ScriptaManent 2026-07-15T23:05:32+02:00 1 47837 Transcription https://heurist.huma-num.fr/heurist/?recID=47837&db=ScriptaManent 2024-12-07 16:44:45 2024-12-12 13:10:45 public Que direz vous quand vous viendrez à lire A <persName>son Seigneur et Pere Medicin et conseiller ordinaire du <persName>Roy</persName></persName>. Il luy rend raison de sa <bibl>Poesie Francoise</bibl>, le consolant de ses adversités https://gallica.bnf.fr/ark:/12148/bpt6k708687/f151 869 <div style="padding-left: 40px;">Que direz vous quand vous viendrez à lire</div> <div>L’œuvre Francois de celuy, qui escrire,</div> <div>Selon raison, et vostre jugement,</div> <div>Pour s’acquitter, debvoit tout aultrement ?</div> <div>(Ò <persName>Monseigneur, et treshonnoré Pere</persName>)</div> <div>Que direz-vous ? que l’on m’en vitupere ?</div> <div>Vituperer m’en pourra qui vouldra,</div> <div>Mais en celà vituperant, fauldra,</div> <div>Si ce n’est point un œuvre tant insigne,</div> <div>Qu’il soit de vous, et des Doctes Gents digne :</div> <div>Je n’en fays pas aussi profession,</div> <div>Velà où est mon excusation.</div> <div style="padding-left: 40px;">J’espere en bref de donner à cognoistre,</div> <div>Que mon Esprit, veult plus haultement croistre.</div> <div>Que mon Espriit, tant sterile n’est point,</div> <div>Qu’il n’ayt pouvoir traicter plus ardu poinct.</div> <div>Si demandes, pourquoy doncques ma Muse,</div> <div>(Veu que puis plus) à ces Fatras m’amuse,</div> <div>Et que soubdain je ne mets en avant,</div> <div>Œuvre sentant homme qui soit sçavant :</div> <div>Homme sçavant estre dire ne m’ose,</div> <div>Mais mon Esprit sur les lettres repose,</div> <div>Sa vie est là, là est tout son soulas,</div> <div>D’y travailler ne sera jamais las.</div> <div>Et travaillant le jour et nuict, il traicte</div> <div>Invention des Sciences extraicte.</div> <div>Avec le temps (sans de rien se jacter)</div> <div>On verra bien celà qu’il scait traicter.</div> <div style="padding-left: 40px;">Est il aulcun de labeur tant prodigue,</div> <div>Qui travaillant, n’ayt aulcune fatigue ?</div> <div>Est il aulcun, qui puisse incessamment,</div> <div>Le jour et nuict avoir empeschement,</div> <div>Sans quelque foy recreation prendre ?</div> <div>Impossible est qu’on me donne à entendre,</div> <div>Qu’un Arc, s’il n’est quelque foy destendu,</div> <div>Guarde sa force estant tousjours tendu .</div> <div>Doncques où est l’homme si tresterrible,</div> <div>Lequel estime un cas reprehensible,</div> <div>Apres avoir travaillé bien long temps,</div> <div>De prendre esbat, et joyeux passetemps ?</div> <div style="padding-left: 40px;">Quant est de moy, où les aultres s’addonnent</div> <div>À voluptés, et du bon temps se donnent,</div> <div>À jeux, à rys, à gaudir et dancer :</div> <div>Si je me veulx aultrement advancer,</div> <div>Pour mon esbat, composer quelque rythme,</div> <div>Le me peut on en rien tourner à crime ?</div> <div>Veu mesmement, que cest Oysifveté,</div> <div>Est pour fuir toute Lasciveté.</div> <div style="padding-left: 40px;">Et oultre plus, qu’est ce qui me soublieve,</div> <div>L’adversité, que je porte si griefve,</div> <div>Allant ainsi par pays tant divers :</div> <div>Que le plaisir que me donnent mes Vers ?