Rinocerot, en Grec ainsi nommé,
Est un des grands Animaulx de la terre,
Pource qu'il a le nez de corne armé
Dur et trenchant, et l'aguise à la pierre
Quand il veult faire à l'Elephant la guerre :
Son ennemy par le ventre il assault
Fin contre fort, aussi meurt il s'il fault,
Car à plus fort que soy combat il mesle.
Le masle seul es pleins champs, du bois sault
Peu voit on hors la pudicque femelle.