ScriptaManent 2026-10-10T16:58:40+02:00 1 47849 Transcription https://heurist.huma-num.fr/heurist/?recID=47849&db=ScriptaManent 2024-12-07 19:34:12 2024-12-09 12:56:11 public Puys que je veoys l’emprise descouverte Epistre envoyée audit <persName>Hanon</persName> A Beauvoys Exemplaire non numérisé de : <em>Copie de l'arrest du Grant Conseil donné à l'encontre du Miserable et Meschant Empoisonneur de Monseigneur Le Daulphin</em>, Paris, Mallard, 1536 (Paris, Arsenal). 19727 <div>Puys que je veoys l’emprise descouverte</div> <div>Et à chascun tresamplement aperte,</div> <div>Je veulx escrire à mon tour, <persName>cher Hanon</persName></div> <div>Quoy, des mensonges ? ou des fables ? ha non !</div> <div>Ce ne sont pas icy lettres patentes</div> <div>Qu’on va criant par chemins et par sentes</div> <div>Qu’onque <persName>le Roy</persName> ny grand maistre n’escrit :</div> <div>Mais ung lourdault qui n’a sçavoir n’esprit.</div> <div>Changeons propos, et toy prens grand horreur</div> <div>Car il est vray que <persName>ce vil empereur</persName></div> <div>A faict mourir <persName>ce noble sang françoys</persName></div> <div>Las quel françoys ? de tous humains le choys</div> <div>Lys en doulceur, liepard en courage</div> <div>Tresliberal, bien formé de corpsaige</div> <div>Prompt à faillir, à luiter ou combattre</div> <div>Prest en tout temps, à grand travail s’ebatre</div> <div>Puys à la foys se metoit à forger</div> <div>Forger ? helas, je ne vueil mensonger !</div> <div>Car <persName>Deleves</persName> en sa vie conspira</div> <div>Haine mortelle qui la France empira</div> <div>Quant il ouyt ses vertueux esbas</div> <div>Disant que noises, et merveilleux debatz</div> <div>Tel forgeron leur pourroit bien forger</div> <div>Dont de son camp feit soudain desloger</div> <div>Le mortifier, que puys mort a feru</div> <div>- Comment feru, a il mort par fer eu ?</div> <div>- Non pour certain, mais par trop legiers maulx</div> <div>Car seullement fut tiré à chevaulx</div> <div>Qui n’est tourment, ny sallaire condigne</div> <div>A mectre affin, ung tel puant indigne</div> <div>Mais <persName>ce meschant</persName> devant petit de temps</div> <div>Mit tout son sens, estude et passetemps</div> <div>A mectre à mort la race des Troyens,</div> <div>Je parle à tous, chrestiens et payens,</div> <div>Car pour ce temps commençoit aux Françoys</div> <div>S’il eust duré, certainement je croys</div> <div>Que sa poison fust aultrement allée</div> <div>Et droit au lieu où <persName>l’aigle</persName> sa vollée</div> <div>Eust voulu prendre pour mectre tous Roys bas.</div> <div>Il est beaucoup de plus plaisans esbas</div> <div>Que de mourir avant qu’estre escrié ;</div> <div>Tu veoirras bien <persName>cest aigle descrié</persName></div> <div>Quand ses vices seront en evidence.</div> <div>Qu’esse de luy ? traison ou prudence ?</div> <div><persName>Ha non</persName>, pour dieu escriptz en quelque traict</div> <div>Il feit mourir <persName>le sieur de L’Autrait</persName>,</div> <div><persName>Le pape</persName> aprez, sans d’autres ung million.</div> <div><persName>Marot</persName>, escript à <persName>ton amy Lyon</persName></div> <div>Sy Gerion est mort ou suscité</div> <div>Et <persName>l’ennemy</persName> que <persName>l’aigle</persName> a suscité</div> <div>Pour consommer du <persName>bon Daulphin</persName> la vie.</div> <div>Est ce vengeance, avarice, ou envye ?</div> <div>Fais de ce faict vers nous souffler ta muse</div> <div>Sans t’amuser aux choses dont tu use.</div> <div>Et toy, <persName>Sagon</persName>, qui feis ton <bibl>coup d’essay</bibl></div> <div>Escrit par vers en brief ce que tu sçay</div> <div>De ceste mort, tant plainte et lamentée.</div> <div>Et si Cesar, Scipion, ou Pompée</div> <div>Firent leurs guerres par telle traison,</div> <div>Et si Jason conquit point la toison</div> <div>Par telz moyens que l’on nous veult surprendre,</div> <div>Escrit aussy tous les faictz d’Alexandre.</div> <div>Brief, de tout prince qui regna triumphant</div> <div>Jamais nul d’eux ne feit mourir enfant</div> <div>Mais si <persName>cest aigle</persName> vouloit suivre Jason</div> <div>Luy metant sus, qu’il usa de poison</div> <div>Ou de drogues dictes artificielles,</div> <div>Escriptz au long assçavoir mon si elles</div> <div>Furent gettées sur aucuns corps humains</div> <div>Ou si tels faictz semblent pas inhumains.</div> <div>Juge au certain selon la vérité,</div> <div>Si ne le fais comme tout despité</div> <div>Je concluray, que ne fais que ploier</div> <div>A tout bon oeuvre se faict bon employer.</div> Claire Sicard 19742 1