La Salamandre est de venim remplie,
Lequel corrompt tout cela qu'il attainct.
Jamais ne vient que pour grand temps de pluye.
Semble un lezard petit : son corps est tainct
De poinctz divers, et feu ardent estainct.
Vivante au feu, la Salamandre marcque
Charité vive. Et pourtant en sa marcque
Jadis la print pour divise le feu
Grand roy Françoys, de France le Monarcque.
D'amour des siens, bon Prince porte feu.