ScriptaManent 2026-06-09T09:06:38+02:00 1 47850 Transcription https://heurist.huma-num.fr/heurist/?recID=47850&db=ScriptaManent 2024-12-07 20:15:43 2024-12-07 20:47:39 public Veu que par mort fault que chacun termine Autre epistre de la mort de <persName>mon dit sieur le Daulphin</persName> Exemplaire non numérisé de : <em>Copie de l'arrest du Grant Conseil donné à l'encontre du Miserable et Meschant Empoisonneur de Monseigneur Le Daulphin</em>, Paris, Mallard, 1536 (Paris, Arsenal). 19727 <div>Veu que par mort fault que chacun termine</div> <div>Et qu’il convient que noz corps terre mine,</div> <div>Non noz corps seulz, mais des princes et Roys,</div> <div>Ne tombons point en mechans desarroys</div> <div>Voulans causer ung mescontentement,</div> <div>Mescontenter ne sert aucunement</div> <div>Celluy qui a son malheur advisé.</div> <div>J’ay tous ces motz pour raison devisé</div> <div>Car si la mort eust voulu s’atarger</div> <div>Et ne livrer au <persName>Daulphin</persName> tel danger,</div> <div>Oy pour escutz plus de cent million</div> <div>Il eust esté des princes l’union</div> <div>Le concordat, et la tranquilité.</div> <div>Mais de ce bien chacun est debouté</div> <div>Car Atropos plain de mal vueillance</div> <div>Ayant submis de Cloto l’aliance</div> <div>Par Lachesis ce faict determina.</div> <div>Las ! quel semblant, quel sens, quelle mine a ?</div> <div>S’il qui le feit tumber en son lyen,</div> <div>Certe ce feust <persName>ung vil Italien</persName></div> <div><persName>D’ung vil vouloir et mechante nature</persName></div> <div>Qui a deffaict de Mars la pourtraicture</div> <div>En belliqueux affaires adonné.</div> <div>Helas ! ce faict ne feust onque ordonné</div> <div>Que par mechans ayans sur luy envye</div> <div>Aymans sa mort et trop craignans sa vie.</div> <div>A <persName>malheureux qui te dis empereur</persName> !</div> <div>Fais toy nommer du monde l’Empireur,</div> <div>Neronissime doibtz tu estre nommé,</div> <div>Non de chacun Auguste surnommé,</div> <div>Toy qui confeutz traison estre faicte</div> <div>Las, par ton faict la personne est deffaicte</div> <div>Qui oncque ne feit desplaisir à vivant.</div> <div>Tu puys bien dire qu’il est ung dieu vivant</div> <div>Devant lequel son sang crira vengeance.</div> <div>Est il possible que tu ayiez esperance</div> <div>En consentant la mort d’ung innocent ?</div> <div>Mesme donner des escutz plus de cent</div> <div>Et ton meschant <persName>Deleves</persName> contrefaict</div> <div>Qui oncq’ ne fut à l’ymage dieu faict</div> <div>De ses deniers les promist il payer,</div> <div>Maistre et vallet en auront leur loyer.</div> <div>Et les vices et autres faictz que fais</div> <div>Suppellatifz à tous autres meffaictz,</div> <div>Criront ilz point au createur vengeance ?</div> <div>Ha, qui aura en toy ferme fiance,</div> <div>Quant belles sœurs entretiens villement ?</div> <div>(Ou commun bruit de toute ville ment ?)</div> <div>Ce faict est il pas par trop vil et ort ?</div> <div>Respondz icy, <persName>sardanapallior</persName></div> <div><persName>Qui usurpe le nom de catholique</persName> !</div> <div>Nommer te doibz trop plustost hereticque,</div> <div>En la sequelle d'Erode vicieux,</div> <div>Car de tel crime envers dieu vice yeux,</div> <div>Sauf que ne feis sainct Jehan descapiter</div> <div>Mais tu as faict pour dieu precipiter,</div> <div>Se eusse peu autre cas ort et ville,</div> <div>Quant tu pillas du sainct siege la ville,</div> <div>Aussi sainct Jehan jamais ne te reprit.</div> <div>Or dis moy donc, si veoys mon escrit,</div> <div>Moy qui suys dit seullement <persName>Adrian</persName>,</div> <div>Et que tumbasse à ton las ou lien,</div> <div>Me donroys tu argent ou grant pecune ?</div> <div>En ce faisant, n'auroys macule aucunne,</div> <div>Ou si ferois d'Herode le semblable ?</div> <div>Je crois qu'en riens ne seroys variable</div> <div>Et qu'en suivroys par ta lubricité</div> <div>Car pour le moins seroys descapité,</div> <div>Et le feroys plustost toy mesme expres.</div> <div>Mais je ne suis à une teste près,</div> <div>Pour si petit ne tiendroye point compte,</div> <div>De ton salaire la fin fera le compte.</div> Claire Sicard 19759 1