1