ScriptaManent 2026-06-08T20:12:41+02:00 1 47592 Transcription https://heurist.huma-num.fr/heurist/?recID=47592&db=ScriptaManent 2024-12-05 19:02:35 2024-12-06 17:58:15 public Lors que ma mere enceinte me portoit De l’Hermaphrodite https://books.google.fr/books?id=8kQ6AAAAcAAJ&amp;pg=PA68 795 <div>Lors que ma mere enceinte me portoit,</div> <div>Et dens ses flans doulcement me traictoit,</div> <div>L'on dict qu’aux Dieux alla conseil quester,</div> <div>Pour d’eulx sçavoir, qu'ell’ devoit enfanter.</div> <div>Phebus, parlant, luy ha un filz prefix ;</div> <div>Mars, fille dict ; Juno, fille ny filz.</div> <div>Et quand fuz nay, je fuz Hermaphrodite.</div> <div>Apres, voulant ma mort estre predite,</div> <div>Aux Dieux susdicts demande sans sejours,</div> <div>De quelle mort je finerois mes jours.</div> <div>Phebus respond : "Il mourra d’un cousteau",</div> <div>Mars dict pendu et Juno dedens l’eau.</div> <div>Voila comment chascun d’eulx m’infortune.</div> <div>Advenue est toute ceste fortune :</div> <div>Car pres de l’eau un tres bel arbre estoit,</div> <div>Qui ses rameaux par dessus l’eau jettoit,</div> <div>Dessus lequel monter je m’esvertue.</div> <div>Lors en tombant le mien cousteau me tue,</div> <div>Mais par les pieds une branche m’arreste,</div> <div>Et dedens l’eau bien avant chet ma teste.</div> <div>Ainsi de moy homme estant, femme et neutre,</div> <div>En eau’, de glaive et pendu fut le meurtre.</div> 1218 Alina Rogel 12133 1