Tu m’as requis de te mettre en mon Livre,
En te voulant nombrer de mes Amis :
Je l’ay promis, ma promesse te libvre,
Il me desplait que plus tost n’y sois mis.
Mais si je t’ay jusqu’au present omis,
C’estoit (
Seigneur) deffault de cognoissance.
Or elle a pris maintenant sa naissance,
Par un accord d’Amitié non commun.
Advanceons luy sa perfaicte croissance
Joignants par Foy nos deux Cueurs dedans un.