ScriptaManent 2026-06-08T15:31:08+02:00 1 47818 Transcription https://heurist.huma-num.fr/heurist/?recID=47818&db=ScriptaManent 2024-12-07 14:55:07 2024-12-07 15:14:56 public France qui as de tes yeux abbaissez Au <persName>Roy</persName>. Congratulation sur le nouveau regne de <persName>Henry deuziesme de ce nom</persName> https://gallica.bnf.fr/ark:/12148/bpt6k8560205/f172 801 <div style="padding-left: 40px;">France qui as de tes yeux abbaissez</div> <div>Par cy davant tant de ruisseaux fait croistre,</div> <div>Cesse tes pleurs, tes malheurs sont cessez</div> <div>Par un grand heur qui te vient d’apparoistre,</div> <div>Mais en pleurant tu ne le peux congnoistre :</div> <div>Car ce qui a joyeux commencement,</div> <div>Et qui promet joyeux avancement,</div> <div>Ne se doit point qu’en joye appercevoir.</div> <div>Ton bien est tel, qu’un triste pensement</div> <div>Ne le pourroit juger ny concevoir.</div> <div style="padding-left: 40px;">Pren le loysir, à ton aise, de voir</div> <div><persName>Ton nouveau Roy, ton nouveau gouverneur</persName>,</div> <div>Auquel feras par un loyal devoir</div> <div>Premierement reverence et honneur ;</div> <div>Puis tu sauras partie de ton heur.</div> <div>Tu as un Roy de ton sang procedé,</div> <div>Et filz d’un <persName>Roy nagueres decedé</persName>,</div> <div>Après t’avoir gouvernee long temps ;</div> <div>Un filz qui est au pere succedé,</div> <div>Pour faire à coup tous ses subgetz contens.</div> <div style="padding-left: 40px;"><persName>Deux freres siens</persName> sont mors dès leur Printemps,</div> <div>Chacun desquelz bien povoit estre tien :</div> <div>Ce sont segretz divins ; mais tu entens</div> <div>Que sans raison les hautz Cieux ne font rien.</div> <div>Ilz les avoient envoyez pour ton bien,</div> <div><persName>Tous trois</persName> estans filz d'<persName>un Roy et d’un pere</persName>,</div> <div><persName>Tous trois</persName> ayans ce qu’il faut qu’on espere</div> <div>D’enfans Royaux. Si est ce, affin que d’eux</div> <div>La volonté immuable t’appere,</div> <div>L’un t’ont laissé, et t’ont osté les deux.</div> <div style="padding-left: 40px;">Ce n’est doncq’ point par un sort hazardeux,</div> <div>Que de <persName>Henry</persName> tu as eu jouissance,</div> <div>Le veuil celeste a esté l’entredeux</div> <div>Qui à Fortune a osté la puissance.</div> <div>Le jour fatal auquel il print naissance</div> <div>De Juppiter son nom heureux tenant,</div> <div>Qu’estoit Phebus en son Mouton regnant,</div> <div>Au nombre d’ans de vingt huit parfait,</div> <div>Un mesme nom, ordre et mois reprenant,</div> <div>Regner <persName>Henri</persName>, France renaistre a fait.</div> <div style="padding-left: 40px;">L’hyver finy, l’an qui neuf se refait,</div> <div>Le temps monstrant plus gracieux visage,</div> <div>Prez, blez, bourg’ons et oyseauz, en effet,</div> <div>Donnent par tout de joye le presage,</div> <div>Nous promettans encor’ meilleur usage</div> <div>A l’avenir, des trois autres saisons.</div> <div>O bel accord des occultes raisons</div> <div>A celles là, qu’evidence nous donne !</div> <div>Doncq’ à bon droit grand’ feste nous faisons,</div> <div>Puis que le Ciel et la Terre l’ordonne.</div> <div style="padding-left: 40px;">Il a atteint pour prendre une couronne</div> <div>L’age qui est à regner plus decent,</div> <div>Lors que le corps qui l’esprit environne</div> <div>Plus vigoreux et addestre se sent,</div> <div>Et s’au dehors le dedens se consent</div> <div>Par les communs et naturelz accors,</div> <div>Vertu d’esprit jointe à celle du corps</div> <div>Si fort requise à si hautain affaire,</div> <div>Fait qu’il saura, estant d’elle recors,</div> <div>Bien commander, et encore mieux faire.</div> <div style="padding-left: 40px;">Le Ciel, Nature et le Temps pour parfaire,</div> <div>De tous ses pointz nostre felicité,</div> <div>Y ont voulu à loisir satisfaire</div> <div>Nous le donnant sage et exercité,</div> <div>Par le moyen de la diversité</div> <div>D’evenemens qu’il a veuz loing et pres.</div> <div>Ainsi voit on que par les longs apprestz</div> <div>Les choses ont bonne et longue duree,</div> <div>Et les plaisirs qui tardent, font après</div> <div>Fuir plus loing la tristesse enduree.</div> <div style="padding-left: 40px;">O <persName>noble Roy</persName>, ta France bienheuree</div> <div>Dès maintenant entre tes bras se gette,</div> <div>Et si se tient certaine et asseuree</div> <div>Qu’estre ne peut à meilleur Roy sugette,</div> <div>Ne s’estimant de sa part si abgette,</div> <div>Qu’egalement priser tu ne la doyves ;</div> <div>Puis te requiert que d’elle tu conçoyves</div> <div>Opinion entiere en tous endroiz,</div> <div>Si ne faudra que d’autres tu reçoyves</div> <div>Pour soutenir ta puissance et tes droiz.</div> <div style="padding-left: 40px;">Les Roys premiers gouverneurs des François</div> <div>Les ont fait vivre, et en honneur florir ;</div> <div>Mais nous croyons que donné tu nous sois</div> <div>Pour nous garder de languir et mourir.</div> <div>Le temps pervers nous a fait encourir</div> <div>Tant de malheurs, affin que plus de fruit</div> <div>Il nous en viene, et à toy plus grand bruit,</div> <div>Et à Dieu plus de graces et de gloire,</div> <div>Lors que sera bien reglé et instruit</div> <div>Ce qu’avant toy on ne povoit pas croire.</div> <div style="padding-left: 40px;">Or Dieu te doint des ennemis victoire</div> <div>Par force moins que par dousse amitié,</div> <div>Bien plantureux par tout ton territoire,</div> <div>Aider vertu, reprimer mauvaitié,</div> <div>Entremeller justice avec pitié ;</div> <div>Puis si tu es contreint de faire guerre,</div> <div>Que le tout soit pour briëve paix acquerre,</div> <div>Tenir cent ans ton peuple sans souffrance,</div> <div>Estre seigneur seul de toute la terre,</div> <div>Dont tu es digne aussi bien que de France.</div> Claire Sicard 7143 1