ScriptaManent 2026-06-08T15:31:46+02:00 1 47815 Transcription https://heurist.huma-num.fr/heurist/?recID=47815&db=ScriptaManent 2024-12-07 14:22:12 2024-12-09 16:37:42 public Tous les escriz injurieux A un sien amy, Contre un médisant https://gallica.bnf.fr/ark:/12148/bpt6k8560205/f153 801 <div style="padding-left: 40px;">Tous les escriz injurieux</div> <div>Que t’a transmis un furieux</div> <div>Ne meritent response :</div> <div>Toutesfois seulement pour rire,</div> <div>Tu luy peux quelque chose escrire,</div> <div>Digne de sa semonce.</div> <div style="padding-left: 40px;">Souhaitte que le sens luy faille,</div> <div>Que son savoir rien ne luy vaille</div> <div>Ny en ditz ni en faitz :</div> <div>S’il s’entremet de quelque affaire,</div> <div>Jamais ne le puisse parfaire,</div> <div>Mais tombe soubz le fais.</div> <div style="padding-left: 40px;">En mille lieux son penser mette,</div> <div>Faveur, Amour, biens se promette</div> <div>A part en son courage :</div> <div>Puis tout soudain à soy reviene,</div> <div>Et si desesperé se tiene,</div> <div>Qu’il en creve de rage.</div> <div style="padding-left: 40px;">Qu’il se peigne en son cerveau creux</div> <div>Sage, riche, savant et preux</div> <div>Brave, et plein de vertu :</div> <div>Veuille fraper, mordre, tuer :</div> <div>Mais quand viendra aux coups ruer,</div> <div>Soit le premier batu.</div> <div style="padding-left: 40px;">Perde tout le bien qu’il possede,</div> <div>Rien qu’à rebours ne luy succede,</div> <div>Quoy qu’il puisse esperer :</div> <div>En ses amis point ne se fie,</div> <div>Tous ceux ausquelz il porte envie</div> <div>Il voye prosperer.</div> <div style="padding-left: 40px;">De tous empruntz qu’il pourra faire,</div> <div>Soit à tous coups pour satisfaire</div> <div>Ajourné ou cité :</div> <div>Si quelcun vient à luy devoir,</div> <div>Jamais n’en puisse rien avoir</div> <div>A sa necessité.</div> <div style="padding-left: 40px;">De proces jamais il ne sorte,</div> <div>Mais maugré luy en quelque sorte,</div> <div>De l’un en l’autre tombe :</div> <div>Et puis ayant bien attendu,</div> <div>Tout son temps et bien despendu,</div> <div>A la fin il succombe.</div> <div style="padding-left: 40px;">Qu’il ait quand il ira par voye,</div> <div>Tousjours la pluye, ou se forvoye,</div> <div>Courant toute la course,</div> <div>Sans que nul le chemin luy monstre :</div> <div>Et au soir le brigant rencontre,</div> <div>Qui luy oste la bourse.</div> <div style="padding-left: 40px;">Homme n’y ait qui le racueille,</div> <div>Ou quiconque loger le veuille,</div> <div>N’entende son langage :</div> <div>Le lendemain tout mal traitté,</div> <div>De son hoste soit arresté,</div> <div>S’il ne luy laisse gage.</div> <div style="padding-left: 40px;">Et puis apres longue saison,</div> <div>En entrant dedens sa maison,</div> <div>Y trouve le sergent :</div> <div>Petitz enfans mourans de fain,</div> <div>En la huche morseau de pain,</div> <div>Au coffre, point d’argent.</div> <div style="padding-left: 40px;">Femme qui luy cacquette et grongne,</div> <div>Valet larron, joueur, yvrongne,</div> <div>Mensonger et superbe :</div> <div>Foyer obscur et enfumé,</div> <div>Avec un pot mal escumé,</div> <div>Sans sel, saveur ny herbe.</div> <div style="padding-left: 40px;">Si alle coucher, mal à son aise</div> <div>Aupres d'une femme punaise,</div> <div>Que peu ou point ne dorme :</div> <div>De ses songes tous les plus beauz</div> <div>Soient tenebres, prisons, corbeauz,</div> <div>Et toute chose enorme.</div> <div style="padding-left: 40px;">S’il fait quelque aggreable songe,</div> <div>Qu’il se convertisse en mensonge,</div> <div>Et ce, bien brievement :</div> <div>Et s’il en fait d’espoventables,</div> <div>Qu’ilz se treuvent tous veritables</div> <div>Consecutivement.</div> <div style="padding-left: 40px;">En esté ne trouve point d’ombre,</div> <div>Les mousches luy facent encombre,</div> <div>De chaud et de soif meure :</div> <div>Puis quant l’hyver sera venu,</div> <div>A la gelée pauvre et nu</div> <div>En la Beausse demeure.</div> <div style="padding-left: 40px;">De jour, soit qu’il entre ou qu’il sorte,</div> <div>Se heurte la teste à la porte,</div> <div>Souz merci de barbier :</div> <div>La nuit il trouve pour embusche</div> <div>Une charrette ou une busche,</div> <div>Ou tombe en un bourbier.</div> <div style="padding-left: 40px;">S’il est à l’amour addonné,</div> <div>Des Dames il soit blasonné,</div> <div>Sans qu’il s’en apperçoive :</div> <div>D’une vieille de laideur pleine,</div> <div>Encor’ que ce soit à grand’ peine,</div> <div>Son passetemps reçoive.</div> <div style="padding-left: 40px;">Si pour jouer se met en bende,</div> <div>De son bien tant il y despende</div> <div>Qu’il n’en demeure plus :</div> <div>S’il a vint et un et demy,</div> <div>Aviene que son ennemy</div> <div>Rencontre un petit flus.</div> <div style="padding-left: 40px;">En pauvreté puisse vieillir,</div> <div>La fiëvre le viene accueuillir,</div> <div>Ne meure ne guerisse :</div> <div>Ne trouve point de meilleur lieu,</div> <div>Qu’un estable ou un Hostel dieu,</div> <div>Quand faudra qu’il perisse.</div> <div style="padding-left: 40px;">Ou pour un larcin ou forfait,</div> <div>Encores qu’il ne l’ait pas fait,</div> <div>En prison soit trainé :</div> <div>Là où ayant long temps vescu,</div> <div>A la fin il soit convaincu,</div> <div>Et au gibet mené.</div> <div style="padding-left: 40px;">Tout cela seras souhaittant</div> <div>A celuy là qui te hait tant,</div> <div>Et qui te fait la guerre :</div> <div>Ou si ton souhait trop le griëve,</div> <div>Meure de mort subite et brieve</div> <div>En eau, feu, air, ou terre.</div> Claire Sicard 7138 1