ScriptaManent 2026-06-09T08:58:07+02:00 1 47819 Transcription https://heurist.huma-num.fr/heurist/?recID=47819&db=ScriptaManent 2024-12-07 15:18:28 2024-12-07 15:24:49 public Au departir de Bourges (monseigneur) A <persName>Monsieur maistre J. Thiboust, Escuier, seigneur de Quantilly, Notaire et Secretaire du <persName>Roy</persName>, et son Esleu en Berry</persName>, <persName>F. Habert</persName> donne Salut https://gallica.bnf.fr/ark:/12148/bpt6k1061127/f5 605 <div style="padding-left: 40px;">Au departir de Bourges (<persName>monseigneur</persName>)</div> <div>Pris le chemin, dont tu fus l’enseigneur.</div> <div>Je feis sejour six heures seulement</div> <div>A Quantilly, en tel contentement,</div> <div>Que ma pensée un seul jour de ma vie</div> <div>De joye et d’heur ne fut onc tant ravie.</div> <div>A l’arriver j’apperceu que tes gents</div> <div>A mon recueil ne furent negligents :</div> <div>Car tout soubdain resjouys de ma veue</div> <div>Feirent que bien la table fut pourveue,</div> <div>Ce qui pourtant ne me plaisoit le mieux,</div> <div>Car je ne fus oncques fort curieux</div> <div>De grands banquets, dont l’excessive cure</div> <div>Aux bons esprits ignorance procure.</div> <div>Bien est il vray que le Vin de ce creu</div> <div>Eust donné vie à tout homme recreu,</div> <div>Car sans mentir il est plein de delices :</div> <div>Et m’est advis que je ne sors des lices</div> <div>De Verité, si le Vin qu’as leans</div> <div>J’ay preferé à celluy d’Orleans.</div> <div style="padding-left: 40px;">Doncques tes gents aises de ma venue</div> <div>Un peu avant la nuict intervenue</div> <div>De tes Jardins me feirent l’ouverture,</div> <div>Passants tous ceux d’ancienne escripture :</div> <div>Mesmes le lieu que les filles d’Atlas,</div> <div>Par un Dragon, qui oncques n’en fut las,</div> <div>Faisoient garder, et n’a mon oeil failly</div> <div>De preferer ce lieu de Quantilly</div> <div>Aux beaux jardins que Pomona la vierge</div> <div>Sceut cultiver, ausquelz seule concierge</div> <div>Elle habitoit, rendant les Dieux confus,</div> <div>En leur faisant de son amour refus.</div> <div>Possible n’est que les Fructiers je nombre</div> <div>De Quantilly, et que j’arreste un nombre,</div> <div>Des arbrisseaux, tant de ceux qui ont fruict,</div> <div>Que ceux, sur qui le Rossignol fait bruit,</div> <div>Qui Chesnes sont en grande compagnie,</div> <div>Qui feront honte à ceux de Caonie,</div> <div>Lors que tes hoirs en semence naive</div> <div>Croistront ainsi que les rameaux d’Olive.</div> <div>Ce que desja tes trois Nymphes de pris,</div> <div>(Qui ont le sens meur, sage, et bien apris)</div> <div>Peuvent monstrer, dont <persName>Jaqueline</persName> l’une</div> <div>Passant en tout la blancheur de la Lune,</div> <div>De <persName>son Guichard</persName> plus beau qu’il en puisse estre</div> <div>A fait en toy ton enfance renaistre.</div> <div>Les autres deux de naifve doulceur</div> <div><persName>Jehanne</persName>, et <persName>Marie</persName>, ainsi comme <persName>leur Seur</persName></div> <div>Te produiront plusieurs enfans et filles,</div> <div>Pour demonstrer qu’elles ne sont steriles :</div> <div>Et pour donner plaisir à tes vieux ans,</div> <div>De tout chagrin, et de tristesse exempts.</div> <div>Et bien souvent qu’à Quantilly seras</div> <div>Pres des trois Seurs tu te reposeras.</div> <div>Dont la premiere à la voix argentine</div> <div>Resonnera plus doulx qu’une buccine,</div> <div>Pour te donner plaisir et passetemps.</div> <div style="padding-left: 40px;">Voyant ce lieu, qui feit mes yeux contents,</div> <div>Il me souvint de ta magnificence,</div> <div>Que ne mettray jamais en oubliance :</div> <div>Et pour autant que je t’avoys fait veu</div> <div>De publier l’escript de <persName>ton nepveu</persName>,</div> <div>Je n’ay voulu l’exposer en lumiere</div> <div>Sans adjouster ceste epistre premiere,</div> <div>Tant pour monstrer l’honneur que je doy,</div> <div>Que pour autant que clairement je voy</div> <div>L’utilité et proffit de cest oeuvre,</div> <div>Où <persName>ton nepveu</persName> evidemment descueuvre</div> <div>L’heur des Pays de la Grece, et Citez,</div> <div>En quoy seront les Lecteurs incitez</div> <div>De confesser que c’est une grand chose,</div> <div>D’utilité, et grand proffit enclose.</div> <div>A tant je pry au supreme Recteur</div> <div>Que de sa grace il te soit donateur.</div> Claire Sicard 7317 1