ScriptaManent 2026-10-10T11:10:26+02:00 1 47840 Transcription https://heurist.huma-num.fr/heurist/?recID=47840&db=ScriptaManent 2024-12-07 16:45:28 2024-12-07 17:20:01 public Si nous mettons jour et nuict nostre peine A <persName>noble et puissant Seigneur, Monsieur Antoine de Muillon, Baron de Bressieux</persName>, frere du susdict <persName>Seigneur de S. Pierre</persName> https://gallica.bnf.fr/ark:/12148/bpt6k708687/f173 869 <div style="padding-left: 40px;">Si nous mettons jour et nuict nostre peine,</div> <div>Pour acquerir la richesse incertaine,</div> <div>(<persName>Noble puissant et vertueux Seigneur</persName>)</div> <div>Si nous mettons pareillement le cueur,</div> <div>A pervenir aux honneurs de ce Monde,</div> <div>Et estimons celuy là qui s’y fonde,</div> <div>A son endroit le faire honnestement :</div> <div>Il m’est advis, qu’on doibt premierement,</div> <div>Mettre son cueur, et une peine telle,</div> <div>Pour acquerir une chose immortelle.</div> <div>Pour acquerir un bien, de si hault pris,</div> <div>Que tresheureux est, qui l’aura compris.</div> <div style="padding-left: 40px;">Ce bien (<persName>Monsieur</persName>) n’est sinon Amytié,</div> <div>Qui entretient le Monde de moitié,</div> <div>Quoy de moitié ? mais (ainsi qu’ont escrit</div> <div>Tous bons Autheurs, de sçavoir, et d’esprit)</div> <div>Bien, sans lequel du Monde la machine,</div> <div>Seroit bien tost renversée en ruine.</div> <div>Car sans Amour, il n’est possible veoir,</div> <div>Chose qui soit, venir à son debvoir.</div> <div style="padding-left: 40px;">Sans Amytié, nobles chasteaulx, et villes,</div> <div>Tantost seroyent desertes, et trop viles,</div> <div>Sans Amytié, il n’est Duc, Roy, ou Prince,</div> <div>Qui deuément regentast sa Province.</div> <div>Sans Amytié, auroit disjunction,</div> <div>Où nous veoyons grande conjunction.</div> <div>Sans Amytié (pour brefvement finir)</div> <div>Verrions tantost le Monde definir.</div> <div style="padding-left: 40px;">Cecy je dy (<persName>Baron tresvertueux</persName>)</div> <div>Car m’est advis estre un heur merveilleux,</div> <div>En quelque Bien ou estat, qu’on soit mis,</div> <div>Avoir pour soy de vrays et bons Amys.</div> <div>Car c’est un faix duquel plus on se charge,</div> <div>Moins l'on en sent ennuy, et griefve charge,</div> <div>Et par ce poinct, j’ay esté enhardy,</div> <div>Vous presenter mon escript estourdy.</div> <div>Escript rustic, estant trop imperfaict.</div> <div>Pour un Seigneur comme vous, tant perfaict.</div> <div>Mais toutefoy produit d’affection,</div> <div>Qui peut couvrir son imperfection.</div> <div>D’affection, laquelle n’est point saincte,</div> <div>D’affection, chassante toute craincte,</div> <div>D’affection, qui a pied arresté,</div> <div>Sur le pillier de vostre honnesteté.</div> <div style="padding-left: 40px;">Treshumblement par elle vous requiers</div> <div>De vostre Amour un don, plus grand du tiers,</div> <div>Voire du tout, que ne puis meriter :</div> <div>Non pas (<persName>Monsieur</persName>) que je vueille heriter,</div> <div>A vostre amour, en une equalité,</div> <div>Car trop y a grande inequalité.</div> <div>Je ne veulx point à vous pareil me dire,</div> <div>De vous à moy, trop y a que redire.</div> <div>Vous le pourrez toutefoy octroyer,</div> <div>Sans, par ce don, de l’honneur desvoyer,</div> <div>Vostre Amytié je vous requiers, mais non</div> <div>De pair à pair, ou esgal compaignon,</div> <div>Ains Amytié telle, que veoyons estre,</div> <div>Entre un Valet et son Seigneur, et Maistre.</div> <div style="padding-left: 40px;">Je vous pry donc, des vostres m’estimer,</div> <div>Et tout ainsi qu’un des vostres, m’aymer,</div> <div>En me faisant ce bien, et cest honneur,</div> <div>(Veu que vous tiens si liberal donneur)</div> <div>De me tenir de ceulx qui sont servants,</div> <div>D’estre à jamais de vos humbles Servants.</div> Claire Sicard 10087 1