A petit de frais s'entretient
Le Poete en sa douce veine,
Et rien d'avarice ne tient
Cil qui ha le nom de Fontaine.
Trente amis, trente blocs d'escus
Raclans de leur extr'ordinaire,
Feroient revivre leurs vertus
Ayans Poete debonnaire.
Cent escus ils ne plaindront pas
En menus plaisirs et delices,
Qui seront après leurs trespas
Cent braves tesmoins de leurs vices.
Voyant les gens tant aveuglez
Après le vice allans si vite,
Si despravez, si desraiglez,
Volontiers me rendrois Hermite.
Hante le François.