</div> <div>Si le dur Sort au penser me desole,</div> <div>Soubdainement ma Muse me console,</div> <div>A mon Esprit donnant tant de plaisir,</div> <div>Qu’elle met hors soubdain tout desplaisir.</div> <div style="padding-left: 40px;">En escrivant mes Fortunes si amples,</div> <div>Et m’admenant tant de divers exemples</div> <div>Des escripts saincts, et prophanes aussi,</div> <div>D’aultres plusieurs qui ont souffert ainsi :</div> <div>Et en souffrant en grande pacience,</div> <div>Ont surmonté par nette conscience :</div> <div>En escripvant (dy je) le cas pareil,</div> <div>Qu’un chascun peut assés juger par œil :</div> <div>Ou en mes maulx j’avois ardent couraige,</div> <div>Par mes escripts il me croist davantaige :</div> <div>Tant que suis prest, non seulement souffrir</div> <div>Le mal present, mais à d’aultres m’offrir.</div> <div style="padding-left: 40px;">Velà (<persName>Monsieur</persName>) le proffit de ma plume,</div> <div>Lequel à tous n’advient pas de coustume,</div> <div>Et d’aultant donc qu’il advient rarement,</div> <div>Tant plus aussi je le tiens cherement.</div> <div>Cecy vous doibt à jouissance induire,</div> <div>Veoyant en moy, un malheur, heur produire,</div> <div>Veoyant en moy, par un mesme moyen,</div> <div>D’un triste mal, yssir un joyeux bien.</div> <div style="padding-left: 40px;">Est il donc Sort, qui ayt ceste puissance,</div> <div>De vous tollir vostre resjouissance ?</div> <div>Et un tel dueil au cueur enraciner,</div> <div>Que ne puissiés de vous mediciner ?</div> <div>Si vous veoyez aultruy en tel affaire,</div> <div>Vous luy direz assez, ce qu’il doibt faire,</div> <div>Car je suis seur, que tant a de pouvoir</div> <div>Conjoincte en vous Grace, avec grand Sçavoir :</div> <div>Que ne peut estre aupres de vous personne,</div> <div>Malade ou sain, qui d’aulcun cas s’estonne.</div> <div style="padding-left: 40px;">Si à aultruy sçavez prester la Main,</div> <div>Quoy ? serez vous contre vous inhumain ?</div> <div>Inhumain (dy je) en vivant en tristesse,</div> <div>Qui vostre corps consume de detresse :</div> <div>Et où pourriez plus longuement durer,</div> <div>Vos tristes ans (sans propos) maturer.</div> <div>L’affliction ne domine tout oultre,</div> <div>Il n’y a rien qui bien ne se racoustre :</div> <div>Car je vous fays moymesme le rapport,</div> <div>Que nostre Nef est venue à bon Port.</div> <div style="padding-left: 40px;">Parquoy (<persName>Monsieur</persName>) en guardant vostre estime,</div> <div>Je vous supply monstrez vous magnanime,</div> <div>A supporter l’adversité, d’aultant,</div> <div>Qu’avez tousjours esté jugé constant,</div> <div>En tous vos faictz, ainsi qu’un homme saige,</div> <div>Qui en tous temps monstre mesme visaige.</div> <div style="padding-left: 40px;">Ce je n’escry d’une presumption,</div> <div>Pour vous cuidder faire admonition :</div> <div>Ayant besoing de vostre remonstrance.</div> <div>Vostre humble Filx plus tost je me monstre en ce,</div> <div>Me soubmettant au paternel debvoir :</div> <div>N’ayant aussi rien plus cher, que vous veoir</div> <div>Environné de vostre grand’ famille :</div> <div>Vivre en santé et joye, des ans mille,</div> <div>Avec le cours que mon Esprit conceoit,</div> <div>Je pry JESUS (<persName>Monseigneur</persName>) qu’ainsi soit.</div> Claire Sicard 10087 1