Diogenes aux Enfers apperceut
Crœsus, passant tous les Roys d’abondance,
Dont contenir de rire il ne se sceut,
En luy disant : "Que te sert l’opulance
De tes thresors acquis en vigilance,
Toy qui des Roys fus le plus riche Roy ?
Or es tu seul et plus pauvre que moy,
Car tous mes biens avecques moy je porte,
Mais de ton grand et magnifique arroy,
Ta main prodigue en ce lieu rien n’apporte."